မဟောသဓာ၏ စိတ်ထား
ဤတွင် မဟောသဓာက သုခမိန်တို့ကို ကယ်ဆယ်ရပြန်သည်။ "ဤသုခမိန် လေးယောက်သည် အရှင်မင်းကြီး၏ အမတ်ဟောင်းများ ဖြစ်ကြပါသည်။ သူတို့အပြစ်ကို သည်းခံတော်မူပါ" ဟူ၍ မဟောသဓာက တောင်းပန်လျှောက်ထားသည်။
ထိုအခါတွင်မှ မင်းကြီးသည် သုခမိန်လေးယောက်၏ အသက်ကို ချမ်းသာပေးလိုက်သည်။ သို့ရာတွင် မူလစည်းစိမ်ကို ပြန်မပေးပေ။ "ငါ့သား သုခမိန်၊ ထိုသူလေးယောက်ကို အစေအပါး ကျွန်ပြုလေ" ဟု ဆိုကာ မဟောသဓာအား ပေးလိုက်လေသည်။
မဟောသဓာလည်း ချက်ချင်းပင် သုခမိန်လေးယောက်ကို ကျွန်အဖြစ်မှ လွှတ်လိုက်သည်။ ထိုအခါ မင်းကြီးက "ငါ့သားသုခမိန်၊ ထိုသူလေးယောက်ကို ကျွန် မပြုလိုလျှင် ငါ့နိုင်ငံတော်မှ နှင်ထုတ်လေ" ဟု ဆိုပြန်သည်။
ထိုအခါ မဟောသဓာက "အရှင်မင်းကြီး ထိုသူလေးယောက်လုံးသည် အရှင်မင်းကြီးမှ တစ်ပါး ကိုးကွယ်ရာ မရှိပါ။ မလိမ္မာသဖြင့် အမှားကို အမှန်ထင်၍ ပြုကျင့်မိကြပါသည်။ ထိုသူတို့၏ အပြစ်ကို သည်းခံတော်မူပါ။ မူလစည်းစိမ်ကိုပင် ပေး၍ ပြန်လည် ချီးမြှောက်တော်မူပါ" ဟု တောင်းပန်လျှောက်ထား၏။ မင်းကြီးလည်း မဟောသဓာ၏ စကားကို နာယူသည်။ သုခမိန်လေးယောက်အား ခွင့်လွှတ်၍ မူလစည်းစိမ်ကို ပြန်ပေးသည်။
မင်းကြီးက "ငါ့သား သုခမိန် မဟောသဓာသည် မိမိ၏ အသက်ကို ရန်ပြုသော ရန်သူလေးယောက်ကိုပင်လျှင် ရန်ငြိုးမသို၊ မေတ္တာထားနိုင်သေးသည်။ သူ့ကို ကြီးစွာချီးမြှောက်သော ငါ့ကိုကား အဘယ်ဆိုဖွယ်ရာ ရှိမည်နည်း" ဟုဆို၏။ မဟောသဓာကို ရှေးကထက် ယုံကြည်စွာ ကြည်ညိုမြတ်နိုး၏။ သို့ဖြင့် စစ်ဘုရင်သေနာပတိ ရာထူးကို ထပ်၍ ပေးပြန်လေသည်။
ထိုနေ့မှစ၍ သုခမိန်လေးယောက်တို့သည် မဟောသဓာကို တုပြိုင်ခြင်း မပြုဝံ့တော့။ အစွယ်ကျိုးသော မြွေများကဲ့သို့ ငြိမ်းအေးစွာ နေထိုင်ကြလေသည်။
မဟောသဓာ၏ ပြင်ဆင်မှု
သုခမိန်လေးဦး၏ အနှောင့်အယှက်မှလည်း ကင်းဝေးပြီ။ စစ်သူကြီး ရာထူးကိုလည်း ရရှိပြီ။ ထို့ကြောင့် မဟောသဓာသုခမိန်သည် ဝိဒေဟရာဇ် မင်းကြီးအကျိုးနှင့် တိုင်းသူပြည်သားတို့၏ အကျိုးကို အစွမ်းကုန် ဆောင်ရွက်ခွင့် ရသွားလေသည်။
