မဟောသဓာဇာတ် အပိုင်း-၁၂

ရေကန်ထဲမှ ပတ္တမြားရောင်

ဝိဒေဟရာဇ်မင်းကြီးထံ၌ မဟော်သဓာသည် သုခမိန်အဖြစ် ခစားနေစဉ် မင်းကြီးတွင် ဆန္ဒတစ်ခု ဖြစ်မိသည်။ မဟောသဓာ၏ ပညာကို မျက်ကွယ်၌သာ ကြားသိရသည်။ မျက်မှောက်ထင်ထင် မမြင်ရသေး။ မကြာမီ မျက်မှောက်ထင်ထင် မြင်ချင်စမ်းပါဘိ ဟူသော ဆန္ဒပင်ဖြစ်သည်။

ထိုအချိန်မှာပင် မြို့၏တောင်တံခါးဝနှင့် မနီးမဝေးရှိ ရေကန်ထဲ၌ ပတ္တမြားအရောင် ပေါ်ထွက်နေ၏။ ထိုရေကန်သို့ ရောက်လာကြသူတို့သည် ထိုပတ္တမြားရောင်ကို မြင်သောအခါ အုတ်အုတ် ကျက်ကျက် ဖြစ်ကြ၏။ ဤရေကန်၌ ပတ္တမြားကျောက်ကောင်း ရှိရာ၏။ ဤပတ္တမြားသည် မင်းကြီးနှင့်ထိုက်၏ ဟုဆိုကာ မင်းကြီးထံ လျှောက်ထားကြသည်။ မင်းကြီးလည်း သိန်းအမတ်ကြီးကို ခေါ်တော်မူသည်။
"ပတ္တမြားကိုရအောင် မည်သို့ပြုရမည်နည်း" ဟု မေးသည်။
သိန်းအမတ်က "ရေကန်ထဲမှ ရေကိုခပ်ထုတ်၍ ပတ္တမြားကို ယူသင့်ပါသည်" ဟု လျှောက်၏။ မင်းကြီးလည်း ထိုသို့ပြုရန် သိန်းအမတ်ကိုပင် တာဝန်ပေးလိုက်၏။

သိန်းအမတ်သည် မြို့သူမြို့သားတို့ကို ခေါ်၏။ ကန်တွင်းမှ ရေနှင့်ရွှံ့ညွန်တို့ကို ထုတ်ပစ်စေပြီး ပတ္တမြားကို ရှာကြစေ၏။ မရကြပေ။ ရေပြည့်သောအခါ ပတ္တမြားရောင်သည် ရှိမြဲရှိနေ၏။ သို့ဖြင့် သိန်းအမတ်သည် နောက်တစ်ကြိမ် ရေနှင့်ညွန်တို့ကို ထုတ်ပစ်စေပြန်သည်။ ပတ္တမြားကို ရှာကြပြန်သည်။ ဤအကြိမ်တွင်လည်း မရရှိပေ။

ထိုအခါ မင်းကြီးက မဟောသဓာအား-
"ရေကန်ထဲက ပတ္တမြားကို ယူပေးနိုင်ပါမည်လော" ဟု မေး၏။
မဟော်သဓာကလည်း-
"ယူပေးနိုင်ပါသည်" ဟု ဆို၏။
ချက်ချင်းပင် မင်းကြီးနှင့်အတူ ရေကန်သို့လာခဲ့သည်။ ဖွားဖက်တော်တစ်ထောင်တို့လည်း ပါသည်။ များစွာသော မူးမတ်ပရိသတ်အပေါင်းတို့သည်လည်း ရေကန်ထဲက ပတ္တမြားအား မဟောသဓာထုတ်ယူသည်ကို ကြည့်ရန် လိုက်ပါလာကြလေသည်။

