မြတ်စွာဘုရား၏ အားတော်ဆယ်ပါး

၁။ ဌာနာဌာန ကောသလ္လဉာဏ်၊ အကြောင်း ဟုတ် မဟုတ် သိသောဉာဏ်၊
၂။ ဝိပါကဉာဏ်၊ ကောင်းကျိုး မကောင်းကျိုးကို သိသောဉာဏ်၊
၃။ သဗ္ဗတ္ထ ဂါမိနီဉာဏ်၊ သတ္တဝါတို့ လားရာသွားရာ ကုန်အောင်အစုံ သိသောဉာဏ်၊
၎။ နာနာဓါတုဉာဏ်၊ အထူးထူးသော ဓါတ်တို့ကို သိသောဉာဏ်၊
၅။ အဓိမုတ္တိဉာဏ်၊ အလိုဆန္ဒအားလုံးကို သိသောဉာဏ်၊
၆။ ဣနြ္ဒိယ ပရောပရိယတ္တိဉာဏ်၊ ဣနြေ္ဒနုရင့်ကို သိသောဉာဏ်၊
၇။ ဈာနာဒိ သံကိလေသဉာဏ်၊ ဈာန်, ဝိမောက္ခ, သမာဓိ ,သမာပတ်, စသည်တို့၏ ညစ်ညူးကြောင်းကို သိသောဉာဏ်၊
၈။ ပုဗ္ဗေနိဝါသဉာဏ်၊ ရှေးဖြစ်ဟောင်း ဘဝခန္ဓာစဉ်ကို သိသောဉာဏ်၊
၉။ ဒိဗ္ဗစက္ခုဉာဏ်၊ နတ်မျက်စိကဲ့သို့ အလင်းရောင်ခြည် အားကောင်းသော အဘိညာဉ်မျက်စိဉာဏ်၊
၁ဝ။ အာသဝက္ခယဉာဏ်၊ အရဟတ္တမဂ်ဉာဏ်။

မြတ်စွာဘုရား၏ အားတော်ဆယ်ပါး-

သာရိပုတြာ မြတ်စွာဘုရား၏ အားတော်တို့သည် ဆယ်ပါးတို့တည်း၊
မြတ်စွာဘုရားသည် ယင်းအားတော်တို့နှင့် ပြည့်စုံသည် ဖြစ်၍ မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

အားတော် ဆယ်ပါးတို့ ဟူသည် အဘယ်တို့နည်း ဟူမူ-

၁...
သာရိပုတြာ ဤလောက၌ မြတ်စွာဘုရားသည် အကြောင်း ဟုတ်သည်ကိုလည်း အကြောင်း ဟုတ်သောအားဖြင့်, အကြောင်း မဟုတ်သည်ကိုလည်း အကြောင်း မဟုတ်သောအားဖြင့် ဟုတ်တိုင်းမှန်စွာ ခွဲခြား၍ သိ၏၊ သာရိပုတြာ ယင်းသို့ အကြောင်း ဟုတ်သည်ကိုလည်း အကြောင်းဟုတ်သောအားဖြင့်, အကြောင်း မဟုတ်သည်ကိုလည်း အကြောင်း မဟုတ်သောအားဖြင့် ဟုတ်တိုင်း မှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၂...
သာရိပုတြာ ထို့ပြင်လည်း မြတ်စွာဘုရားသည် အတိတ် အနာဂတ် ပစ္စုပ္ပန်ဖြစ် သည့် ဆောက်တည်၍ ပြုအပ်သော ကံတို့၏ အကျိုးကို အထောက်အပံ့ အားဖြင့် အကြောင်းအားဖြင့် ဟုတ်တိုင်းမှန်စွာ ခွဲခြား၍သိ၏။ သာရိပုတြာ ယင်းသို့ အတိတ် အနာဂတ် ပစ္စုပ္ပန်ဖြစ်သည့် ဆောက်တည်၍ ပြုအပ်သော ကံတို့၏ အကျိုးကို အထောက် အပံ့အားဖြင့် အကြောင်း အားဖြင့် ဟုတ်တိုင်းမှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၃...
သာရိပုတြာ ထို့ပြင်လည်း မြတ်စွာဘုရားသည် အလုံးစုံသော ဂတိငါးတန်နှင့် နိဗ္ဗာန်သို့ ရောက်ကြောင်း အကျင့်ကို ဟုတ်တိုင်းမှန်စွာ ခွဲခြား၍ သိ၏၊ သာရိပုတြာ ယင်းသို့ အလုံးစုံသော ဂတိငါးတန်နှင့် နိဗ္ဗာန်သို့ ရောက်ကြောင်း အကျင့်ကို ဟုတ်တိုင်းမှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ ၏။

၎...
သာရိပုတြာ ထို့ပြင်လည်း မြတ်စွာဘုရားသည် များပြားသောဓာတ် အမျိုးမျိုးသော ဓာတ်တို့ ရှိသော လောကကို ဟုတ်တိုင်း မှန်စွာ ခွဲခြား၍ သိ၏။ သာရိပုတြာ ယင်းသို့ များပြားသော ဓာတ် အမျိုးမျိုးသော ဓာတ်တို့ ရှိသော လောကကို ဟုတ်တိုင်းမှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၅...
သာရိပုတြာ ထို့ပြင်လည်း မြတ်စွာဘုရားသည် သတ္တဝါတို့၏ စိတ်ထား အမျိုးမျိုးကို ဟုတ်တိုင်းမှန်စွာ ခွဲခြား၍ သိ၏၊ သာရိပုတြာ ယင်းသို့ သတ္တဝါတို့၏ စိတ်ထား အမျိုးမျိုးကို ဟုတ်တိုင်းမှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ် ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရား စကြာကို လည်စေ၏။

၆...
သာရိပုတြာ ထို့ပြင်လည်း မြတ်စွာဘုရားသည် အယုတ် အမြတ် ဖြစ်သော ပုဂ္ဂိုလ် သတ္တဝါတို့၏ ဣနြေ္ဒ အနု အရင့်ကို ဟုတ်တိုင်း မှန်စွာ ခွဲခြား၍ သိ၏။ သာရိပုတြာ ယင်းသို့ အယုတ် အမြတ် ဖြစ်သော ပုဂ္ဂိုလ် သတ္တဝါတို့၏ ဣနြေ္ဒအနု အရင့်ကို ဟုတ်တိုင်းမှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၇...
သာရိပုတြာ ထို့ပြင်လည်း မြတ်စွာဘုရားသည် ဈာန် ဝိမောက္ခ သမာဓိ သမာပတ် တို့၏ ညစ်ညူးကြောင်း ဖြူစင်ကြောင်း ထမြောက်ကြောင်းကို ဟုတ်တိုင်းမှန်စွာ ခွဲခြား၍ သိ၏။ သာရိပုတြာ ယင်းသို့ဈာန် ဝိမောက္ခ သမာဓိ သမာပတ်တို့၏ ညစ်ညူးကြောင်း ဖြူစင်ကြောင်း ထမြောက်ကြောင်းကို ဟုတ်တိုင်း မှန်စွာ မြတ်စွာဘုရား၏ ခွဲခြား၍ သိခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၈...
သာရိပုတြာ ထို့ပြင်လည်း မြတ်စွာဘုရားသည် များပြားသော ရှေး၌ ဖြစ်ဖူးသော ဘဝကို အောက်မေ့နိုင်၏။ ဤသည်ကား အဘယ်နည်း။ တစ်ဘဝကို လည်း ကောင်း၊ နှစ်ဘဝတို့ကို လည်းကောင်း၊ သုံးဘဝတို့ကို လည်းကောင်း၊ လေးဘဝ တို့ကို လည်းကောင်း၊ ငါးဘဝတို့ကို လည်းကောင်း၊ ဆယ်ဘဝတို့ကို လည်း ကောင်း၊ ဘဝနှစ်ဆယ်တို့ကို လည်းကောင်း၊ ဘဝသုံးဆယ်တို့ကို လည်းကောင်း၊ ဘဝလေးဆယ်တို့ကို လည်းကောင်း၊ ဘဝငါးဆယ်တို့ကို လည်းကောင်း၊ ဘဝ တစ်ရာကို လည်းကောင်း၊ ဘဝတစ်ထောင်ကို လည်းကောင်း၊ ဘဝတစ်သိန်းကို လည်းကောင်း၊ များပြားသော ပျက်ကပ်တို့ကို လည်းကောင်း၊ များပြားသော ဖြစ်ကပ်တို့ကိုလည်းကောင်း၊ များပြားသော ပျက်ကပ်ဖြစ်ကပ်တို့ကိုလည်းကောင်း၊

ဤမည်သော ဘဝ၌ ''(ငါသည်) ဤသို့သော အမည် ရှိခဲ့၏၊ ဤသို့သော အနွယ် ရှိခဲ့၏၊ ဤသို့သောအဆင်း ရှိခဲ့၏၊ ဤသို့သော အစာ ရှိခဲ့၏၊ ဤသို့သော ချမ်းသာ ဆင်းရဲကို ခံစား ခဲ့၏၊ ဤသို့သော အသက် အပိုင်းအခြား ရှိခဲ့၏၊ ထိုငါသည် ထိုဘဝမှ သေခဲ့၍ ဤမည်သော ဘဝ၌ ဖြစ်ပြန်၏၊ ထိုဘဝ၌လည်း ဤသို့သော အမည် ရှိခဲ့၏၊ ဤသို့သော အနွယ် ရှိခဲ့၏၊ ဤသို့သော အဆင်း ရှိခဲ့၏၊ ဤသို့သော အစာ ရှိခဲ့၏၊ ဤသို့သော ချမ်းသာ ဆင်းရဲကို ခံစားခဲ့၏၊ ဤသို့သော အသက် အပိုင်းအခြား ရှိခဲ့၏၊ ထိုငါသည် ထိုဘဝမှ သေခဲ့၍ ဤဘဝ၌ ဖြစ်ပြန်၏'' ဟု ဤသို့သော အခြင်းအရာနှင့်တကွ ညွှန်ပြဖွယ် (အမည်အနွယ်)နှင့်တကွ များပြား သော ရှေး၌ ဖြစ်ဖူးသော ဘဝကို အောက်မေ့ နိုင်၏။ပ။ သာရိပုတြာ ယင်းသို့ မြတ်စွာဘုရား၏ များပြားသော ရှေး၌ ဖြစ်ဖူးသော ဘဝကို အောက်မေ့ နိုင်ခြင်း သည်လည်း မြတ်စွာဘုရား၏ အားမည်၏၊ ယင်းအားကိုစွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၉...
သာရိပုတြာ ထို့ပြင်လည်း မြတ်စွာဘုရားသည် အထူးသဖြင့် စင်ကြယ်သော လူတို့၏ မျက်စိထက် သာလွန်သော နတ်မျက်စိနှင့် တူသော 'ဒိဗ္ဗစက္ခု' ဉာဏ်ဖြင့် သေဆဲ သတ္တဝါ ဖြစ်ပေါ်ဆဲ သတ္တဝါ၊ ယုတ်သော သတ္တဝါ၊ မြတ်သော သတ္တဝါ၊ အဆင်းလှသော သတ္တဝါ၊ အဆင်း မလှသော သတ္တဝါ၊ ကောင်းသော လားရာ ရှိသော သတ္တဝါ၊ မကောင်းသော လားရာ ရှိသော သတ္တဝါတို့ကို မြင်နိုင်၏၊

ကံအားလျော်စွာ ဖြစ်ပေါ်သော သတ္တဝါတို့ကို သိနိုင်၏၊ ''အချင်းတို့ ဤသတ္တဝါတို့ သည် ကိုယ်ဖြင့် ပြုသော မကောင်းသော အကျင့် 'ကာယ ဒုစရိုက်' နှင့် ပြည့်စုံ ကုန်၏၊ နှုတ်ဖြင့် ပြုသော မကောင်းသော အကျင့် 'ဝစီဒုစရိုက်' နှင့် ပြည့်စုံ ကုန်၏၊ စိတ် ဖြင့်ပြုသော မကောင်းသော အကျင့် 'မနောဒုစရိုက်' နှင့် ပြည့်စုံ ကုန်၏၊ အရိယာတို့ကို စွပ်စွဲကုန်၏၊ မှားသော အယူရှိကုန်၏၊ မှားသော အယူဖြင့် ပြုသော ကံ ရှိကုန်၏၊ ထို (သတ္တဝါ)တို့သည် ခန္ဓာကိုယ် ပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသောလားရာ ပျက်စီး၍ ကျရောက်ရာ ဖြစ်သော ငရဲ၌ ဖြစ်ပေါ် ကုန်၏။

အချင်းတို့ ဤသတ္တဝါတို့သည်ကား ကိုယ်ဖြင့် ပြုသော ကောင်းသော အကျင့် 'ကာယသုစရိုက်' နှင့် ပြည့်စုံကုန်၏၊ နှုတ်ဖြင့် ပြုသော ကောင်းသော အကျင့် 'ဝစီသုစရိုက်' နှင့် ပြည့်စုံ ကုန်၏၊ စိတ်ဖြင့် ပြုသော ကောင်းသော အကျင့် 'မနောသုစရိုက်' နှင့် ပြည့်စုံ ကုန်၏၊ အရိယာတို့ကို မစွပ်စွဲကုန်၊ မှန်သော အယူရှိ ကုန်၏၊ မှန်သော အယူဖြင့် ပြုသောကံ ရှိကုန်၏၊ ထို (သတ္တဝါ)တို့သည် ခန္ဓာကိုယ် ပျက်စီး၍ သေပြီးသည်မှ နောက်၌ ကောင်းသော လားရာ နတ်ပြည်၌ ဖြစ်ပေါ် ကုန်၏'' ဟု ဤသို့လျှင် အထူးသဖြင့် စင်ကြယ်သော လူတို့၏ မျက်စိထက် သာလွန်သော နတ်မျက်စိနှင့် တူသော 'ဒိဗ္ဗစက္ခု' ဉာဏ်ဖြင့် သေဆဲ သတ္တဝါ၊ ဖြစ်ပေါ်ဆဲ သတ္တဝါ ယုတ်သော သတ္တဝါ၊ မြတ်သော သတ္တဝါ အဆင်း လှသော သတ္တဝါ၊ အဆင်းမလှသော သတ္တဝါ၊ ကောင်းသော လားရာ ရှိသော သတ္တဝါ၊ မကောင်းသော လားရာ ရှိသောသတ္တဝါတို့ကို မြင်၏၊ ကံအားလျော်စွာ ဖြစ်သော သတ္တဝါတို့ကို သိ၏။ပ။ သာရိပုတြာ ယင်းသို့ မြတ်စွာဘုရား၏ အထူးသဖြင့် စင်ကြယ်သော လူတို့၏ မျက်စိထက် သာလွန်သော နတ်မျက်စိနှင့် တူသော 'ဒိဗ္ဗစက္ခု' ဉာဏ်ဖြင့် သိနိုင်ခြင်းသည်လည်း မြတ်စွာဘုရား၏အားမည်၏၊ ယင်းအား ကို စွဲ၍ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