မဟောသဓာသည် မင်းကြီးအား မင်းကျင့်တရားနှင့်အညီ ဆောင်ရွက်နိုင်ရန်လည်း ညွှန်ပြသည်။ မင်းကြီး စိတ်အေးချမ်းသာ နေနိုင်အောင်လည်း ပြည်ထဲရေးရာ ကိစ္စအဝဝကို မိမိကသာ တာဝန်ယူ ဆောင်ရွက်ပေးသည်။
သူသည် နိုင်ငံတည်တံ့ခိုင်မြဲအောင် မိထိလာမြို့ကို ကျုံးသုံးထပ်လည်း ကာရံစေသည်။ တံတိုင်းကြီး၊ တံတိုင်းငယ်တို့လည်း ကာရံစေသည်။ အိမ်အို၊ အိမ်ဟောင်းများကိုလည်း ပြုပြင်စေသည်။ ရေတွင်း ရေကန်များကိုလည်း အလုံအလောက် တူးစေသည်။ စပါးကျီတို့၌လည်း စပါးအပြည့် သိုလှောင်စေသည်။ ရိက္ခာဖူလုံအောင် ဆောင်ရွက်စေသည်။
ထို့နောက် ဖွားဖက်တော် သူငယ်ဖော်များထဲမှ လက်ရွေးစဉ် တစ်ရာကို ရွေးသည်။ တိုင်းတစ်ပါးရှိ ထီးဆောင်းမင်းတစ်ရာထံသို့ လက်ဆောင်ပဏ္ဏာများ ဆက်၍ သွားရောက် အမှုထမ်းစေသည်။ သတင်းများရအောင် စုံစမ်းစေသည်။ သူလျှိုများ အဖြစ် ဆောင်ရွက်စေသည်။
(မဟောသဓာအပိုင်း- ၂၆ "စူဠနီဗြဟ္မမဒတ်မင်းနှင့် ကေဝဋ်ပုဏ္ဏား" ဆက်တင်ပါမည်)
ဤတွင် မဟောသဓာက သုခမိန်တို့ကို ကယ်ဆယ်ရပြန်သည်။ "ဤသုခမိန် လေးယောက်သည် အရှင်မင်းကြီး၏ အမတ်ဟောင်းများ ဖြစ်ကြပါသည်။ သူတို့အပြစ်ကို သည်းခံတော်မူပါ" ဟူ၍ မဟောသဓာက တောင်းပန်လျှောက်ထားသည်။
ထိုအခါတွင်မှ မင်းကြီးသည် သုခမိန်လေးယောက်၏ အသက်ကို ချမ်းသာပေးလိုက်သည်။ သို့ရာတွင် မူလစည်းစိမ်ကို ပြန်မပေးပေ။ "ငါ့သား သုခမိန်၊ ထိုသူလေးယောက်ကို အစေအပါး ကျွန်ပြုလေ" ဟု ဆိုကာ မဟောသဓာအား ပေးလိုက်လေသည်။
မဟောသဓာလည်း ချက်ချင်းပင် သုခမိန်လေးယောက်ကို ကျွန်အဖြစ်မှ လွှတ်လိုက်သည်။ ထိုအခါ မင်းကြီးက "ငါ့သားသုခမိန်၊ ထိုသူလေးယောက်ကို ကျွန် မပြုလိုလျှင် ငါ့နိုင်ငံတော်မှ နှင်ထုတ်လေ" ဟု ဆိုပြန်သည်။
ထိုအခါ မဟောသဓာက "အရှင်မင်းကြီး ထိုသူလေးယောက်လုံးသည် အရှင်မင်းကြီးမှ တစ်ပါး ကိုးကွယ်ရာ မရှိပါ။ မလိမ္မာသဖြင့် အမှားကို အမှန်ထင်၍ ပြုကျင့်မိကြပါသည်။ ထိုသူတို့၏ အပြစ်ကို သည်းခံတော်မူပါ။ မူလစည်းစိမ်ကိုပင် ပေး၍ ပြန်လည် ချီးမြှောက်တော်မူပါ" ဟု တောင်းပန်လျှောက်ထား၏။ မင်းကြီးလည်း မဟောသဓာ၏ စကားကို နာယူသည်။ သုခမိန်လေးယောက်အား ခွင့်လွှတ်၍ မူလစည်းစိမ်ကို ပြန်ပေးသည်။