မဟောသဓာသည် ရေကန်သို့ ရောက်သောအခါ ကန်ပေါင်ဝန်းကျင်ကို လေ့လာစူးစမ်း ကြည့်ရှုသည်။ ထိုအခါ ရေကန်နား၌ ထန်းပင်တစ်ပင်ရှိသည်ကိုလည်း တွေ့သည်။ ထိုထန်းပင်၌ ကျီးတို့ အသိုက်ဖွဲ့၍ နေသည်ကိုလည်း မြင်သည်။ ဤတွင် ပတ္တမြားသည် ရေကန်ထဲ၌ မရှိ။ ထန်းပင်ပေါ်က ကျီးသိုက်ထဲ၌သာ ရှိမည်ဟု ဆင်ခြင်မိသည်။ မင်းကြီးအား "ရေကန်ထဲ၌ ပတ္တမြား မရှိပါ" ဟု ရဲဝံ့စွာ လျှောက်တင်သည်။ ထိုအခါ မင်းကြီးက "ရေကန်ထဲ၌ ပတ္တမြားရောင် ထင်နေသည် မဟုတ်လော" ဟု ဆိုသည်။

မဟောသဓာလည်း ခွက်ဖြင့် ကန်ရေကို ခပ်ခိုင်းသည်။ မင်းကြီးအား ပြလျက်-
"ရှုစားတော်မူပါ။ ဤခွက်ထဲမှာလည်း ပတ္တမြားရောင် ထင်နေပါသည်။ စင်စစ် ပတ္တမြားသည် ရေကန်ထဲ၌ မရှိ။ ထန်းပင်ပေါ်က ကျီးသိုက်ထဲမှာ ရှိနေပါသည်။ ထိုပတ္တမြားရောင်က ရေကန်တွင် ထင်ဟပ်နေခြင်းသာ ဖြစ်ပါသည်" ဟု လျှောက်တင်၏။

လျှောက်တင်သည့်အတိုင်းလည်း မင်းချင်းတစ်ယောက်အား ထန်းပင်ပေါ်သို့ တက်၍ ကျီးသိုက်ထဲက ပတ္တမြားကို ယူစေသည်။ ထို့နောက် မင်းကြီးအား ဆက်သသည်။

မှူးမတ်ပရိသတ်တို့သည် မဟောသဓာအား ချီးကျူးကြသည်။ သိန်းအမတ်ကိုကား "မြို့သူမြို့သားတို့ကိုလဲ ပင်ပန်းစေသည်။ မြို့ကျက်သရေဆောင် ရေကန်ကိုလည်း ပျက်စီးစေသည်" ဟု ဆိုကာ ပြစ်တင်ရှုတ်ချကြသည်။

မင်းကြီးလည်း အလွန်နှစ်သက် ဝမ်းမြောက်လှသဖြင့် မိမိလည်၌ ဆင်သော ပုလဲသွယ်လည်ရွဲကို ချွတ်၍ မဟောသဓာအား ပေး၏။ မဟောသဓာ၏ ဖွားဖက်တော် သူငယ်တစ်ထောင်တို့ကိုလည်း ပုလဲသွယ်တစ်ကုံးစီ ပေးတော်မူလေ၏။

 

ပုတ်သင်ပြဿနာ

တစ်နေ့သောအခါ မင်းကြီးသည် မှူးမတ် အခြွေအရံတို့ ခြံရံလျက် မဟောသဓာနှင့်အတူ ဥယျာဉ်သို့ ထွက်တော်မူသည်။ ဥယျာဉ်အဝင် တံခါးတိုင်ထိပ်၌ နေသော ပုတ်သင်တစ်ကောင်သည် မင်းကြီးကို မြင်သောအခါ မြေကြီးသို့ ဆင်း၍ ဝပ်သည်။

မင်းကြီးမြင်လျှင် မဟောသဓာအား အကြောင်းရင်းကို မေးတော်မူသည်။ မဟောသဓာက "ပုတ်သင်သည် အရှင်မင်းကြီးကို ခစားခြင်း ဖြစ်ပါသည်" ဟု လျှောက်ထား၏။