၁၀...
သာရိပုတြာ ထို့ပြင်လည်း မြတ်စွာဘုရားသည် အာသဝေါ တရားတို့၏ ကုန်ခြင်း ကြောင့် အာသဝေါတရား ကင်းသော လွတ်မြောက်သော (အရဟတ္တဖိုလ်) စိတ် နှင့် လွတ်မြောက်သော (အရဟတ္တဖိုလ်)ပညာကို ယခုဘဝ၌ပင်လျှင် ထူးသော ဉာဏ်ဖြင့် ကိုယ်တိုင် မျက်မှောက်ပြုလျက် ရောက်၍ နေတော်မူ၏။ သာရိပုတြာ ယင်းသို့ မြတ်စွာဘုရား၏ အာသဝေါ တရားတို့၏ ကုန်ခြင်းကြောင့် အာသဝေါ တရားကင်းသော လွတ်မြောက်သော (အရဟတ္တဖိုလ်) စိတ်နှင့် လွတ်မြောက် သော (အရဟတ္တဖိုလ်) ပညာကို ယခုဘဝ၌ပင်လျှင် ထူးသောဉာဏ်ဖြင့် ကိုယ်တိုင် မျက်မှောက်ပြုလျက် ရောက်၍ နေတော်မူခြင်းသည်လည်း မြတ်စွာဘုရား၏ အားမည်၏၊ ယင်းအားကို စွဲ၍့ မြတ်စွာဘုရားသည် မြင့်မြတ်ကြောင်းကို ဝန်ခံ၏၊ ပရိသတ်တို့၌ ရဲဝံ့သော စကားကို မြွက်ဆို၏၊ မြတ်သော တရားစကြာကို လည်စေ၏။

သာရိပုတြာ မြတ်စွာဘုရား၏ အားတို့သည် ဤဆယ်ပါးတို့တည်း။
မြတ်စွာဘုရားသည် ယင်းအားတို့နှင့် ပြည့်စုံ၍ မြင့်မြတ်ကြောင်းကို ဝန်ခံ၏၊
ပရိသတ်တို့၌ ရဲဝံ့သော စကားကို မြွက်ဆို၏၊
မြတ်သော တရားစကြာကို လည်စေ၏။

သာရိပုတြာ ဤသို့ သိမြင်သော ငါ့ကို ''ရဟန်းဂေါတမအား လူတို့၏ (ကုသိုလ် ကမ္မပထ) တရား ဆယ်ပါးထက် သာလွန်သော အရိယာဖြစ်ရန် စွမ်းနိုင်သော ဉာဏ်အမြင်ထူး မရှိ၊ ရဟန်းဂေါတမသည် ကြံစည် ယူဆလျက် စူးစမ်း လေ့လာကာ အလိုလို ထင်မြင်လာသော တရားကို ဟောကြား၏'' ဟု ပြောဆို သော သူသည် ထိုစကားကို မပယ်သော် ထိုစိတ်ထားကို မပယ်သော် ထိုအယူကို မစွန့်သော် ဆောင်ယူလာသော ဝန်ထုပ်ကို ပစ်ချလိုက် သကဲ့သို့ ငရဲ၌ အချခံရ လတ္တံ့။ သာရိပုတြာ သီလ သမာဓိ ပညာနှင့် ပြည့်စုံသော (အရဟတ္တမဂ္ဂဋ္ဌ) ရဟန်းသည် ယခုဘဝ၌ပင် အရဟတ္တဖိုလ်သို့ ရောက်ရာသကဲ့သို့ ဤအတူ ထို စကားကို မပယ်သော် ထိုစိတ်ထားကို မပယ်သော် ထိုအယူကို မစွန့်သော် ဆောင်ယူလာသော ဝန်ထုပ်ကို ပစ်ချလိုက်သကဲ့သို့ ငရဲ၌ အချခံရလတ္တံ့ ဟူသော ဤဥပမာကို ငါဟော၏။

၁၄၈၊ ၁၄၉၊ သီဟနာဒဝဂ်၊ မူလပဏ္ဏာသပါဠိတော်။

မြတ်စွာဘုရား၏မဟာပုရိသလက္ခဏာ (၃၂) ပါး

မြတ်စွာဘုရားသည် သာဝတ္ထိပြည်၊ ဇေတ၀န်ကျောင်း၌ သီတင်းသုံးနေစဉ် ရဟန်းတို့အား ယောက်ျားမြတ်တို့၏ လက္ခဏာ (၃၂) ပါးဖော်ပြသည့် လက္ခဏသုတ်ကို ဟောကြားတော်မူပါသည်။ ဤသို့ ယောက်ျားမြတ်တို့၏ လက္ခဏာနှင့်ပြည့်စုံသော ယောက်ျားသည် လူ့ဘောင်၌နေခဲ့သော် စကြ၀တေးမင်း၊ ရဟန်းပြုခဲ့သော် ဘုရားဖြစ်မည်ဟူသော အလားအလာနှစ်ပါးမှတစ်ပါး အခြားအလားအလာမရှိဟု မိန့်တော်မူပါသည်။ ဤလက္ခဏာများရရှိခြင်းသည် ရှေးကာလ၊ ရှေးဘ၀တို့၌ လူဖြစ်စဉ်အခါက ကောင်းမှုကုသိုလ်ကံများကို ပြုခဲ့ခြင်းကြောင့် ဖြစ်ပါသည်။ လက္ခဏာ (၃၂) ပါး ကို ဖော်ပြရာ၌ ဤသို့ရရှိသည့်အကြောင်းဖြစ်သော ကုသိုလ်ကံတို့ကို ယှဉ်တွဲဖော်ပြအပ်ပါသည်။

(၁) အညီအညွတ် ကောင်းစွာထိသော ခြေဖ၀ါးရှိခြင်း။
ရှေးဘ၀တို့တွင် ကုသိုလ်တရားကို မြဲမြံစွာဆောက်တည်ခြင်း၊ သီလဆောက်တည်ခြင်း၊ ဥပုသ်ဆောက်တည်ခြင်း၊ မိဘဆရာ သက်ကြီးဝါကြီး ရဟန်းတော်များအား ရိုသေသမှု ပြုဖွယ်ဝတ်တို့ကို ပြုခြင်းတို့ကြောင့် ရရှိခြင်းဖြစ်ပါသည်။

(၂) အောက်ခြေဖ၀ါးပြင်တို့၌ စက်ဝန်းများဖြစ်ပေါ်လာခြင်း။
ရှေးဘ၀တို့၌ လူဖြစ်စဉ် လူအများ၏ချမ်းသာကိုဆောင်ခြင်း၊ ထိတ်လန့်တုန်လှုပ်ဖွယ် ဘေးတို့ကိုပယ်ဖျောက်ပေးခြင်း၊ တရားနှင့်လျော်စွာစောင့်ရှောက်မှု၊ ကာကွယ်မှု၊ လုံခြုံစေမှုတို့ကို စီရင်ပေးခြင်း၊ အခြံအရံနှင့်တကွသော အလှူပေးခြင်း စသော ကုသိုလ်ကံများကို ပြုလုပ်ခဲ့သည့် အကျိုးကျေးဇူးကြောင့် ရရှိသည်။

(၃-၅) ရှည်သောဖနောင့်၊ ရှည်သွယ်သောလက်ချောင်းနှင့်ခြေချောင်းများ၊
ဗြဟ္မာမင်းကဲ့သို့ ဖြောင့်မတ်သောကိုယ် ရှိခြင်း။ ရှေးဘ၀ လူဖြစ်စဉ်အခါများက အသက်သတ်ခြင်းမှရှောင်ကြဉ်ခြင်း၊ မကောင်းမှုမှရှက်တတ်ခြင်း၊ သနားခြင်း၊ သတ္တ၀ါတို့၏အကျိုးစီးပွားကို လိုလားခြင်း၊ စသော ကုသိုလ်ကံကောင်းမှုတို့ကြောင့် ရရှိသည်။

(၆) လက်နှစ်ဖက်၊ ဖြေနှစ်ဖက်၊ ပခုံးစွန်းနှစ်ဖက်၊ လည်ကုပ်တို့၌ ဖြိုးမောက်သောအသားရှိခြင်း။
ရှေးဘ၀တို့၌ လူဖြစ်စဥင်္အခါက မွန်မြတ်သော၊ အရသာရှိသော စားဖွယ်သောက်ဖွယ်တို့ကို ပေးလှူခြင်း စသော ကုသိုလ်ကံကောင်းမှုကြောင့် ရရှိသည်။

(၇-၈) နူးညံ့နုနယ်သော ခြေဖ၀ါး၊ လက်ဖ၀ါး၊ ကွန်ရက်ပမာညီညာသော လက်ခြေ စသည်တုိ့ရှိခြင်း။
ရှေးဘ၀တို့၌ လူဖြစ်စဉ်က ပေးကမ်းစွန့်ကြဲခြင်း၊ ချစ်ဖွယ်သောစကားကိုဆိုခြင်း၊ အကျိုးစီးပွားကိုကျင့်ဆောင်ခြင်း၊ မိမိနှင့်တန်းတူရည်တူဆက်ဆံခြင်းတို့၏ အကျိုးကျေးဇူးကြောင့် ဤလက္ခဏာတော်တို့ကို ရရှိသည်။

(၉-၁၀) မြင့်သောဖမျက်နှင့် အထက်သို့ကော့တက်သောမွေးညင်းတို့ ရှိခြင်း။
ရှေးဘ၀တို့၌ လူဖြစ်စဉ်က အကျိုးရှိ၍ ကုသိုလ်တရားနှင့် စပ်ဆက်သောစကားကိုဟောလျက် လူအများ၏အကျိုးစီးပွားကို ပြခဲ့ခြင်း၊ သတ္တ၀ါတို့၏အကျိုးစီးပွားချမ်းသာကို ဆောင်ကြဉ်းပေးခြင်း၊ ၀န်တိုမှုကင်းမဲ့ခြင်း၊ တရားအလှူကိုပေးလှူခြင်းတို့ကြောင့် ဤလက္ခဏာနှစ်ပါးကို ရရှိသည်။

(၁၁) ဧဏီသားကောင်ကဲ့သို့ ပြေပြစ်သောသလုံးမြင်းခေါင်းရှိခြင်း။
ရှေးဘ၀တို့၌ လူဖြစ်စဉ်က ၀ိဇ္ဗာ၊ သိပ္ပံပညာများကိုလည်းကောင်း၊ အကျင့်သီလနှင့် ကမဿကတာပညာကိုလည်းကောင်း လျင်မြန်စွာသိမြင်အောင် ဟောပြောပို့ချပေးခဲ့ခြင်း စသည့်ကုသိုလ်ကံတို့ကြောင့်ရရှိသည်။

(၁၂) ချောမွေ့သောအသားအရေရှိခြင်း၊
ရှေးဘ၀တို့၌ လူဖြစ်စဉ်က ရဟန်း၊ ပုဏ္ဏားတို့ထံချဉ်းကပ်၍ အဘယ်တရားကုသိုလ်မည်၍ ဘယ်တရားသည် အကုသိုလ်မည်ပါသနည်း၊ ဘယ်တရားကိုမှီဝဲ၍ ဘယ်တရားကို မမှီဝဲသင့်ပါသနည်းဟု အဖန်ဖန်မေးမြန်းခဲ့သည့်ကံကြောင့် ရရှိသည်။

(၁၃) ရွှေအဆင်းနှင့်တူသော အသားအရေရှိခြင်း။
ရှေးဘ၀တို့၌ လူဖြစ်စဉ်က အမျက်ထွက်ခြင်း၊ စိတ်ဆိုးခြင်း၊ ရန်ငြိုးထားခြင်းများကို မပြုခဲ့၊ သိမ်မွေ့သောအ၀တ်အထည်များကို ပေးလှူခြင်း စသည့်ကံတို့ကြောင့် ရရှိခြင်းဖြစ်သည်။

(၁၄) အအိမ်ဖြင့်ဖုံးလွှမ်းအပ်သော ပုရိသနိမိတ်ရှိခြင်း။
ရှေးဘ၀တို့၌ လူဖြစ်စဉ်က ကြာမြင့်စွာပျောက်ကွယ်နေသော၊ ကြာမြင့်စွာကွဲကွာနေသော ဆွေမျိုးမိတ်ဆွေတို့ကို ပေါင်းဆုံညီညွတ်စေပြီး ၀မ်းမြောက်စေမှုကြောင့် ရရှိသည်။

(၁၅-၁၆) အလုံးနှင့်အရပ် ညီညွတ်လျက် ပညောင်ပင်ကဲ့သို့ လုံးဝန်းသောကိုယ်နှင့် မကိုင်းမညွတ်ဘဲရပ်လျက်ပင် နှစ်ဖက်သောလက်ဝါး အပြင်တို့ဖြင့် ပုဆစ်ဒူးတို့ကို သုံးသပ်ဆုပ်နယ်နိုင်ခြင်း။
ရှေးဘ၀တို့၌ လူဖြစ်စဉ်က ဤသူသည် ဤအလှူကိုခံထိုက်၏ဟူ၍ ပုဂ္ဂိုလ်ထူး၊ ပုဂ္ဂိုလ်မြတ်များကို ခွဲခြားသိမြင်ပြီး ထိုက်တန်လျောက်ပတ်စွာ ပေးလှူတတ်ခြင်းကြောင့် ရရှိသည်။

(၁၇-၁၉) ခြင်္သေ့၏ကိုယ်အရှေ့ပိုင်းနှင့်တူသော ကိုယ်၊ လက်ပြင်နှစ်ဖက်ကြား၌ တစ်ပြင်တည်းညီလျက် ပြည့်ဖြိုးသောအသားနှင့် ညီညွာစွာလုံးသော လည်ပင်းလည်တိုင် စသည်တို့ရှိခြင်း။
ရှေးဘ၀တို့၌ လူဖြစ်စဉ်က လူအများ၏ယုံကြည်မှု (သဒ္ဓါ)၊ အကျင့်(သီလ)၊ စာပေသင်ကြားမှု (သုတ)၊ စွန့်ကြဲလှူဒါန်းမှု (စာဂ) စသော တရားများနှင့်တကွ ပစ္စည်းဥစ္စာ ချမ်းသာ စည်းစိမ်တိုးပွားအောင်မြင်ခြင်းကို လိုလားတောင့်တမှုတို့ကြောင့် ဤလက္ခာတို့ကို ရရှိသည်။

(၂၀) အရသာကိုဆောင်သော အလွန်ကောင်းမြတ်သောအကြောရှိခြင်း။
ရှေးဘ၀တို့၌ လူဖြစ်စဉ်က လက်၊ တုတ်၊ ဓား လက်နက်တို့ဖြင့် သတ္တ၀ါတို့ကို ညှင်းဆဲနှိပ်စက်ခြင်းမပြုခဲ့သော ကုသိုလ်ကံကြောင့် ရရှိသည်။

(၂၁-၂၂) အလွန်ညိုသောမျက်လုံးနှင့် နွားငယ်မျက်တောင်နှင့် တူသောမျက်တောင် စသည်တို့ရှိခြင်း။
ရှေးဘ၀တို့၌ လူဖြစ်စဉ်က သူတပါးကို အမျက်ထွက်သဖြင့် မျက်လုံးပြူး၍ကြည့်ခြင်း၊ မျက်စောင်းထိုး၍ကြည့်ခြင်း၊ လျှို့ဝှက်စွာကြည့်ခြင်းများကို မပြုခဲ့၊ ရိုးဖြောင့်သော စိတ်ရှိသည်ဖြစ်၍ ရိုးဖြောင့်စွာသာကြည့်ရှုခဲ့ခြင်း၊ မေတ္တာဓာတ်ကိန်းသောမျက်စိဖြင့်သာ လူအများကိုကြည့်ရှုခဲ့ခြင်း စသည်တို့ကြောင့် ရရှိသည်။