မင်းကြီးက "ငါ့သား သုခမိန် မဟောသဓာသည် မိမိ၏ အသက်ကို ရန်ပြုသော ရန်သူလေးယောက်ကိုပင်လျှင် ရန်ငြိုးမသို၊ မေတ္တာထားနိုင်သေးသည်။ သူ့ကို ကြီးစွာချီးမြှောက်သော ငါ့ကိုကား အဘယ်ဆိုဖွယ်ရာ ရှိမည်နည်း" ဟုဆို၏။ မဟောသဓာကို ရှေးကထက် ယုံကြည်စွာ ကြည်ညိုမြတ်နိုး၏။ သို့ဖြင့် စစ်ဘုရင်သေနာပတိ ရာထူးကို ထပ်၍ ပေးပြန်လေသည်။
ထိုနေ့မှစ၍ သုခမိန်လေးယောက်တို့သည် မဟောသဓာကို တုပြိုင်ခြင်း မပြုဝံ့တော့။ အစွယ်ကျိုးသော မြွေများကဲ့သို့ ငြိမ်းအေးစွာ နေထိုင်ကြလေသည်။
မဟောသဓာ၏ ပြင်ဆင်မှု
သုခမိန်လေးဦး၏ အနှောင့်အယှက်မှလည်း ကင်းဝေးပြီ။ စစ်သူကြီး ရာထူးကိုလည်း ရရှိပြီ။ ထို့ကြောင့် မဟောသဓာသုခမိန်သည် ဝိဒေဟရာဇ် မင်းကြီးအကျိုးနှင့် တိုင်းသူပြည်သားတို့၏ အကျိုးကို အစွမ်းကုန် ဆောင်ရွက်ခွင့် ရသွားလေသည်။
မဟောသဓာသည် မင်းကြီးအား မင်းကျင့်တရားနှင့်အညီ ဆောင်ရွက်နိုင်ရန်လည်း ညွှန်ပြသည်။ မင်းကြီး စိတ်အေးချမ်းသာ နေနိုင်အောင်လည်း ပြည်ထဲရေးရာ ကိစ္စအဝဝကို မိမိကသာ တာဝန်ယူ ဆောင်ရွက်ပေးသည်။
သူသည် နိုင်ငံတည်တံ့ခိုင်မြဲအောင် မိထိလာမြို့ကို ကျုံးသုံးထပ်လည်း ကာရံစေသည်။ တံတိုင်းကြီး၊ တံတိုင်းငယ်တို့လည်း ကာရံစေသည်။ အိမ်အို၊ အိမ်ဟောင်းများကိုလည်း ပြုပြင်စေသည်။ ရေတွင်း ရေကန်များကိုလည်း အလုံအလောက် တူးစေသည်။ စပါးကျီတို့၌လည်း စပါးအပြည့် သိုလှောင်စေသည်။ ရိက္ခာဖူလုံအောင် ဆောင်ရွက်စေသည်။
ထို့နောက် ဖွားဖက်တော် သူငယ်ဖော်များထဲမှ လက်ရွေးစဉ် တစ်ရာကို ရွေးသည်။ တိုင်းတစ်ပါးရှိ ထီးဆောင်းမင်းတစ်ရာထံသို့ လက်ဆောင်ပဏ္ဏာများ ဆက်၍ သွားရောက် အမှုထမ်းစေသည်။ သတင်းများရအောင် စုံစမ်းစေသည်။ သူလျှိုများ အဖြစ် ဆောင်ရွက်စေသည်။
(မဟောသဓာအပိုင်း- ၂၆ "စူဠနီဗြဟ္မမဒတ်မင်းနှင့် ကေဝဋ်ပုဏ္ဏား" ဆက်တင်ပါမည်)
No comments:
Post a Comment