မင်းကြီးသည် နှစ်သက်သွားသည်။ မင်းချင်းတစ်ယောက်အား ပုတ်သင်ကို နေ့စဉ် ပဲဝက်ဖိုး အမဲသား ဝယ်ကျွေးရန် မိန့်တော်မူသည်။ မင်းချင်းလည်း အမိန့်တော်အတိုင်းပင် ပုတ်သင်အား နေ့စဉ် အမဲ ဝယ်ကျွေးသည်။

ဥပုသ်နေ့သို့ ရောက်သောအခါ အမဲမပေါ်သဖြင့် အမဲဝယ်မရ။ ထိုအခါ မင်းချင်းသည် ပဲဝက်ငွေစကို အပေါက်ဖောက်ပြီးလျှင် ပုတ်သင်၏ လည်တွင် ကြိုးငယ်ဖြင့် ချည်ပေးလိုက်လေသည်။

ထိုနေ့၌ မင်းကြီးသည် ဥယျာဉ်တော်သို့ ထွက်တော်မူသည်။ အခြားနေ့များ၌ ပုတ်သင်သည် မင်းကြီးအား ခစားမြဲဖြစ်သည်။ ထိုနေ့၌မူ မင်းကြီးကို မြင်သော်လည်း တံခါးတိုင်ပေါ်မှ မဆင်းပေ။

ပုတ်သင်အမူအရာ ပြောင်းသည်ကို မြင်သောအခါ မင်းကြီးသည် အကြောင်းရင်းကိုမေးသည်။

မဟောသဓာက "အရှင်မင်းကြီး၊ ဤပုတ်သင်သည် ရှေးကမရစဖူးသော ပဲဝက်ငွေ အသပြာကို ရသဖြင့် အရှင်မင်းကြီးကို မထီမဲ့မြင် ပြုနေပါသည်။ လည်တွင် ဆွဲထားသော အသပြာကြောင့် မာန်ထောင်လွှားနေပါသည်" ဟု လျှောက်ထား၏။

မင်းကြီးသည် ဟုတ် မဟုတ် သိလိုသဖြင့် မင်းချင်းကို ခေါ်မေးသည်။ မင်းချင်းလည်း အခါကြီး ရက်ကြီးဖြစ်၍ အမဲသားမရသောကြောင့် ပဲဝက်အသပြာကို ပုတ်သင်လည်၌ ဆွဲပေးထားကြောင်း ဟုတ်တိုင်းမှန်ရာ လျှောက်ထားသည်။ မင်းကြီးလည်း မဟောသဓာ၏ စဉ်းစားဉာဏ် ထက်မြက်မှုကို ချီးမွမ်းတော်မူသည်။ မြို့တံခါးလေးခုမှ ရသော အခွန်အတုတ်ကို ဆုအဖြစ် မဟောသဓာအား ချီးမြှင့်တော်မူလေသည်။

(မဟောသဓာဇာတ် အပိုင်း-၁၃ ဆက်တင်ပါမည်)

 

 

 

မြင်းကောင်းတစ်စီးနှင့် သူဌေးကောင်းတစ်ယောက်

နောက်တစ်နေ့၌ မင်းကြီးသည် သေနကအမတ်အား "မဟောသဓာကို မည်သို့ခေါ်ဆောင် ရမည်နည်း" ဟု မေးတော်မူ၏။ အမတ်ကြီးက

"မင်းကြီး၊ အရှေ့ယဝမဇ္ဈဂုံ ရွာသားတို့အား မြင်းကောင်းတစ်စီးနှင့် သူဌေးတစ်ယောက် ငါ့ထံ ပို့ဆက်စေရမည်ဟု စေတော်မူပါ။ မဟောသဓာသည် ပညာရှိမှန်လျှင် မြင်းကောင်းဆိုသည်ကား ငါ့ကို ရည်၍ဆိုသည်။ သူဌေးကောင်းဆိုသည်ကား ငါ့အဖ သူဌေးကြီးကို ရည်၍ဆိုသည်ဟု သိပါလိမ့်မည်" ဟူ၍ လျှောက်၏။