(၂၃) သင်းကျစ်တပ်ဆင်ထားဘိသကဲ့သို့သော ဦးခေါင်းရှိခြင်း။
ရှေးဘ၀တို့၌ လူဖြစ်စဉ်က ကာယသုစရိုက်၊ ၀စီသုစရိုက်၊ မနောသုစရိုက် စသည်တို့ကို ပြုကျင့်ခြင်း၊ လှူဒါန်းခြင်း၊ ပေးကမ်းစွန့်ကြဲခြင်း၊ သီလဆောက်တည်ခြင်း၊ ဥပုသ်စောင့်ခြင်း၊ အမိအဖတို့ကို ချစ်ခင်မြတ်နိုးခြင်း၊ ရဟန်းပုဏ္ဏားတို့ကို ကြည်ညိုလေးစားခြင်း၊ အသက်ကြီးသောဆွေမျိုးတို့ကို ရိုသေခြင်း စသောကုသိုလ်တရားတို့၌ လူအများ၏အကြီးအမှူး ရှေ့သွားခေါင်းဆောင်ဖြစ်ခဲ့ခြင်း စသည့်ကံတို့ကြောင့် ရရှိသည်။

(၂၄-၂၅) တစ်ပင်ချင်းပေါက်သော မွေးညင်းနှင့် မျက်မှောင်နှစ်ဖက်ကြား၌ နူးညံ့၍လဲဝါဂွမ်းနှင့်တူသော၊ ဖြူစင်သော ဥဏ္ဏလုံမွေးရှင် စသည်တို့ ပေါက်ခြင်း၊
ရှေးဘ၀တို့၌ လူဖြစ်စဉ်က မုသားပြောခြင်းမှရှောင်ကြဉ်၍ မှန်သောစကား၊ စွဲမြဲတည်တံ့သောစကားကိုသာ ပြောတတ်ခြင်း၊ တစ်ဖက်သားအား လိမ်လည်လှည့်စားခြင်းကို ပြုလေ့မရှိခြင်း၊ စသောကံတို့ကြောင့် ရရှိသည်။

(၂၆-၂၇) သွားတော် ၄၀ နှင့် မကျဲသောသွားတို့ ရှိခြင်း။
ရှေးဘ၀တို့၌ လူဖြစ်စဉ်က ကုန်းချောစကားပြောခြင်းကို ရှောင်ကြဉ်၍ ကွဲပြားနေသူတို့ကို ညီညွတ်အောင်စေ့စပ်ပေးခြင်း၊ ညီညွတ်နေသူတို့ကိုလည်း ပို၍ညီညွတ်အောင် အားပေးခြင်းများ ပြုခဲ့သည့်ကံတို့ကြောင့် ရရှိသည်။

(၂၈-၂၉) ကြီးမားရှည်လျားနူးညံ့သော လျှာနှင့် ဗြဟ္မာ့အသံ၊ ကရ၀ိက်ငှက်အသံနှင့်တူသော အသံတို့ရှိခြင်း။
ရှေးဘ၀တို့၌ လူဖြစ်စဉ်က ကြမ်းတမ်းသောစကားပြောခြင်းမှ ရှောင်ကြဉ်ခြင်း၊ အပြစ်ကင်းသော၊ နားချမ်းသာသော၊ ယဉ်ကျေးသိမ်မွေ့၍ လူအများနှစ်လိုဖွယ်စကားတို့ကိုသာ ပြောဆိုခဲ့ခြင်း စသည်ကံတို့ကြောင့် ရရှိသည်။

(၃၀) ခြင်္သေ့မေးနှင့်တူသောမေးရှိခြင်း။
ရှေးဘ၀တို့၌ လူဖြစ်စဉ်က ပြိန်ဖျင်းသောစကားကိုပြောဆိုခြင်းမှရှောင်ကြဉ်ခြင်း၊ မှန်ကန်၍ အကျိုးစီးပွားနှင့် စပ်သောစကားကိုသာ အခါအခွင့်အားလျော်စွာ ပြောဆိုခြင်းတို့ကြောင့် ရရှိသည်။

(၃၁-၃၂) ညီညာသောသွားနှင့် အလွန်ဖြူစင်သော စွယ်တော်လေးချောင်းတို့ရှိခြင်း။
ရှေးဘ၀တို့၌ လူဖြစ်စဉ်က မကောင်းသောအသက်မွေးခြင်းကို ပယ်၍ ကောင်းသောအသက်မွေးခြင်းဖြင့် အသက်မွေးခြင်း၊ အသပြာတုပြု၊ အချိန်အတွယ်အတိုင်းအတာ တို့ကို ကောက်ကျစ်စဉ်းလဲစွာ ချိန်တွယ်တိုင်းတာခြင်းတို့မှ ရှောင်ကြဉ်ခြင်း၊ သတ်ဖြတ်နှောင်ဖွဲ့ခြင်း၊ ခရီးသွားတို့ကို လုယက်ခြင်း၊ ပြည်ရွာကို ဖျက်ဆီးခြင်း၊ အနိုင်အထက်နှိပ်စက်ခြင်းတို့မှ ရှောင်ကြဉ်ခြင်းတို့ကြောင့် ရရှိသည်။

မြတ်စွာဘုရား ပါရမီဖြည့်သည့် (လူ့)ဘ၀အဆက်ဆက်တို့တွင် အကျင့်သီလနှင့် ပြည့်စုံစွာကျင့်ကြံနေထိုင်ခြင်း၊ ကုသိုလ်ကောင်းမှု အလှူဒါန များစွာပြုလုပ်ခြင်း၊ လူအများအပေါ် ကြင်နာထောက်ထားစွာ ဆက်ဆံပြောဆို ကူညီဆောင်ရွက်ပေးခြင်း စသည့် ကောင်းသောကံများ ပြုလုပ်ခဲ့သည့် အကျိုးကြောင့် ယခု ဘုရားဖြစ်မည့်ဘ၀တွင် ယောက်ျားမြတ်တို့၏ မဟာပုရိသလက္ခဏာ ၃၂ ပါးကို ရရှိခြင်းဖြစ်ကြောင့် သိရှိနိုင်စေရန် ဤလက္ခဏသုတ်ကို ဟောရခြင်းဖြစ်သည်။

တရားနာ၊ တရားစာဖတ်ခြင်းကြောင့်ရနိုင်မည့်အကျိုးတရားများ

မိမိတို့နေ့စဉ်တရားတွေနာကြားခြင်း၊ဘာသာရေးဆောင်းပါများဘာသာရေးစာပေများ၊
တရားစာများကိုဖတ်ရှုခြင်းသည်အကျိုးမမဲ့ဘဲ ကောင်းကျိုးများကိုရစေတတ်တယ်၊
ကုသိုလ်တရားများကိုရစေတတ်တယ်ဆိုတဲ့အကြောင်းကိုသိစေချင်ပါတယ်။
တရားနာခြင်း(သို့)တရားဖတ်ခြင်းကို ဓမ္မဿဝနလို့ခေါ်ပါတယ်။တရားနားခြင်းကြောင့်

(၁)။မကြားဖူးသေးသော အကြောင်းအရာများကို ကြားရခြင်း၊

(၂)။ကြားဖူးသော အကြောင်းအရာများကို ထပ်၍ရှင်းလင်းစွာ နာကြားရခြင်း။

(၃)။ယုံမှားသံသယဖြစ်နေသော အချက်များ၌ ယုံမှားပင်းရခြင်း။

(၄)။အယူမှန် သမ္မာဒိဋ္ဌိကိုရခြင်း။

(၅)။သဒ္ဓါပညာတိုးပွား၍ စိတ်ကြည်လင်ခြင်းဟူသော


အကျိုးတရားငါးပါကိုရစေပါတယ်။ဒါကတရားကိုတကယ်နာချင်တဲ့စိတ်နဲ့နားကြားမှသာလျင် အထက်ပါအကျိုးငါးပါးနဲ့ပြည့်စုံပါမှာ။ဆိုလိုတာက တရားနာလျင်ဒီအကျိုးတရားတွေရမယ်။ဒီအကျိုးတရားတွေကို ရည်သန်ပြီးနာမှသာလျင် ဓမ္မဿဝနအစ်ဖြစ်ပြီး အထက်ပါအကျိုးတရားများကိုရမှာဖြစ်ပါတယ်။ တကယ်လို့များ ဓမ္မကထိက(တရားဟောဆရာ)ကိုခင်မင်၍ဖြစ်စေ။တရားနာရင်းရယ်စရာ၊မောစရာအသောပါသဖြင့် ပျော်ရွှင်ချင်တဲ့စိတ်ထားဖြင့်ဖြစ်စေ၊တရားမနာလို့သူများကဲ့ရဲ့မှာဆိုးလို့ဖြစ်စေ၊တရားကိုနာဖော်မရဘူး၊ အပျင်းထူလိုက်တာ ဟုကဲ့ရဲ့ရှုံ့ချမှာဆိုးလို့ဖြစ်စေ၊သူများအထင်ကြီးအောင်

(ဒီလူကဘုရားအလုပ်၊တရားအလုပ်၊သာသနာ့အလုပ်ကိုတကယ်လုပ်တဲ့သူ) စတဲ့ချီးမွမ်းမှုများကိုရလို၍ဖြစ်စေ၊ထိုမှတစ်ဖန် တရားဟောသော ဆရာတော်ရဲ့အရည်ချင်းကိုစီစစ်လိုပြီးအရည်အချင်းနည်းလျင်ကဲ့ရဲ့မည် စတဲ့မကောင်းတဲ့စိတ်ထားဖြင့်ဖြစ်စေ တရားနာမည်ဆိုလျင်တော့ ဓမ္မဿဝန(တရားနာမှုအစစ်)မဟုတ်ပဲ ဓမ္မဿဝန အတုသာဖြစ်တဲ့အတွက် ထိုအကျိုးတရားများကိုရနိုင်မည်မဟုတ်ပါ။သေချာဂရုစိုက်ပြီး(ဓမ္မဿဝန)အစစ်ဖြစ်ဖို့လိုအပ်ပါတယ်။သို့မှသာ အထက်ဖော်ပြထားတဲ့အချက်(၅)ချက်နဲ့ပြည်စုံမှာဖြစ်ပါတယ်။ထိုသို့ပြည့်စုံခြင်းသည်ပင်လျှင် ကုသိုလ်အရာဖြစ်တယ်လို့ဆိုရမှာပါ။ နောက်တရားစာတွေ၊ဘာသာရေးစာပေတွေဖတ်တာဟာ ဓမ္မဿဝနကုသိုလ်ဖြစ်ပါတယ်။အကျိုးများလည်းများသလို ကုသိုလ်လည်းဖြစ်ပါတယ်။တရားနာခြင်းကြောင့်ရနိုင်တဲ့အကျိုးတရားငါးပါးသည် တရားစာဖတ်ခြင်း၊ဘာသာရေးစာပေတွေဖတ်ရင်လည်းထိုအကျိုးတရားငါးပါးကိုရနိုင်ပါတယ်။

တရားနာနေတဲ့အချိန်လေးမှာ၊တရားစာတွေဖတ်နေတဲ့အချိန်လေးမှာ မိမိစိတ်က အခြား အကုသိုလ်ဖြစ်စေမည့် အာရုံများသို့မရောက်နေပဲ၊တရားအာရုံပေါ်ကျရောက်နေတဲ့အတွက် မြတ်စွာဘုရားရှင်အပေါ်၌ ကြည်ညိုမှုသဒ္ဓါတရားတွေ၊ဆရာတော်များဟောတဲ့တရားတွေ၊ ဆရာတော်များရေးတဲ့ဘာသာရေးဆောင်းပါးတွေဟာ မြတ်စွာဘုရားရှင်ကိုယ်တိုင် ဖော်ထုတ်ခဲ့တဲ့ သဘာဝအရှိတရားတွေပဲဆိုတဲ့အသိတွေ၊ထိုတရားတွေကို တကယ်ကျင့်ကြံမယ်ဆိုရင် လက်ငင်းအကျိုးရနိုင်တဲ့တရားဂုဏ်တော်တွေကို အောက်မေ့နှလုံးသွင်းမိတဲ့အတွက် တရားပေါ်၌လဲ သက်ဝင်ယုံကြည်ခြင်းဆိုတဲ့ သဒ္ဓါပညာတွေ၊မြတ်စွာဘုရားပဋိနိဗ္ဗာန်ပြုပြီးနောက်ပိုင်း မြတ်စွာဘုရားဟောဖော်တော်မူခဲ့တဲ့တရားတော်တွေကို မြတ်စွာဘုရားရှင်၏တပည့်သားတော် အရှင်မဟာကဿပ၊အရှင်အာနန္ဒာရဟန္တာမထေရ်မှစ၍ ယခုခေတ် မျက်မှောက်သံဃာတော်များ လက်ဆင့်ကမ်းသယ်ဆောင်လာလို့ ဒီတရားတွေနားကြားရတယ်ဆိုပြီး တရားတော်ကို သယ်ဆောင်တော်မူခဲ့တဲ့ သုပ္ပဋိပန္တွစတဲ့ဂုဏ်တော်ကိုးပါးနဲ့ပြည့်စုံတဲ့ သံဃာတော်တွေရဲ့ဂုဏ်ကိုကြည်ညိုမိတဲ့ သဒ္ဓါတရားတွေကြီးထွားလာပါတယ်။

တရားတော်တွေကိုနာကြားလိုက်တော့ဒါကအကုသိုလ်တရား၊မဆောင်အပ်၊နှလုံးမသွင်းအပ်၊

မပေါင်းဖော်အပ်တဲ့တရား၊ဒါက ကုသိုလ်တရား ဆောင်သင့်အပ်၊နှလုံးသွင်းအပ်၊ပေါင်းဖော်အပ်၊ပြုလုပ်အပ်တဲ့တရား၊ အကုသိုလ်တရားကတော့ငရဲစတဲ့အပါယ်လေးပါးကိုရောက်စေတတ်တဲ့တရား၊ ဒါနတရားကတော့ဖြစ်လေရာဘဝတိုင်း ချမ်းသာခြင်းကိုဆောင်တတ်တဲ့တရား၊သီလတရားကတော့ ဖြစ်လေရာဘဝမှာ အသက်ရှည်စေတတ်၊အနာရောဂါကင်းစေတတ်တဲ့တရား၊ဘာဝနာတရားကတော့ ဖြစ်လေရာဘဝမှာစိတ်ချမ်းသာစေတတ်၊စိတ်ဓာတ်တွေတည်ကြည်စေတတ်တဲ့တရား၊ စိတ်ဆင်းရဲမှုကင်းစေတတ်တဲ့တရား၊အချုပ်အနှောင်အချမခံရပဲ အချုပ်အနှောင်မှလွတ်ကင်းစေတတ်တဲ့တရား၊ဝိပဿနာတရားကတော့ မဂ်ဥာဏ်၊ဖိုလ်ဥာဏ် နိဗ္ဗာန်ကိုရောက်စေတတ်တဲ့တရားဆိုပြီး ပိုင်ပိုင်နိုင်နိုင် ခွဲခြားနိုင်တဲ့ “ပညာ”တရားများလည်းတိုးပွားနိုင်ပါတယ်။ဒါကြောင့်နံပါတ်(၅)မှာသဒ္ဒါ၊ပညာတိုးပွားပြီး စိတ်ကြည်လင်ခြင်းဆိုပြီး အကျိုးတရားတစ်ပါးကိုထည့်သွင်းရေတွက်ထားတာပါ။
ဒီလိုသဒ္ဓါ၊ပညာတိုးလာခြင်းသည်ပင်ကုသိုလ်တရားများရလိုက်ခြင်းပင် ဖြစ်ပါတယ်။


မိမိနားကြားထားတဲ့၊မိမိဖတ်ထားတဲ့ တရားတစ်ခုလောက်ကိုပဲ သေခါနီးအချိန်ထိ ယူဆောင်ကျင့်ကြံလိုက်မယ်ဆိုရင်အတော်ကို အကျိုးထူးပါတယ်။(ဥပမာ)မေတ္တာတစ်လုံးကို ယူပြီး အရပ်လေးမျက်နှာ၊အရပ်ရှစ်မျက်နှာ၊အရပ်ဆယ်မျက်နှာ အနန္တစကြာဝဠာမှာရှိတဲ့ အလုံးစုံသောသတ္တဝါများကို မေတ္တာပို့ကြည့်ပါ။လက်ငင်းအချိန်လည်းအေးချမ်းသလို၊သေဆုံးသွားရင်တောင် ဗြဟ္မာဘုံထိရောက်နိုင်ပါတယ်။တရားနာရင်းသေလို့ နတ်ပြည်ရောက်သွားတဲ့ သာဓကတွေ၊ဝတ္ထုတွေရှိပါတယ်။

ဒါကြောင့်အားလုံးသော သူများလည်း အချိန်ရလျင် ရသလောက်တရားနာစေချင်ပါတယ်။အချိန်ရရင် ရသလောက် ဘာသာရေးစာပေ၊တရားစာပေများကိုဖတ်စေချင်ပါတယ်ဆိုတဲ့အကြောင်း အသိပေးရေးသားလိုက်ရပါသည်။
အားလုံးကိုယ်စိတ်နှစ်ပါးကျန်းမာချမ်းသာကြပါစေ။

ချစ်သူရဲ့ စကားခြောက်ခွန်း

မြတ်စွာဘုရားရှင်လက်ထက်တော်အခါကပေါ့……..
နကုလမာတာနဲ့ နကုလပိတာ ဆိုပြီးလင်မယားနှစ်ယောက်ရှိတယ်(မြန်မာလိုဆိုရင်တော့ နကုလရဲ့ အမေနဲ့ အဖေပေါ့)

နကုလပိတာဟာ အိပ်ရာထဲလဲနေပါတယ်။ ရောဂါဝေဒနာက ပြင်းထန်လွန်းလို့ သေခါနီးအချိန်ရောက်နေပြီဆိုပါတော့..။အဲဒီအချိန်မှာ
သူ့ဇနီးမယားဖြစ်သူ နကုလမာတာက အခုလိုလာပြောပါတယ်—


၁။ “သူကြွယ် သင်သည် ငဲ့ကွက်ခြင်းရှိလျက် မသေပါလင့်၊ ငဲ့ကွက်ခြင်းရှိလျက်
သေခြင်းသည် ဆင်းရဲပါသည်၊ မြတ်စွာဘုရားကလည်း ငဲ့ကွက်ခြင်းရှိလျက်
သေသောသူကို ကဲ့ရဲ့တော်မူပါသည်။ `ငါသေရင် ငါ့ဇနီး နကုလမာတာဟာ သားသမီးတွေကို
ကျွေးမွေးစောင့်ရှောက်နိုင်မည်မဟုတ်၊ အိမ်ထောင်မှုကို
ထိန်းသိမ်းနိုင်မည်မဟုတ်´ဟူ၍ မပူပန်ပါလင့်၊ ကျွန်မသည် ဗိုင်းငင်ခြင်း၊
သိုးမွေးရှင်းခြင်း စသောအလုပ်များကို ကျွမ်းကျင်ပါသည်။
သားငယ်သမီးငယ်များကို ကျွေးမွေးစောင့်ရှောက်နိုင်သူ၊ အိမ်ထောင်မှုကို
ထိန်းသိမ်းနိုင်သူဖြစ်ပါသည်´´
(သူဌေးကတော်က ဗိုင်းငင်တတ်တယ်ဆိုတာက မတော်တဆမွဲသွားခဲ့ရင်တောင်
ဒီပညာတွေနဲ့ သားသမီးတွေကို ၀၀လင်လင်လုပ်ကျွေးနိုင်ပါတယ်လို့
အဆုံးအစွန်ထိပြောလိုက်ခြင်းဖြစ်ပါတယ်)


၂။ “သူကြွယ် သင်သည် `ငါသေရင် ငါ့ဇနီးနကုလမာတာသည်
နောက်ယောကျာင်္းထပ်ယူလိမ့်မည်´ဟူ၍ မပူပန်ပါလင့်၊ သင်နဲ့ကျွန်မတို့သည်
လွန်ခဲ့သော (၁၆)နှစ်မှစ၍ လူတို့၏ဗြဟ္မစရိယ အကျင့်မြတ်ကို
ကျင့်သုံးနေခဲ့ကြသူများဖြစ်ပါသည်။´´
(နေ့စဉ်ရှစ်ပါးသီလကို စောင့်ထိန်း၍ မေထုန်မှုကို လွန်ခဲ့သော၁၆နှစ်ကထဲက
မပြုခဲ့ဘူးလို့ ဆိုလိုရင်းဖြစ်ပါတယ်။ ငါးပါးသီလက မိမိ၏ဇနီးမယား
လင်ယောကျာင်္းနှင့် ကာမစပ်ယှက်မှုပြုလို့ရသော်လည်း
ရှစ်ပါးသီလစောင့်ထိန်းလျှင် မည်သူနှင့်မျှ စပ်ယှက်လို့မရပါ)


၃။ “သူကြွယ် သင်သည် `ငါသေရင် ငါ့ဇနီးနကုလမာတာသည် မြတ်စွာဘုရားနှင့်
ရဟန်းသံဃာတော်တို့ကို ဖူးမြင်ခြင်း ပြုတော့မည်မဟုတ်´ဟူ၍ မပူပန်ပါလင့်၊
ကျွန်မသည် သင်သေသွားပါက မြတ်စွာဘုရားနှင့် ရဟန်းသဃာတော်တို့ကို ပို၍ပင်
ဖူးမြင်လိုပါလိမ့်မည်။´´


၎။ “သူကြွယ် သင်သည် `ငါသေရင် ငါ့ဇနီးနကုလမာတာသည် သီလဖြည့်ကျင့်မှုကို
ပြုတော့မည်မဟုတ်´ဟူ၍ မပူပန်ပါလင့်၊ ကျွန်မသည် သီလဖြည့်ကျင့်မှု
ပြုလေ့ရှိသော ဥပါသိကာမတို့တွင် တစ်ဦးအပါအ၀င်ဖြစ်ကြောင်း
မြတ်စွာဘုရားကိုယ်တိုင် သိတော်မူပါသည်´´


၅။ “သူကြွယ်သင်သည် `ငါ့ဇနီး နကုလမာတာသည် `အတွင်းဓာတ်၌
စိတ်ငြိမ်းချမ်းမှုကို မရသေး´ဟူ၍ မပူပန်ပါလင့်၊ ကျွန်မသည် အတွင်းဓာတ်၌
စိတ်ငြိမ်းချမ်းမှု ရရှိနေသည့် ဥပါသိကာမတို့တွင် တစ်ဦးအပါအ၀င်ဖြစ်ပါသည်။
ယုံမှားသံသယရှိနေလျှင် ဤအကြောင်းကို မြတ်စွာဘုရားကို
မေးလျှောက်ကြည့်နိုင်ပါသည်´´


၆။ “သူကြွယ် သင်သည် `ငါ့ဇနီးနကုလမာတာသည် မြတ်စွာဘုရားသာသနာတော်၌
ထောက်တည်ရာမရရှာသေး´ဟူ၍ မပူပန်ပါလင့်၊ ကျွန်မသည် မြတ်စွာဘုရားသာသနာ၌
ထောက်တည်အားထားရာ ရပြီးသော ဥပါသိကာမတို့တွင် တစ်ဦးအပါအ၀င်ဖြစ်ပါသည်။
ဤအကြောင်းကိုလည်း မြတ်စွာဘုရားကို မေးလျှောက်ကြည့်နိုင်ပါသည်´´လို့
အားပေးနှစ်သိမ့်ပေးပါတယ်။

ထူးဆန်းတာတစ်ခုက သေအံ့ဆဲဆဲလူနာဖြစ်တဲ့ နကုလပိတာဟာ သူ့ဇနီးနကုလမာတာရဲ့
နှစ်သိမ့်စကားကို ကြားပြီးတဲ့ နောက်ပိုင်း
ကျန်းမာရေးပြန်လည်ကောင်းမွန်လာခဲ့ပါတယ်။ လမ်းလျှောက်နိုင်တဲ့ အနေအထားကို
ရောက်ရှိလာတဲ့အခါမှာ တောင်ဝှေးလေး ထောက်ကာထောက်ကာနဲ့ ဘုရားဆီသွားပြီး
ဒီအကြောင်းတွေကို ပြန်လည်လျှောက်ကြားခဲ့ပါတယ်။ သူကြွယ်ရဲ့လျှောက်ထားမှုကို
ကြားရတဲ့မြတ်စွာဘုရားဟာ……….

“သူကြွယ် သင်သည် နကုလမာတာလို ချစ်ခင်ကြင်နာစွာဖြင့် အားပေးဆုံးမစကား
ပြောကြားပေးတတ်တဲ့ ဇနီးမယားကို ရရှိခဲ့ခြင်းမှာ အရတော်လှပေ၏´´လို့
ချီးကျူးစကား မိန့်ကြားတော်မူခဲ့ပါတယ်။

ဟုတ်ပါတယ်..။ ဒီလို သေအံ့ဆဲဆဲ ခင်ပွန်းသည်ကို အခုလိုတည်တည်ငြိမ်းနဲ့
အားပေးစကားပြောကြားပေးတတ်တဲ့ ဇနီးမယားရရှိနိုင်ဖို့ဆိုတာ တကယ်ကို
ခက်ခဲလွန်းပါတယ်။ အနားမှာ တငိုငိုတရီရီနဲ့ ဘယ်လို့မှကို
မကောင်းနိုင်ပါဘူး။ သေမယ့်သူလည်း အသေမဖြောင့်နိုင်
ဘ၀ကူးမကောင်းနိုင်ပါဘူး။ ဒီလိုလုပ်တတ်တဲ့မိန်းမက နည်းနည်းလေး
တော်သေးတယ်လို့ ပြောမယ်ဆိုရင် ပြောလို့ရပါသေးတယ်။

မနေ့က ဆွမ်းစားသွားတော့ ဆွမ်းစားသွားရတဲ့ ဘေးအိမ်ကနေ “သေမှာဖြင့်လည်း
မြန်မြန်သေပါတော့..ရှင့်ကိုဆေးကုပေးရလို့ ရှိတာတွေလည်း အကုန်ကုန်ပြီ၊
သေမှာကို အေးအေးမသေဘူး၊ ကျန်ခဲ့တဲ့သူတွေကို ဒုက္ခဖြစ်အောင်
လုပ်နေသေးတယ်´´တဲ့..။

“သမာန်လူတစ်ယောက်ရဲ့ စကားအခွန်းတစ်ရာထက် ချစ်သူရဲ့စကားတစ်ခွန်းက
ပိုပြီးတန်းဖိုးရှိပါတယ်..တဲ့။ ဒါကြောင့် ကိုယ်တကယ်ချစ်တဲ့သူတွေကို
ဘယ်တော့မှ ဒုက္ခရောက်အောင် မပြောကြားပါနဲ့..တဲ့။´´

လူမှုဘ၀တွေကို နေ့စဉ်ဖြတ်သန်းရင်ဆိုင်နေရတဲ့ လူတစ်ယောက်အဖို့တော့
အမြဲတမ်းကံကောင်းမနေနိုင်ပါဘူး။ ဒါကြောင့် ကံဆိုးနေတဲ့ ကိုယ်ချစ်သူကို
အားပေးစကား နှစ်သိမ့်စကားပြောကြားပေးတတ်ဖို့ တကယ်လိုအပ်ပါတယ်။
ချစ်သူရဲ့စကားဟာ အားဆေးတစ်ခွက်ပဲလို့ လူငယ်တွေကပြေကြတယ်မို့လား..။
ဒီစကားလည်း တကယ်ကိုမှန်ကန်ပါတယ်။ ဒါကြောင့် ချစ်သူကို
အားပေးနှစ်သိမ့်တတ်ပြီး ကောင်းရာကောင်းကြောင်းကို ညွှန်ပြနိုင်ကြပါစေလို့
ဆုတောင်းပေးရင်း ဒီတင်ပဲ အဆုံးသတ်လိုက်ပါတယ်။

သြကာသ ကန်တော့ချိုးမှ သိမှတ်ဖွယ်ရာရာ

“သြကာသ” ဟူသည်မှာ “ရှိခိုးပါရစေ၊ ခွင့်ပြုတော်မူပါ” ဟုဆိုသောစကား။ ပိုမိုလေးနက်စေရန် သုံးကြိမ်ရွတ်ဆိုသည်။

ကံသုံးပါးဟူသည်မှာ ကိုယ်ဖြင့် ပြုအပ်သော အမှု “ကာယကံ”၊ နှုတ်ဖြင့် ပြုအပ်သော အမှု “မနောကံ” နှင့် စိတ်ဖြင့်ပြုအပ်သော အမှု “၀စီကံ” ဟူသတည်း။

အပါယ်ဟူသည်မှာ “အပါယ” ဟူသော ပါဠိမှ ဆင်းသက်သည်။ အပါယ်လေးပါးဟူသည်ကား ငရဲ၊ တိရစ္ဆာန်၊ ပြိတ္တာ၊ အသူရကာယ် ဟူသတတ်။

ကပ်သုံးပါးဆိုသည်မှာ

(၁) သတ္တန္တရကပ် - တုတ်၊ ဓား၊ သေနတ်စသော လက်နက်အားဖြင့် ပျက်စီးရသော ခောတ်ကာလ။
(၂) ရောဂန္တရကပ် - ကျောက်ရောဂါ၊ ၀မ်းရောဂါစသော ရောဂါအားဖြင့် သေကြေပျက်စီးရသော ခောတ်။
(၃) ဒုဗ္ဘိက္ခန္တရကပ် - ငတ်မွတ်ခေါင်းပါး အစာရှား၍ သေကြေပျက်စီးရသော ခောတ်။
ရပ်ပြစ်ရှစ်ပါးဟူသည်ကား