မင်းကြီးလည်း ထိုအကြံကို လက်ခံကာ အမတ်တစ်ယောက်အား မဟောသဓာ့ရွာသို့ စေလွှတ်လိုက်၏။ ထိုအခါ မဟောသဓာက 'ဤမှာကြားချက်သည် သာမန်ရည်ရွယ် မှာကြားချက် မဟုတ်။ ငါ့ကိုလည်းကောင်း၊ ငါ့ဖခင်ကိုလည်းကောင်း တွေ့မြင်လို၍ မှာကြားခြင်းသာ ဖြစ်တန်ရာသည်' ဟု တွေးတောမိသည်။

ထို့ကြောင့် ဖခင်သူဌေးကြီးအား အကျိုးအကြောင်း ပြောပြ၏။ မင်းကြီးထံ ဖခင်ကို မိမိအလျင် သွားစေ၏။ မသွားမီလည်း-
"ဖခင်၊ ဖခင်၏ နောက်မှ အကျွန်ုပ် လိုက်လာပါမည်။ ကျွန်ုပ်မရောက်မီ မင်းကြီးက ဖခင်အား နေရာချထား ပေးပါလိမ့်မည်။ ထိုပေးသောနေရာ၌ ဖခင် နေတော်မူပါ။ ကျွန်ုပ်ရောက်လာသောအခါ၌လည်း မင်းကြီးက ကျွန်ုပ်ကို နေရာချထားပေးပါလိမ့်မည်။ ထိုအခါ ကျွန်ုပ်က ဖခင့်မျက်နှာကို ကြည့်ပါမည်။ ကျွန်ုပ်ကြည့်လျှင် ဖခင်က သည်းခံ၍ နေရာမှထပြီး ကျွန်ုပ်ကို နေရာပေးတော်မူပါ။ ဤသို့ပြုလျှင် တစ်ခုသောပြဿနာကို ဖြေဆိုပြီး ဖြစ်ပါလိမ့်မည်" ဟု မှာကြား တောင်းပန်၏။

သူဌေးကြီးလည်း သား သုခမိန် မှာကြားသည့်အတိုင်း ပြု၏။ သူသည် သူဌေးငယ် အပေါင်းခြံရံလျက် မင်းကြီးထံမှောက်သို့ သွား၏။ မင်းကြီးပေးသော နေရာ၌ နေ၏။ ထိုအချိန်တွင် မဟောသဓာသည်လည်း ဖွားဖက်တစ်ထောင် ခြံရံလျက် မြင်းရထားစီးကာ လိုက်လာ၏။ နန်းတော်သို့ ဝင်ခါနီးတွင် မြည်းတစ်ကောင်ကို မြင်သည်။ ထိုအခါ လုလင်တို့အား မြည်းကို ဖမ်းစေပြီး ဖျာဖြင့် လိပ်၍ ယူဆောင်လာစေ၏။ လူအပေါင်းလည်း ကျော်ကြားလှသော သုခမိန်ကလေးကို မြင်လိုတွေ့လိုကြသဖြင့် ဝိုင်းဝန်းကြည့်ရှုကြ၏။ ချစ်ခင်မြတ်နိုးကြသဖြင့် နန်းတော်တံခါးဝတိုင်အောင် လိုက်၍ ကြည့်ကြ၏။

မဟောသဓာသည် မင်းကြီးရှေ့တော်မှောက်သို့ ရောက်သောအခါ ရှိခိုးလျက် သင့်တင့်သော နေရာ၌ ရပ်နေ၏။ မင်းကြီးလည်း နှစ်သက်ဝမ်းမြောက်စွာဖြင့် ချိုသာစွာ နှုတ်ခွန်းဆက်၏။
"ချစ်သား သုခမိန်၊ လျောက်ပတ်သောနေရာကို ရွေးချယ်နေလော့" ဟု ဆို၏။