၁-၂-၃။ ဘုရားပွင့်တော်မူနေစဉ် ငရဲ၊ တိရစ္ဆာန်၊ ပြိတ္တာ(အသူရကာယ်ကား ပြိတ္တာဘုံတွင် ထည့်ရေသည်) ဟူသော အပါယ်ဘုံ၌ ဖြစ်ရခြင်း။

၎။ ဘုရားရှင်ပွင့်တော်မူစဉ် အသက်ရှည်သော အသညသတ်ဘုံနှင့် အရူပဘုံ၌ ဖြစ်နေရခြင်း (အသညသတ်ဗြဟ္မာများသည် ရုပ်ခန္ဓာသာရှိ၍ စိတ်ဝိညာဉ်မရှိ၊ အရူပဗြဟ္မာများသည် စိတ်ဝိညာဉ်သာရှိ၍ ရုပ်မရှိ၊ ထို့ကြောင့် သူတို့သည် ဘုရားကိုလည်း မဖူးနိုင် တရားကိုလည်း မနာနိုင်ကြပေ)

၅။ ပစ္စန္တရစ်ခေါ်သော ပြည်နယ်စွန်းများနှင့် လူရိုင်းများ၏ အရပ်ဒေသ၌ ဖြစ်နေရခြင်း။

၆။ ဘုရားရှင်ပွင့်တော်မူနေစဉ် မိစ္ဆာဒိဌိဖြစ်နေရခြင်း။

၇။ ဘုရားရှင်ပွင့်တော်မူနေစဉ် တရားကို သိနိုင်လောက်သည့် ဥာဏ်မရှိဘဲ ထူထူ အအ ဖြစ်နေရခြင်း။

၈။ မဇ္ဈိမဒေသ၀ယ် တတ်သိနားလည်သည့် ဥာဏ်ရှိသူဖြစ်သော်လည်း ဘုရားမပွင့်သောအခါ၌ လူဖြစ်ရခြင်း။
ရန်သူမျိုးငါးပါးဆိုသည်ကား ရေ၊ မီး၊ သူခိုး၊ အမွေခံသားးဆိုးသမီးဆိုးနှင့် မင်းဆိုးတို့တည်း။


ဝိပတ္တိတရားလေးပါးဆိုသည်ကား
(၁) ကာလ၀ိပတ္တိ - မင်းဆိုး မင်းယုတ် အုပ်ချုပ်သော ကာလ။
(၂) ဂတိဝိပတ္တိ - အပါယ်လေးပါး၌ လားရောက်ရခြင်း။
(၃) ဥပဓိဝိပတ္တိ - ရုပ်ဆင်းအင်္ဂါ ဟူသော ဥပဓိ ချို့တဲ့ခြင်း။
(၄) ပယောဂ၀ိပတ္တိ- (ပြုလုပ်မှု၊ ပြောဆိုမှု၊ ကြံစည်မှုကို ပယောဂ ဟုခေါ်သည်) ယင်းပယောဂ၏ ချို့တဲ့ခြင်း။

ဗျသနတရားငါးပါးဆိုသည်ကား

(၁) ဥာတိဗျသန - ဆွေစုမျိုးစု ပျက်စီးခြင်း။
(၂) ဘောဂဗျသန - စည်းစိမ်ဥစ္စာ ပျက်စီးခြင်း။
(၃) ရောဂဗျသန - အနာရောဂါဟူသော ပျက်စီးခြင်း။
(၄) သီလဗျသန - ကိုယ်ကျင့်သီလ ပျက်စီးခြင်း။
(၅) ဒိဌိဗျသန - အယူပျက်စီးခြင်း


မဂ်တရား
(၁) သောတာပတ္တိမဂ်
(၂) သကဒါဂါမိမဂ်
(၃) အနာဂါမိမဂ်
(၄) အရဟတ္တမဂ်


ဖိုလ်တရား
(၁) သောတာပတ္တိဖိုလ်
(၂) သကဒါဂါဖိုလ်
(၃) အနာဂါမိဖိုလ်
(၄) အရဟတ္တဖိုလ်

နိဗ္ဗာန်ဟူသည်မှာ ရုပ်၊ နာမ်တို့၏ ဖြစ်မှုပျက်မှုအားလုံး ချုပ်ပျက်ဆိတ်သုဉ်း ကင်းငြိမ်းခြင်း ပင်ဖြစ်သည်။
(သြကာသ ကန်တော့ချိုးမှ သိမှတ်ဖွယ်ရာရာ) by Maung Aye Chan (မောင်အေးချမ်း)

မြတ်စွာဘုရား ဂုဏ်တော်(၉)ပါး ပါဠိ+မြန်မာပြန်နှင့် ဂုဏ်တော်ပွားရကျိုး

ဣတိပိ သောဘဂဝါ
(၁)။အရဟံ
(၂)။သမ္မာသမ္ဗုဒ္ဓေါ
(၃)။ဝိဇ္ဇာစရဏသမ္ပန္တွော
(၄)။သုဂတော
(၅)။လောကဝိဒူ
(၆)။အနုတ္တရော ပုရိသဒမ္မသာရထိ
(၇)။သတ္ထာ ဒေဝမနုဿာနံ
(၈)။ဗုဒ္ဓေါ
(၉)။ဘဂဝါ

(၁)။အရဟံ = ကိလေသာ အညစ်အကြေးတို့မှ ကင်းဝေးစင်ကြယ်တော်မူသော မြတ်စွာဘုရား။

(၂)။သမ္မာသမ္ဗုဒ္ဓေါ = သိစရာမှန်သမျှ တစ်စမကျန် သယမ္ဘူဥာဏ်ဖြင့် အမှန်အတိုင်း သိတော်မူသော မြတ်စွာဘုရား။

(၃)ဝိဇ္ဇာစရဏသမ္ပန္တွော = အသိတရား အကျင့်တရားတို့နှင့် ပြည့်စုံတော်မူသော မြတ်စွာဘုရား။(ဝါ)ဝိဇ္ဇာသုံးပါး၊ဝိဇ္ဇာရှစ်ပါး၊စရဏတရား (၁၅)ပါးတို့နှင့်ပြည့်စုံတော်မူသော မြတ်စွာဘုရား။
ဝိဇ္ဇာသုံးပါး
(၁)။ပုဗ္ဗေနိဝါသာနုဿတိဥာဏ်=ရှေးရှေးဘဝတို့၌ ဖြစ်ပျက်ခဲ့သမျှကို ပြန်၍ သတိရနိုင်သောဥာဏ်။
(၂)။ဒိဗ္ဗစက္ခုဥာဏ် = နတ်မျက်စိကဲ့သို့ အဝေး၌ရှိသောအရာ၊သေးငယ်သော အရာတို့ကိုမြင်နိုင်သောဥာဏ်။
(၃)။အာသဝက္ခယဥာဏ်=ကိလေသာ အာသေဝေါတို့ကို ကုန်ခန်းစေသော ဥာဏ်။

ဝိဇ္ဇာရှစ်ပါး
(၁)။ပုဗ္ဗေနိဝါသာနုဿတိဥာဏ်။
(၂)။ဒိဗ္ဗစက္ခုဥာဏ်။
(၃)။အာသဝက္ခယဥာဏ်။
(၄)။ဝိပဿနာဥာဏ်=ရုပ်နာမ်တို့၏ အနိစ္စ ဒုက္ခ အနတ္တ သဘောတို့ကို သိသောဥာဏ်။
(၅)။စေတောပရိယဥာဏ်=သူတစ်ပါးစိတ်ကိုသိသောဥာဏ်။
(၆)။မနောမယိဒ္ဓိဥာဏ်=မိမိခန္ဓာကိုယ်အတွင်း၌ တစ်ခြားခန္ဓာကိုယ်တစ်ခုကို စိတ်ဖြင့်ဖန်ဆင်းနိုင်းသော ဥာဏ်။
(၇)။ဒိဗ္ဗသောတဥာဏ် =အဝေးမှ အသံ၊ သေးငယ်သော အသံတို့ကို ကြားနိုင်သောဥာဏ်။
(၈)။ဣဒ္ဓိဝိဓဥာဏ်=တန်ခိုး အမျိုးမျိုး ဖန်ဆင်းနိုင်သော ဥာဏ်။

စရဏတရားတစ်ဆယ့်ငါးပါး
(၁)။သီလ=ကိုယ် နှုတ် နှစ်ပါးကို စောင့်စည်း ထိန်းသိမ်းခြင်း ငါးပါးသီလ၊ရှစ်ပါးသီလ၊ပါတိမောက္ခသီလစသည်များ။

(၂)။ဣန္ဒြိယသံဝရ=မျက်စိ နား နှာခေါင်း လျှာ ကိုယ် စိတ် ဟူသော ဣနြေ္ဒခြောက်ပါးနှင့်စပ်၍ ကိလေသာမဖြစ်ရအောင် ဖြစ်ပေါ်သမျှကို သတိဖြင့် ရှုသိနေခြင်း။

(၃)။ဘောဇနေ မတ္တညုတာ=ချင့်ချိန်၍ စားသောက်ခြင်း။

(၄)။ဇာဂရိယာနုယောဂ=နိုးနိုးကြားကြားရှိမှု၊သတိတည်းဟူသော နိုးကြားမှု အမြဲရှိနေခြင်း။

(၅)။သဒ္ဓါ =ရတနာ သုံးပါးနှင့် ကံ ကံ၏ အကျိုးကို ယုံကြည်မှု။

(၆)။သတိ=ကုသိုလ်ကောင်းမှုတို့ကို သတိရခြင်း။

(၇)။ဟိရီ=မကောင်းမှုပြုရမည်ကို ရှက်ခြင်း။

(၈)။သြတ္တပ္ပ=မကောင်းမှုပြုရမည်ကို ကြောက်လန့်ခြင်း။

(၉)။ဝီရိယ=ကုသိုလ်ရေးတို့၌ အားထုတ်ခြင်း။

(၁၀)။သုတ=အပြစ်ကင်းသော အကြားအမြင်ဗဟုသုတ။

(၁၁)။ပညာ=အသိ၊ အလိမ္မာ၊အတတ်ပညာ။

(၁၂)။ပထမဈာန်။

(၁၃)။ဒုတိယဈာန်။

(၁၄)။တတိယဈာန်။

(၁၅)။စတုတ္ထဈာန်။

(၄)။သုဂတော=ကျိုးရှိဟုတ်မှန် နှစ်တန်သော စကားကိုသာ မိန့်ကြားတော်မူတတ်သော မြတ်စွာဘုရား။(ဝါ)ကျိုးရှိဟုတ်မှန် သူခံသာသော စကားနှင့် ကျိုးရှိဟုတ်မှန် သူမခံသာသောစကား ဤနှစ်ပါးကိုသာ မိန့်ကြားတော်မူတတ်သော မြတ်စွာဘုရား။

(၅)။လောကဝိဒူ=သတ္တလောက၊သြကာသလောက၊သခါင်္ရလောက တည်းဟူသော လောကသုံးခွင်ကို အကုန်အစင်သိမြင်တော်မူသော မြတ်စွာဘုရား။

(၆)။အနုတ္တရော ပုရိသဒမ္မသာရထိ=မယဉ်ကျေးကြငြား သတ္တဝါများကို ယဉ်ပါးလေအောင် သွေးဆောင် ဆုံးမခြင်း၌ တုဘက်ကင်းတော်မူသော မြတ်စွာဘုရား။

(၇)။သတ္တာဒေဝမနုဿာနံ= လူ နတ် ဗြဟ္မာ သတ္တဝါတို့၏ ဆရာတစ်ဆူ အစစ်ဖြစ်တော်မူသော မြတ်စွာဘုရား။

(၈)။ဗုဒ္ဓေါ=သစ္စာလေးပါး အမှန်တရားကို ပိုင်းခြားထင်ထင် သိမြင်တော်မူသော မြတ်စွာဘုရား။(ဝါ)သစ္စာလေးအင်ကိုယ်တိုင်မြင်၍ တပည့်တွေကိုလဲ သိစေတော်မူသော မြတ်စွာဘုရား။

(၉)။ဘဂဝါ=ဣဿရိယ စသည် ဘုန်းခြောက်လီနှင့်စုံညီပြည့်ဝတော်မူသော မြတ်စွာဘုရား။
(က)။ကိုယ်တော်မြတ်၏ စိတ်တော်ကို စိုးပိုင် နိုင်နင်းတော်မူခြင်းတည်းဟူသော ဣဿရိယဘုန်းတော်။
(ခ)။မဂ်ဖိုလ်နိဗ္ဗာန် ကိုးတန်သော လောကုတ္တရာတရားတည်းဟူသော ဓမ္မဘုန်းတော်။
(ဂ)။ဟုတ်တိုင်းမှန်စွာ သုံးဖြာသော လောကတွင် ပျံ့နှံ့ကျော်စေရခြင်းတည်းဟူသော ယသဘုန်းတော်။
(ဃ)။အင်္ဂါကြီးငယ် တင့်တယ် ပြည့်ဖြိုး အချိုးတကျ သပ္ပာယ်တော်မူလှခြင်းတည်းဟူသော သိရီ ဘုန်းတော်။
(င)။အလိုတော်ရှိတိုင်း မဆိုင်းခဏ ပြီးစီးတော်မူရခြင်း တည်းဟူသော ကာမဘုန်းတော်။
(စ)။အရဟတ္တ မဂ်ဥာဏ်၊သဗ္ဗညုတဥာဏ်တိုင်အောင် ရစေနိုင်သည့် ကြံ့ခိုင် ကြီးမားသော ဝီရိယတော်တည်းဟူသော ပယတ္တ ဘုန်းတော်။ ဤ ဘုန်းတော်ခြောက်စုံနှင့် ကုံလုံပြည့်ဝတော်မူသော မြတ်စွာဘုရား။

ဤသို့လျှင် အရဟံစသား ဂုဏ်ကိုးပါးနှင့် ထူးခြားကုံလုံ ပြည့်စုံတော်မူသော မြတ်စွာဘုရားကို တပည့်တော်သည် ကြည်ညိုမြတ်နိုး လက်စုံမိုး၍ ရှိခိုးကန်တော့ပါ၏ မြတ်စွာဘုရား။

ဝါဆိုသင်္ကန်း

ဝါဆိုသင်္ကန်း- ဆိုတာ ၀ါတွင်းကာလ(မိုးကာလ)၌ မိမိတို့ကျောင်းအသီးသီးတွင်
သီတင်းသုံးနေထိုင်သည့် သံဃာတော်များအား လှူဒါန်းသည့်သင်္ကန်းလို့
ပြောနိုင်မယ်ထင်ပါတယ်။ ဘုရားရှင် ဟောကြားတဲ့ ပါဠိတော်များမှာ ၀ါဆိုသင်္ကန်းကို
ဝဿာဝါသိက သာဋိက-လို့ ဟောထားပါတယ်။ ပါဠိအင်္ဂလိပ်အဘိဓာန်မှာတော့ a cloak for use
in the rainy season- လို့ဖွင့်ပြတယ်။ တိပိဋက ပါဠိအဘိဓာန်က ၀ဿာဝါသိက- မိုးကာလ၌
နေလေ့ရှိသော ရဟန်း သာဋိက-အ၀တ်(သင်္ကန်း) - မိုးကာလ၌ မိမိတို့ကျောင်းတွင် နေလေ
့ရှိသောရဟန်းတို့အား ပေးလှူအပ်သော သင်္ကန်းလို့ ဖွင့်တယ်၊
ဒီနေ့ခေတ်မှတော့ များသောအားဖြင့် ၀ါမဆိုမီကာလမှာ ၀ါဆိုသင်္ကန်းဆိုပြီး
ကပ်လှူလေ့ရှိတယ်။ ၀ါဆိုသင်္ကန်းကပ်လှူပွဲဆိုပြီး ဘုရားဟောကျန်းဂန်များမှာတော့
တိုက်ရိုက်မလာပါဘူး။ ဆက်ဆပ်နှီးနွယ်လို့ ယူနိုင်တဲ့ story background
လေးကတော့….
ဝိသာခါလို့ပြောလိုက်ရင် ကျောင်းအမကြီးရဲ့နာမည်လို့ ဗုဒ္ဓဘာသာဝင်တိုင်း
သိကြပါတယ်။ ဘုရားရှင် ၂၅-၀ါတိတိ သီတင်းသုံးတဲ့ သာဝတ္ထိမြို့ အရှေ့ဘက်မှာ
ပုဗ္ဗာရာမ-ပုဗ္ဗာရုံဆိုတဲ့ကျောင်းကြီးကို ဆောက်လုပ်လှူဒါန်းခဲ့တဲ့
ကျောင်းအမကြီးပေါ့။ တစ်နေ့ ကျောင်းအမကြီးဝိသာခါက ဘုရားအမှူးရှိတဲ့သံဃာတေကို
ဆွမ်းစားပင့်တယ်။ အဲဒီနေ့ညမှာ မိုးကလည်းရွာလိုက်တာ မပြောပါနဲ့တော့၊
သဲကြီးမဲကြီးကို ရွာတာ။ ဘုရားရှင်က တပည့်ရဟန်းတွေကို " ရဟန်းတို့ ဒီမိုးဟာ
ဇမ္ဗူဒိပ်တစ်ကျွန်းလုံး ရွာတဲ့မိုး, မိုရာသီမှာ နောက်ဆုံးရွာတဲ့မိုးလည်း
ဖြစ်တယ်။ ဒါကြောင့် ရဟန်းတို့ မိုးရေချိုးကြလို့" မိန့်တော်မူတော့
ရဟန်းတော်တွေဟာ မိုးရေချိုးကြတာပေါ့၊ ဒါပေမယ့် သူတို့ရဲ့ ခန္ဓာကိုမှာ
ဘာသင်္ကန်းးမှ မပါဘဲ ရေချိုးကြတာလေ။
မနက်မိုးလင်း ကျောင်းအမကြီး ၀ိသာခါအိမ်မှာ ဆွမ်းတွေပြင်လို့ပြီးတော့ သူ့အိမ်က
ကျွန်မတစ်ယောက်ကို ကျောင်းကိုလွှတ်လိုက်တယ်။ ဘုရားအမှူးရှိတဲ့ သံဃာတော်တွေကို
ဆွမ်းစားကြွဖို့ ပင့်ခဲ့ပေါ့။ ကျွန်မလေးကလည်း အပြေးအလွှား ကျောင်းကိုသွား၊
ကျောင်းကိုရောက်တော့ သင်္ကန်းမပါဘဲ ရေချိုးနေတဲ့ ရဟန်းတွေကို တွေ့တော့တာပေါ့။
ဒါနဲ့ အိမ်ကိုပြန်လာပြီး ရှင်မရေ " ကျောင်းမှာလဲ ရဟန်းတော်တွေ တစ်ပါးမှ
မရှိဘူး။ တက္ကဒွန်းတွေ ရေချိုးနေတာကိုပဲ တွေ့ခဲ့တယ်လို့"ပြန်ပြောတာပေါ့။
(တက္ကဒွန်းဆိုတာ ဘုရားခေတ်တုန်းက ဘာအ၀တ်မှ မ၀တ်ဘဲ နေကြတဲ့သူတွေလေ၊ ဒီနေ့ခေတ်အထိ
အိန္ဒိယနိုင်ငံမှာ ရှိနေသေးတယ်။ အ၀တ် ၀တ်ထားရင် အ၀တ်အပေါ်မှာ
တက်မက်တွယ်တာတဲ့စိတ်ရှိတယ်ဆိုပြီး အကုန်ချွတ်ထား တဲ့အဖွဲ့ပေါ့။)
ကျောင်းအမကြီး ၀ိသာခါကတော့ တွေးတောတတ်တဲ့ ဥာဏ်အမြော်အမြင်ရှိ တော့
ကျွန်မလေးပြောတဲ့ စကားကို သဘောပေါက်တယ်။ "တက္ကဒွန်းတွေတော့ မဟုတ် နိုင်ဘူး၊
သင်္ကန်းသုံးထည်ကိုပဲ ၀တ်နေရတဲ့ ရဟန်းတော်တွေပဲ ဖြစ်ရမယ် ပေါ့်။ ဒီလိုနဲ့
ဘုရားအမှူးရှိတဲ့သံဃာတွေ အိမ်ကိုကြွလာ၊ ဆွမ်းကပ်ပြီး ကျွန်မလေး ကြုံတွေ့ခဲ့ရတဲ့
အနေအထားကို ဘုရားရှင်အားလျှောက်တယ်။ ဒါနဲ့ မြတ်စွာဘုရားက မိုးရေခံသင်္ကန်းကို
ဝတ်ရုံသုံးစွဲခွင့်ပြုတယ်ဆိုပြီး ခွင့်ပြုခဲ့တယ်။ မိုးတွင်းကာလမှာ ရဟန်းတော်တွေ
သင်္ကန်းသုံး ထည်အပြင် မိုးရေခံသင်္ကန်းကိုပါ ၀တ်ရုံသုံးစွဲခွင့်ပြုတာကို
အကြောင်းပြုပြီး ဒီနေ့ခေတ်မှာ ၀ါတွင်း(မိုးကာလ) မိမိတို့ကျောင်းမှာ
သီတင်းသုံးတဲ့ရဟန်းတွေကို ၀ါဆိုသင်္ကန်းဆိုပြီး ကပ်လှူနေကြတာပါ။
နောက် story တစ်ခုမှာလည်း ၀ိသာခါကျောင်းအမကြီးက ဆုရှစ်မျိုးတောင်းတဲ့အခါ
ရဟန်းတော်တွေကို ၀ဿာဝါသိက သာဋိက-၀ါဆိုသင်္ကန်းလှူဒါန်းခွင့်ပေးဖို့
ပထမဦးဆုံးဆုအနေနဲ့ တောင်းခဲ့တာကို ထောက်ဆပြီး ၀ါတွင်းကာလမှာ အရင်ကထက်ပိုလို့
စာသင်စာချ(ပရိယတ်) တရားထိုင်တရားပြ(ပဋိပတ်) လုပ်တဲ့သံဃာတော်တွေကို
ဝါဆိုသင်္ကန်းဆိုပြီး ထေရ၀ါဒဗုဒ္ဓဘာသာဝင်တွေက လှူဒါန်းနေကြတာ။
ဒီလိုလှူဒါန်းရတဲ့အတွက် reflection အနေနဲ့ လှူဒါန်းသူဟာ ရောက်ရာဘ၀တိုင်းမှာ
အသားအရေ၀ါဝင်းပြီး ကိုယ်ရောင်ကိုယ်ဝါတွေထွက်မယ်၊ အသားအရေ
နူးညံ့ပျော့ပျောင်းမယ်၊ အသားအရေ စင်ကြယ်သန့်ရှင်းမယ်၊ စိတ်ထဲမှာ လိုချင်တာကို
တောင့်တလိုက်ရင် ကိုယ်တောင့်တ(ဖြစ်ချင်)တာတွေ ဖြစ်လာမယ်။
အ၀တ်အစားတွေမရှားပါးဘူး၊ ဧဟိဘိက္ခု ခေါ်ခံရမယ်၊ နောက်ဆုံး ဗုဒ္ဓဘာသာဝင်တွေရဲ့
ပန်းတိုင်ဖြစ်တဲ့ နိဗ္ဗာန်ကိုရောက်ပြီး ကျွတ်တမ်းဝင်ရမယ်ဆိုတာတွေ
ဖြစ်နိုင်ပါတယ်။
ယနေ့ ကမ္ဘာမှာ reflection ရဲ့သဘောတရား-နယူတန်ရဲ့ တတိယနိယာမဖြစ်တဲ့
သက်ရောကမှုတိုင်းမှာ တန်ပြန်သက်ရောက်မှုရှိတယ်ဆိုတဲ့ သဘောတရားတွေကို
ယုံကြည်လက်ခံနေကြပါပြိ။ ဗုဒ္ဓဘာသာမှာတော့ ကံတရားရဲ့အကျိုးဆက်လို့ လက်ခံကြတာပါ။
စဉ်းစားကြည့်ပါစို့….. ကိုယ်က အ၀တ်(သင်္ကန်း) ပေးတယ်, လှူတယ်၊ ရရှိသူက
အဲဒီဝတ်သင်္ကန်းကို ၀တ်တယ်။ လေဒဏ်နေဒဏ် ကာကွယ်နိုင်သလို အရှက်အကြောက်ကိုလည်း
ကာကွယ်ပြီးဖြစ်တယ်။ ၀တ်သင့်တဲ့ အ၀တ်ကိုဝတ်ရသူရဲ့ အသားအရေဟာ အ၀တ်မ၀တ်ဘဲနေရသူရဲ့
အသားအရေထက် ကြည်လင် နူးညံ့ ၀ါဝင်းတယ်။ ကောင်းပြီ၊ သူတစ်ဖက်သားကို အသားအရေ
နူးညံ့ဝါ၀င်းအောင် လုပ်ပေးရင် ကိုယ့်မှာလည်း ဒီလို အကျိုးတရားပြန်ရမှာ
သေချာတာပေါ့။ အသက်ရှင်ရသမျှအချိန် လေးမှာ အလုပ်ကောင်းကံကောင်းတွေကို လုပ်နေရင်
ကောင်းကံတွေဆိုတာလည်း ရှိနေမှာပဲ။ စိတ်ထဲမှာ ပိုပြီးရှိနေသင့်တာကတော့
စစ်မှန်တဲ့ ငြိမ်းအေးမှုကို ရှာဖွေခြင်းကသာ ကောင်းဆုံးသောလုပ်ရပ်
ဖြစ်ပါလိမ့်မယ်။

Vasa Robe by Ashin Tikkhanyanalinkara

ကောသလအိပ်မက် ၁၆-ချက်

မြတ်ဗုဒ္ဓဖြေကြားသော ကောသလအိပ်မက် ၁၆-ချက် ရှစ်လုံးဖွဲ့ မြန်မာကဗျာများ

(၁) အမေး။ ။ နွားနက်လေးခု ဝှေ့မှုဟန်ပြင်၊ မဝှေ့ကြဘဲ ရှောင်လွှဲသည်မြင်။

အဖြေ။ ။ အရှေ့အနောက် တောင်မြောက်မိုးဆင်၊ ခြိမ်းသံပေး မိုးဝေးလွင့်ပျောက်စင်။

(၂) အမေး။ ။ မြေကမကြွ ငယ်လှသစ်ပင်၊ ဖူးငုံရင့်ပြီး ပွင့်သီးတွေမြင်။

အဖြေ။ ။ အရွယ်မမျှ လုံမပျိုခင်၊ သမီးသား လင်ထား အိမ်ထောင်ဆင်။

(၃) အမေး။ ။ ယနေ့ဖွားစ နွားမနို့သာ၊ မိခင်နွားကြီး စို့ပြီးနေရှာ။

အဖြေ။ ။ သမီးနှင့်သား စီးပွားဆိုင်ရာ၊ မိနှင့်ဖ ကြွေးမှ စားရမှာ။

(၄) အမေး။ ။ နွားကြီးမကြိုက် ၀န်တိုက်နွားငယ်၊ မရုန်းနိုင်ဘဲ ၀တ်လဲနေတယ်။

အဖြေ။ ။ ကြီးသူဖယ်ရှား မျှောက်စားသူငယ်၊ တိုင်းပြည်ရေး ရှုပ်ထွေးပွေတော့တယ်။

(၅) အမေး။ ။ ခံတွင်းနှစ်ခွ၊ မြင်းလှရာဇာ၊ ကျွေးကျွေးသမျှ မ၀နိုင်ပါ။

အဖြေ။ ။ မူးမတ်မင်းစိုး၊ လာဘ်ထိုးသူရှာ၊ နှစ်ဘက်စား တရားစီရင်မှာ။

(၆) အမေး။ ။ ခွေးအိုထံဆက်၊ ရွှေခွက် သိန်းတန်၊ ကျင်ငယ်အမြဲ၊ ခွက်ထဲစွန့်ပြန်။

အဖြေ။ ။ မျိုးမြတ်သမီး၊ ပစ္စည်းမက်ဟန်၊ အမျိုးယုတ်၊ လင်လုပ်ပေါင်းဆက်ဆံ။

(၇) အမေး။ ။ ရှေ့ကကျစ်ချ၊ လွန်းစကြိုးကို၊ ခွေးမခိုးစား၊ ကိုက်ဝါးကာမျို။

အဖြေ။ ။ လင်ကြီးပစ္စည်းသိမ်းဆည်းမသို၊ လင်မျှောင်အား မယားလောကွတ်ပို။

(၈)အမေး။  ။ အိုးငယ်ချည်းနှီး၊ အိုးကြီးရေလျှံ၊ အိုးကြီးကိုပဲ၊ ရေဆွဲလောင်းပြန်။

အဖြေ။ ။ ဆင်းရဲသူများ၊ ၀တ်စားမကျန်၊ အခွန်တွက်၊ နှိပ်စက်ငွေတောင်းခံ။

(၉)အမေး။ ။ ကြာမျိုးငါးပါး၊ ပွင့်ကြရေကန်၊ ရေလယ်နောက်လျှက်၊ ကမ်းဘက်ကြည်ပြန်။

အဖြေ။ ။ မြို့တွင်းပွေရှုပ်၊ ခွန်တုတ်ကောက်ခံ၊ မြို့ပြင်ထွက်၊ပြည့်နှက်စည်ကားရန်။

(၁၀) အမေး။ ။ တအိုးတည်းချက်၊ အကျက်မညီ၊ ထမင်းမာဆပ်၊ ပျော့နပ်သုံးလီ။

အဖြေ။ ။ မင်းနှင့်လူများ၊ တရားမညီ၊ မိုးသုံးစား၊ ကွက်ကြားရွာချမည်။

(၁၁) အမေး။ ။ မွှေးထုံနံ့ကြူး၊ စန္ဒကူးသိန်းတန်၊ ပုန်းရည်နှင့်လဲ၊ သုံးစွဲစားပြန်။

အဖြေ။ ။ အလဇ္ဇီများ၊ တရားဖိုးတန်၊ ငွေနှင့်လဲ၊ အမြဲဟောမည်မှန်။

(၁၂) အမေး။ ။ သံကြေးသံပေါင်း၊ ဘူးတောင်းဘူးအုံ၊ ရေတွင်စုပ်စုပ်၊ နစ်မြုပ်လုံးစုံ။

အဖြေ။ ။ ပညာရှိများ၊ စကားဥဿုံ၊ ပြောသမျှ၊ လောက မသုံးကုန်။

(၁၃) အမေး။ ။ အိမ်လုံးတောင်လုံး၊ ကျောက်တုံးကျောက်ဖြာ၊ ရေမှာဖွားဖွားထင်ရှားပေါ်လာ၊

အဖြေ။ ။ ရဟန်းရှင်ဆိုး၊ လူဆိုးများသာ၊ ဂုဏ်ရောင်တိုး၊ တန်ခိုးပေါ်ထွက်မှာ။

(၁၄) အမေး။ ။ အဆိပ်ပြင်းတောက်၊ မြွေဟောက်ကြီးကို၊ ဖားငယ်မများ၊ ကိုက်ဝါးကာမျို။

အဖြေ။ ။ ကညာယူထား၊ သက်ကြားဖိုးအို၊ မယားဆဲ၊ အမြဲအော်ငေါက်ဆို။

(၁၅) အမေး။ ။ အဆင်းမည်းနက်၊ ကြီးငှက်ထံမှာ၊ ရွှေဟင်္သာများ၊ ခစားနေရှာ။

အဖြေ။ ။ ပညာသီလ၊ ပြည့်ဝသူဟာ၊ သူယုတ်အား၊ ၀ပ်တွားနေရရှာ။

(၁၆) အမေး။ ။ ဆိတ်ကိုမြင်ငြား၊ ကြောက်အားပြင်းထန်၊ ခြင်္သေ့သစ်ကျား၊ ခုန်လွှားပြေးပြန်။

အဖြေ။ ။ သူယုတ်မာများ၊ ထောင်လွှားနိုင်ငံ၊ သူတော်ကောင်း၊ ပုန်းအောင်းတောမြိုင်ယံ။


 *(၁) အရပ်လေးမျက်နှာမှ လေးခုသော နွားလား ဥသဘတို့သည် လာလတ်၍ မင်းရင်ပြင်၌
ဝှေ့မည်ဟု တွန်မြည် ကြုံးဝါးလျက် မဝှေ့ပဲသာလျှင် ဖဲလေကုန်သည်ဟု မြင်မက်ပါသည်။*
နောင်အခါ တရားမစောင့်သော မင်းတို့ လက်ထက်၌ အရပ်လေးမျက်နှာမှ မိုးတို့သည်
ရွာအံသကဲ့သို့ ထစ်ကြိုးလျက် မရွာပဲသာလျှင် ပျောက်ပျက် ကုန်လတ္တံ့။ ထိုအခါ
ကောက်ပဲသီးနှံတို့ ပျက်ဆီး၍ လူတို့၌ အစာရေစာ ရှားပါး ငတ်မွတ်ခြင်း ဖြစ်လတ္တံ့။


*(၂) နုနယ်သေးငယ်စွာသော အပင်တို့သည် ပွင့်ကြ သီးကြသည်ကို မြင်မက်ပါသည်။*
နောင်အခါ ဆုတ်ယုတ်သောကာလ လူတို့ အသက်တန်း တိုသော ကာလ၌ ယောင်္ကျား မိန်းမတို့သည်
ထက်သန် ပြင်းသော ရာဂ ရှိကုန်သည် ဖြစ်၍ ငယ်ရွယ်စဉ် အခါ၌ပင် အိမ်ထောင်ပြုခြင်း၊
သားမွေးခြင်း တို့ကို ပြုကုန်လတ္တံ့။


*(၃) နွားမကြီးတို့သည် မိမိတို့ မွေးစဖြစ်သော နွားမငယ်တို့၏ နို့ကို စို့သည်ဟု
မြင်မက်ပါသည်။*
နောင်အခါ ကြီးသောသူတို့အား အရိုအသေပြုခြင်း ပျောက်ကွယ်သော ကာလ၌ အမိအဖ၊ ယောက္ခမ
စသူတို့သည် ကိုးကွယ်ရာ မရှိကုန်သည် ဖြစ်သဖြင့် မိမိတို့၏ သားသမီး သားမက် ချွေးမ
စသူတို့ထံ၌ ကပ်ရပ်၍ ငြိုငြင် ညှိုးငယ်စွာ အသက်မွေးရကုန်လတ္တံ့။


*(၄) လှည်းတို့၌ ဝန်ကို ဆောင်နိုင်သော နွားကြီးတို့ကို မကမူ၍ နွားငယ်တို့ကိုသာ
ကစေကုန်၏။ နွားငယ်တို့လည်း ဝန်ကို မနိုင်၍ လှည်းတို့ကိုလည်း ဆွဲခြင်းငှာ
မတတ်နိုင်သည်ကို မြင်မက်ပါသည်။*
နောင် တရားမစောင့်သော မင်းတို့ လက်ထက်၌ အသက်ကြီး ဝါကြီး ပညာရှိကုန်သော
သူတို့အား အမတ်၊ တရားသူကြီး စသော ရာထူးစည်းစိမ်တို့၌ မခန့်ထားမူ၍ အသက်၊ ဝါ၊ ပညာ
ငယ်ကုန်သော လူငယ်တို့အားသာ ခန့်ထားကြလတ္တံ့။ ထိုအခါ အခွင့်အရေးမသိ၊ မတော်
မမှန်ဖြစ်၍ အမှု မပြီး၊ အကျိုးမပြီး ရှိသောအခါ လူငယ်တို့သည် မိမိတို့၏ ရာထူး
စည်းစိမ်ကို စွန့်ကြလတ္တံ့။ လူကြီးတို့သည်လည်း ငါတို့မှာ ပြင်ပကသာ ဖြစ်၏ဟု
လျစ်လျှုပြု၍ နေကြလကုန်လတ္တံ့။ သို့ဖြစ်၍ တရားမစောင့် အမှုမပြီးကြသည်နှင့်
မင်းနှင့်တကွ တိုင်းပြည်ပါ ဆုတ်ယုတ် ပျက်ဆီးကြလတ္တံ့။


 *(၅) ခံတွင်း နှစ်ခုရှိသော မြင်းသည် ကျွေးလာသော မုယောစပါး စသည်တို့ကို
ခံတွင်းနှစ်ခုဖြင့်ပင် စားသည်ဟု မြင်မက်ပါသည်။*
နောင် တရားမစောင့်သော မင်းတို့လက်ထက်၌ တရားမစောင့်သော တရားသူကြီးတို့သည်
နှစ်ဖက်သော အမှုသည်တို့မှ ပေးသော တံစိုးလက်ဆောင်တို့ကို စား၍ အမှုတို့ကို
မမှန်မကန် ဆုံးဖြတ်ကြကုန်လတ္တံ့။


*(၆) အဖိုးတသိန်း ထိုက်သော ရွှေခွက်ကို မြေခွေးဖိုအား ကျင်ငယ်စွန့်ရန် ပေး၏။
မြေခွေးလည်း ထိုရွှေခွက်၌ ကျင်ငယ်စွန့်သည်ဟု မြင်မက်ပါသည်။*
နောင် တရားမစောင့်သော မင်းတို့ လက်ထက်၌ အမျိုးမြတ်သော သူတို့သည် အချီးအမြှောက်
မခံရ၊ ဆင်းရဲကြ၍ အမျိုးယုတ်သော သူတို့ အစိုးတရ ကြွယ်ဝ ချမ်းသာကြလတ္တံ့။ ထိုအခါ
အမျိုးမြတ်တို့ အသက် မွေးခြင်းငှာ မတတ်နိုင်ကုန်သည် ဖြစ်၍ မိမိတို့ သမီးတို့ကို
အမျိုးယုတ်တို့အား ပေး၍ အသက်မွေး ကြကုန်လတ္တံ့။


*(၇) တယောက်သော ယောင်္ကျားသည် အင်းပျဉ်၌ ထိုင်လျက် လွန်ကို ကျစ်၍ ခြေရင်း၌ ထား၏။
ထို အင်းပျဉ်အောက်၌ရှိသော ဆာလောင်သော မြေခွေးမသည် ထိုယောင်္ကျား မသိစဉ်လျှင်
ထိုလွန်ကို စား၏ ဟု မြင်မက်ပါသည်။*
နောင်အခါ မိန်းမတို့သည် အစားအသောက်၊ အဝတ်၊ အနေအထိုင် စသည်တို့၌ လော်လည်ခြင်း
ရှိ၍ မိမိတို့ လင်ယောင်္ကျားသည် ဆင်းရဲငြိုငြင်စွာ ရှာဖွေ စုဆောင်းအပ်သော ဥစ္စာ
ပစ္စည်းတို့ကို အဝတ်အစား၊ အစားအသောက် တို့၌ လည်းကောင်း၊ သောက်စား ကစားခြင်းတို့၌
လည်းကောင်း၊ အပျော်အပါးတို့၌ လည်းကောင်း၊ သဘောက် လင်ငယ်ထားခြင်း တို့၌
လည်းကောင်း အရမ်းမဲ့လျှင် ဖြုန်းတီးလေလတ္တံ့။ ခွေးမသည် မသိ စဉ်းစား သကဲ့သို့
အိမ်သူ မိန်းမတို့သည် ဤသို့ တိတ်တဆိတ် ဖြုန်းတီး ခိုးစားကြလတ္တံ့။


*(၈) ရေမရှိသော အိုးတို့ဖြင့် ခြံရံအပ်သော ရေပြည့်အိုးကြီး တလုံးကို မြင်ရ၏။
လူတို့သည် အရပ် ၈ မျက်နှာမှ ရေကို ယူလာကြ၍ ထိုရေပြည့်အိုးကြီး
အတွင်းသို့သာလျှင် လောင်းထည့် ကြ၏။ လောင်းထည့်သော ရေတို့သည် ပြည့်လျှံ၍
ကျကုန်၏။ ဤသို့လျှင် အဖန် တလဲလဲ ရေပြည့်အိုးသို့သာ လောင်းလျှက် ရေမရှိသော
အခြံအရံ အိုးတို့ အတွင်းသို့ကား မည်သူမျှ မလောင်း မထည့်ပဲ နေသည်ကို
မြင်မက်ပါသည်။*
နောင်အခါ မကောင်းသော မင်းတို့ လက်ထက်၌ မင်းနှင့်တကွ လူတို့ တရားပျက်ကွက်၊
သြဇာညံ့ဖျင်း၊ ဆင်းရဲခြင်းသို့ ရောက်ကြကုန်လတ္တံ့။ ထိုအခါ မင်းအစိုးရတို့သည်
ဆင်းရဲသားတို့အား မင်း၏ အကျိုးစီးပွား အတွက်ကိုသာ လုပ်ကိုင်စေအံ။ ဆောင်ရွက်
စေအံ။ ထမ်းရွက်စေအံ။ သို့ဖြစ်ရကား မင်းတို့၌သာ ပြည့်စုံ အကျိုးခံစားကြရ၍
ဆင်းရဲသားတို့မှာ ရေမရှိသော အိုးတို့ပမာ တစုံတရာ မရှိ ငတ်မွတ်
ခေါင်းပါးခြင်းသို့ ရောက်ကုန်လတ္တံ့။


 *(၉) နက်ရှိုင်း ကျယ်ဝန်းသော ရေကန်ကြီး တခုတွင် သတ္တဝါတို့ ဆင်း၍ ရေသောက်ကြ၏။
ကန်၏ အလယ် ရေနက်ရာ၌ ရေသည် နောက်၍ ကန်နားဝန်းကျင် ရေတိမ်ရာ သတ္တဝါတို့ နင်းရာ၌
ရေသည် ကြည်လင်၏ဟု မြင်မက်ပါသည်။*
နောင်အခါ တရားမစောင့်သော မင်းတို့သည် မတရား အုပ်စိုးခြင်း၊ တံစိုးစားခြင်း၊
လော်လည်ခြင်း၊ သနားညှာတာ ဂရုဏာ မဲ့ခြင်း၊ ကြမ်းကြုတ် ရက်စက်ခြင်းတို့ ရှိလျှက်
လူတို့အပေါ်၌ အထူးထူး အပြားပြားသော အချင်းအရာဖြင့် အခွန်အတုတ်တို့ကို ခွဲခန့်
ကောက်ယူလတ္တံ့။ ထိုအခါ လူတို့မှာ တစ်စုံတစ်ရာ မပေးဆောင်နိုင် ပင်ပန်းဆင်းရဲလျက်
မြို့ကြီးရပ်ကြီးတို့၌ မနေနိုင်ပဲ ရပ်စွန် ပြည်နားသို့ သွားရောက်နေကြရသည်
ဖြစ်လတ္တံ့။ ကန်အလယ်တွင်နောက်၍ ကန်ဘေးတွင် ကြည်သကဲ့သို့ မြို့လယ်ရွာလယ်၌
တိတ်ဆိတ်၍ ရပ်စွန်ပြည်နား၌ လူစည်ကားလတ္တံ့။


*(၁၀) တစ်လုံးတည်းသော အိုးဖြင့် တချိန်တည်းချက်သော ထမင်းသည် အချို့ပျော့၏၊
အချို့ မနပ်၊ အချို့နပ်၏။ ဤသို့ မြင်မက်ပါသည်။*
နောင် တရား မစောင့်သော မင်းတို့ လက်ထက်၌ မိုးကွက်ကြား ရွာလတ္တံ့။ ထိုအခါ
အချို့နေရာ၌ မိုးရွာလွန်း၍ ကောက်ပဲသီးနှံ ပျက်အံ။ အချို့နေရာ၌ မရွာ၍ ပျက်အံ။
အချို့နေရာ တွင်ကား မိုးမှန်၍ ကောင်းအံ။ ဤသို့လျှင် ထမင်းအိုးတွင် မြင်သော
ထမင်းကဲ့သို့ ကောက်ပဲသီးနှံ သုံးထွေ ပြားလတ္တံ့။


*(၁၁) အဖိုးတသိန်းထက်သော စန္ဒကူးနှစ်ကို ယက်တက်ပုပ်ရည်ဖြင့် ရောင်းစားသည်ကို
မြင်မက်ပါသည်။*
နောင်အခါ ငါဘုရား၏ သာသနာတော် ဆုတ်ယုတ်သော ကာလတွင် လော်လည်၍ လာဘ်လာဘကို မက်မော
ကုန်သော ရဟန်းအလဇ္ဇီ လူအလဇ္ဇီတို့သည် ဆွမ်း၊ ဆေး၊ ကျောင်း၊ သင်္ကန်း ဥစ္စာပစ္စည်း
စသည် တို့ကို အလိုရှိကုန်သည် ဖြစ်၍ လမ်းခရီးဆုံ၊ အိမ်ဝ၊ အိမ်ကြို အိမ်ကြားတို့၌
ငါဘုရား၏ တရားတော်ကို ဟောကြားလတ္တံ့။ နိဗ္ဗာန် အလို့ငှာ ဟောတော် မူအပ်သော အလွန်
မွန်မြတ်သော တရားတော်ကို တစ်ပဲ၊ တစ်မူး၊ တစ်ကျပ် စသည်တို့ အကျိုးငှာ ရောင်းစား
ဟောပြော ကြသည် ဖြစ်၍ တသိန်းထိုက်သော စန္ဒာကူးနှစ်ကို ယက်တက်ပုပ်ရည်ဖြင့်
ရောင်းစား သကဲ့သို့ ဖြစ်ကုန်လတ္တံ့။


*(၁၂) ဘူးတောင်းတို့သည် ရေ၌ နစ်သည်ဟု မြင်မက်ပါသည်။*
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ကိုသာ ရာထူး
စည်းစိမ် ပေးသည် ဖြစ်၍ အမျိုးယုတ်တို့ တန်ခိုး အာဏာ ကြီးမား ထင်ပေါ် အရာရာတွင်
တွင်ကျယ်လျက် ၄င်းတို့ စကားသာလျှင် ဘုးတောင်း နစ်သကဲသို့ နစ်၍ တည်ကုန်လတ္တံ့။


 *(၁၃) ကျောက်ဖျာကြီး ရေတွင်ပေါ်သည်ဟု မြင်မက်ပါသည်။*
နောင်အခါ တရား မစောင့်သော မင်းတို့ လက်ထက်၌ တော်မှန် လိမ္မာ ပညာရှိသော သူတို့၏
စကားသည် မည်သည့် အရာ၌ မဆို လေးသော ကျောက်ဖျာ ရေတွင် ပေါ်သကဲ့သို့ နစ်တည်
ခြင်းမရှိ၊ မခိုင်မမြဲ ရှိကြကုန် လတ္တံ့။


*(၁၄) ဖားငယ်မ တို့သည် ကြီးစွာသော မြွေဟောက်ကြီးများကို စားမြိုသည်ဟု
မြင်မက်ပါသည်။*
နောင်အခါ လူတို့သည် ပြင်းသော ရာဂ ရှိကုန်သည် ဖြစ်၍ ကိလေသာ အလိုသို့ လိုက်လျက်
ငယ်ရွယ်ကုန်သော မယားတို့၏ အလိုသို့ လုံးဝ လိုက်ကြကုန် လတ္တံ့။ အလုပ်အကိုင်မှု၊
ဥစ္စာ ပစ္စည်းမှု၊ ကျေးကျွန်မှု၊ စီမံခန့်ခွဲမှု စသော အရပ်ရပ်တို့၌ လင်ပေါ်တွင်
လွှမ်းမိုး အုပ်စိုးခြင်းကို ပြုကြမည် ဖြစ်ရကား ဖားငယ်မသည် အဆိပ်လျင်သော မြွေကို
စားမျိုသကဲ့သို့ ဖြစ်ကုန်လတ္တံ့။


*(၁၅) မည်းနက် ရုပ်သွင်၊ အဆင်း ဆိုးဝါးသော ကျီးတို့ကို ရွှေ၏ အဆင်းနှင့် တူသော
ရွှေဟင်္သာ တို့က ခြံရံ နေကြသည်ကို မြင်မက်ပါသည်။*
နောင်အခါ အားနည်းသော မင်းတို့ လက်ထက်၌ ထိုမင်းတို့သည် ဆင်စီး မြင်းစီး စသော
အတတ်တို့၌ မလိမ္မာ၍ စစ်ထိုးခြင်း၌ မရဲရင့်ဘဲ ဖြစ်ကြကုန်လတ္တံ့။ ထိုအခါ တိုင်းပြည်
နိုင်ငံ ဆုံးရှုံးမည်ကို စိုး၍ တူသော ဇာတ်ရှိသော သူကောင်းသား တို့အား
အစိုးရခြင်းကို မပေးမူ၍ မိမိတို့ထံ၌ ခစား ကြကုန်သော အမျိုး ယုတ်သော
ကျေးကျွန်တို့အားသာ ပေးကုန်လတ္တံ့။ သို့ဖြစ်၍ အမျိုးကောင်းသားတို့ ကိုးကွယ်ရာ
မရှိပဲ အစိုးရခြင်း၌ တည်ကုန်သော အမျိုးယုတ်တို့ထံ၌ ခစားကြကုန် လတ္တံ့။


*(၁၆) ဆိတ်တို့သည် သစ်ကို သတ်စားကြသဖြင့် သစ်တို့သည် ကြောက်လန့်လျက်
ဆိတ်တို့ကို အဝေးမှ မြင်လျှင်ပင် တောချုံရှိရာသို့ ပြေးကြသည်ကို မြင်မက်ပါသည်။*
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ အစိုးရ
ကုန်သည် ဖြစ်၍ အမျိုးမြတ်သူတို့ မထင်ရှား ဖြစ်လတ္တံ့။ အမျိုးယုတ် သူတို့မှာ
မင်းကျွမ်းဝင်သည် ဖြစ်၍ တရားရုံးတို့၌ သြဇာအာဏာ လွှမ်းမိုးလျက်
အမျိုးမြတ်သူတို့၏ ဘိုးဘပိုင် လယ်မြေ ဥစ္စာ အရပ်ရပ်တို့ကို ငါတို့ လယ်မြေဥစ္စာ
ဖြစ်သည်ဟု သိမ်းယူကြ၍ တရားတဘောင် ဖြစ်လျှင် တန်ခိုးမဲ့သူတို့အား ဖိနှိပ်ပုတ်ခတ်
ခြိမ်းခြောက် နှင်ထုတ်လျက် အနိုင်ကျင့် ကြကုန်လတ္တံ့။ ထိုအခါ အမျိုးမြတ်သူတို့
ကြောက်လန့် စက်ဆုတ်ကုန်သည် ဖြစ်၍ လယ်ယာ ဥစ္စာတို့ကို ပေးအပ်ကုန်လျက်
အိမ်သို့ပြန်၍ အိပ်နေကြကုန်အံ။ ထိုမှ တပါးလည်း အကျင့်သီလရှိသော ရဟန်းတို့သည်
အကျင့်သီလမဲ့သော ရဟန်းတို့က ချုပ်ချယ် ဖိနှိပ်ကြလေသဖြင့် တောသို့ ပြေးဝင်
ပုန်းအောင်း ကြကုန်လတ္တံ့။ ဤသို့လျှင် အမျိုးကောင်း၊ သူတော်ကောင်း တို့လည်း
လွတ်ရာ ကျွတ်ရာ တောတောတောင်တောင် တို့ကို ပြေးပုန်း ကြကုန်လတ္တံ့။


*အမျိုးသား ပညာဝန် ဦးဖိုးကျား၏ ငါးရာ့ငါးဆယ် ကောက်နုတ်ချက်များ (ပထမတွဲ) မှ
ကူးယူတင်ပြထားပါသည်။*

*ယောက်ျားမြတ် လက္ခဏာ ၃၂ ပါး*

ဗဟ္မာယုသုတ်...မှ..

ဂေါတမမြတ်စွာဘုရားသည် သုံးဆယ့်နှစ်ပါးသော ယောက်ျားမြတ် လက္ခဏာတို့နှင့်လည်း ပြည့်စုံပါ၏။ အသျှင် ဂေါတမ၏ ကျော်စော သတင်းသည်အမှန်အတိုင်းပျံ့နှံ့၍ထွက်ပါ၏၊အမှန်အတိုင်းမဟုတ်ဘဲပျံ့နှံ့၍ထွက်သည်မဟုတ်ပါ၊  ထိုအသျှင်  ဂေါတမသည်  ကျော်စောသည့် အတိုင်းပင် မှန်ပါ၏၊ မမှန်သည် မဟုတ်ပါ။

ထိုအသျှင်ဂေါတမသည် အညီအညွတ် ကောင်းစွာ ထိသော ခြေဖ၀ါးရှိ၏။ ဤအညီအညွတ် ကောင်းစွာ

ထိသော ခြေဖ၀ါး ရှိခြင်းသည်လည်း ထိုအသျှင်ဂေါတမ၏ မဟာပုရိသလက္ခဏာ ဖြစ်၏။ 

(၁) ထိုအသျှင်ဂေါတမ၏ အောက်ခြေဖ၀ါးပြင်တို့၌ အကန့် တစ်ထောင် အကွပ်ပုံ တောင်းတို့နှင့် တကွသော အလုံးစုံသော အခြင်းအရာနှင့် ပြည့်စုံသော စက်တို့သည်ဖြစ်ကုန်၏။ 

(၂) ထိုအသျှင်ဂေါတမသည် ရှည်သော ဖနောင့်ရှိ၏။ 

(၃) ထိုအသျှင်ဂေါတမသည် ရှည်သော လက်ချောင်း ခြေချောင်း ရှိ၏။ 

(၄) ထိုအသျှင်ဂေါတမသည် နူးညံ့ သိမ်မွေ့သော လက်ဖ၀ါး ခြေဖ၀ါး ရှိ၏။ 

(၅) ထိုအသျှင်ဂေါတမသည် လေသွန်တံခါး၌ စီထားသော ရွှေပွတ်လုံး ကဲ့သို့ ညီညွတ်သောလက်ခြေရှိ၏။ 

(၆) ထိုအသျှင်ဂေါတမသည် (ဖမိုးမှသည် လေးသစ်တက်၍ အထက်၌ တည်သော) မြင့်သော ဖမျက်ရှိ၏။

(၇) ထိုအသျှင်ဂေါတမသည် ဧဏီသား၏ မြင်းခေါင်းနှင့် တူသော ပြည့်ဖြိုးသော မြင်းခေါင်းရှိ၏။ 

(၈) ထိုအသျှင်ဂေါတမသည် ရပ်လျက် သာလျှင် မကိုင်းညွတ်ဘဲ နှစ်ဖက်သော လက်ဝါး အပြင်တို့ဖြင့် ပုဆစ်ဒူးတို့ကို သုံးသပ် ဆုပ်နယ်နိုင်၏။ 

(၉) ထိုအသျှင်ဂေါတမသည် အအိမ်ဖြင့် ဖုံးလွှမ်းသော အင်္ဂါဇာတ် ရှိ၏။ 

(၁၀) ထိုအသျှင်ဂေါတမသည် ရွှေစင်(ရုပ်)နှင့်တူသောအဆင်းရှိ၏၊ ရွှေအဆင်းနှင့်တူသောအရေရှိ၏။

(၁၁) ထိုအသျှင်ဂေါတမသည် သိမ်မွေ့သော အရေရှိ၏၊ အရေ သိမ်မွေ့သောကြောင့် ကိုယ်၌ မြူအညစ်အကြေး မလိမ်းကျံ မကပ်ငြိ။ 

(၁၂) ထိုအသျှင်ဂေါတမသည် (မွေးညင်းပေါက်တို့၌) တစ်ချောင်းစီ တစ်ချောင်းစီ ပေါက်သောမွေးညှင်းရှိ၏၊ မွေးညင်းပေါက် တစ်ခုတစ်ခု၌ တစ်ချောင်း တစ်ချောင်းစီသော မွေးညင်းရှိကုန်၏။ 

(၁၃) ထိုအသျှင်ဂေါတမသည် အထက်သို့ ကော့တက်သော မွေးညင်းရှိ၏၊ အထက်သို့  ကော့တက်ကုန်သော  မွေးညင်းတို့သည် ညိုကုန်၏၊ မျက်စဉ်းညို အဆင်း ရှိကုန်၏၊ ရစ်ပတ်၍ လည်ကုန်၏၊ လက်ျာရစ်လည်၍ တည်ကုန်၏၊ 

(၁၄)ထိုအသျှင်ဂေါတမသည် ဗြဟ္မာ့ကိုယ်နှင့်တူသော ဖြောင့်မတ်သောကိုယ်ရှိ၏။

(၁၅) ထိုအသျှင်ဂေါတမသည် အရပ် ခုနစ်ပါး၌ ပြည့်ဖြိုးသော အသားရှိ၏။ 

(၁၆) ထိုအသျှင်ဂေါတမသည် (ကေသရာ) ခြင်္သေ့မင်း၏ ရှေ့ထက်ဝက် ကိုယ်နှင့် တူသောကိုယ်ရှိ၏။

(၁၇) ထိုအသျှင်ဂေါတမသည် ပခုံးစွန်းနှစ်ဖက်အတွင်း၌ ပြည့်ဖြိုးသောအသားရှိ၏။

(၁၈) ထိုအသျှင်ဂေါတမသည် ပညောင်ပင် အ၀န်းကဲ့သို့ ၀န်းသော ကိုယ်ရှိ၏၊ ထိုအသျှင်ဂေါတမ၏ ကိုယ်သည် အရပ် ရှိသလောက် အလံရှိ၏၊ အလံ ရှိသလောက် အရပ်ရှိ၏။ 

(၁၉) ထိုအသျှင်ဂေါတမသည် ညီညွတ်စွာ လုံးသော လည်ရှိ၏။ 

(၂၀) ထိုအသျှင်ဂေါတမသည် အရသာကို ဆောင်နိုင်သော အကြောရှိ၏။ 

(၂၁) ထိုအသျှင်ဂေါတမသည် (ကေသရာ) ခြင်္သေ့မင်း၏ မေးနှင့်တူသော မေးရှိ၏။ 

(၂၂) ထိုအသျှင်ဂေါတမသည် သွားလေးဆယ် ရှိ၏။ 

(၂၃) ထိုအသျှင်ဂေါတမသည် ညီညွတ်သော သွားရှိ၏။ 

(၂၄) ထိုအသျှင်ဂေါတမသည် မကျဲသော သွားရှိ၏။ 

(၂၅) ထိုအသျှင်ဂေါတမသည် အလွန် ဖြူစင်သော အစွယ် လေးချောင်း ရှိ၏။ 

(၂၆) ထိုအသျှင်ဂေါတမသည် ရှည်ပြန့်သော လျှာရှိ၏။ 

(၂၇) ထိုအသျှင်ဂေါတမသည် ဗြဟ္မာ၏ အသံနှင့်တူသော အသံရှိ၏၊ ကရ၀ိက်ငှက် အသံနှင့် တူသောအသံ ရှိ၏။ 

(၂၈) ထိုအသျှင်ဂေါတမသည် အလွန် ညိုသော မျက်လုံးရှိ၏။ 

(၂၉) ထိုအသျှင်ဂေါတမသည် နွားငယ်ကလေး၏ မျက်မှောင်နှင့် တူသော မျက်မှောင်ရှိ၏။ 

(၃၀) ထိုအသျှင်ဂေါတမ၏ (ဥဏ္ဏလုံ) မွေးရှင်သည် မျက်မှောင် နှစ်ဖက်အကြား၌ ပေါက်၏၊ ဖြူစင် နူးညံ့သော လဲဝါဂွမ်းနှင့် တူ၏။ 

(၃၁) ထိုအသျှင်ဂေါတမသည် သင်းကျစ်ပြားရစ် သကဲ့သို့ ဦးခေါင်း ရှိ၏၊ ဤသင်းကျစ်ပြားရစ်သကဲ့သို့ ဦးခေါင်း ရှိခြင်းသည်လည်း ထိုအသျှင်ဂေါတမ၏ မဟာပုရိသလက္ခဏာတည်း။ 

(၃၂) ထိုအသျှင်ဂေါတမသည် ဤသုံးဆယ့်နှစ်ပါးသော ယောက်ျားမြတ် လက္ခဏာတို့နှင့် ပြည့်စုံပါ၏။

ဗြဟ္မာယုသုတ်...မှ..

ဗြဟ္မာယုသုတ်၊ ဗြဟ္မဏ၀ဂ်၊ မဇ္ဇျိမပဏ္ဏာသ