ထိုအခါ မဟောသဓာသည် ဖခင်သူဌေးကြီး မျက်နှာကို လှမ်းကြည့်လိုက်၏။ သူဌေးကြီးသည်လည်း တင်ကြိုမှာကြားထားသည့်အတိုင်း မိမိနေရာမှ ထ၍ "ချစ်သား၊ ဤနေရာ၌ နေလှည့်လော့" ဟု ဆို၏။ နေရာဖယ်ပေး၏။ မဟောသဓာလည်း ဖခင်၏နေရာ၌ နေ၏။ ထိုအခါ သေနက၊ ပက္ကုသ၊ ကာမိန္ဒ၊ ဒေဝိန္ဒ အမည်ရှိသော အမတ်သုခမိန်လေးဦးတို့သည် လက်ခုပ်တီးကာ ပြင်းစွာရယ်ကြ၏။ ပြက်ရယ်ပြုကြ၏။ နန်းတွင်းသား မူးမတ်တို့သည်လည်း လိုက်လံပြက်ရယ် ပြုကြ၏။

မြည်းပြဿနာ

ထိုအခါ ကြည်ရွှင်ပျနေသော မင်းကြီးသည် မျက်နှာညှိုးသွား၏။ "သုခမိန်၊ အမျိုးကောင်းသားတို့သည် မိမိထက် အသက်ကြီးသော သူစိမ်းကိုသော်မှ နေရာမှထစေခြင်းငှာ မထိုက်။ ယခု သင်မူကား ကျေးဇူးရှင် ဖခင်ကိုပင် နေရာမှထစေ၏။ သင့်တော်ပါ၏လော" ဟု မေး၏။ ထိုအခါ မဟောသဓာကလည်း လိမ္မာစွာ ပြန်လည်လျှောက်တင်၏။

"အရှင်မင်းကြီး၊ နေရာတိုင်းတွင် သားထက် အဖမြတ်သည်ဟု ထင်မှတ်ပါသလော"
"သုခမိန်၊ နေရာတိုင်းမှာပင် သားထက်အဖက မြတ်ပေသည်"

ထိုအခါ မဟောသဓာသည် လုလင်ပျိုတို့အား မြည်းကို ဆောင်ယူလာစေပြီး မင်းကြီးရှေ့တော်မှောက်တွင် ထားစေ၍ ဆက်လက် လျှောက်ထား၏။

"အရှင်မင်းကြီး၊ ဤမြည်းသည် အဖိုးမည်မျှ ထိုက်ပါသနည်း"
"သုခမိန်၊ မြည်းကောင်းဖြစ်လျှင် အလွန်ဆုံး ၈-ကျပ်မျှ အဖိုးထိုက်၏"
"အရှင်မင်းကြီး၊ ဤမြည်းထီးနှင့် အာဇာနည်မြင်းမတို့ ပေါင်းဖော်၍ရသော အဿတိုရ်မြင်းကောင်းသည် အဘယ်မျှ အဖိုးထိုက်ပါသနည်း"
"သုခမိန်၊ အဿတိုရ် မြင်းကောင်းသည် တန်ဖိုးမဖြတ်နိုင်ပါ"
"အရှင်မင်းကြီး၊ ဤသို့ဆိုလျှင် နေရာတိုင်းမှာ အဖကသားထက် မြတ်၏ ဆိုခြင်းမှာ မှန်ကန်ပါ၏လော။ စင်စစ်မှာ အခြေအနေကို လိုက်၍ ထိုက်ရာသာ အမြတ်အယုတ်ကို ယူရပါမည်။ အရှင်မင်းကြီး၏ သုခမိန်ကျော်လေးယောက်တို့ ဤမျှလောက်ကိုပင် မသိရှိကြပါတကား။ အရှင်မင်းကြီး၊ ထိုသို့ မြည်းကို ပုံပြု၍ အကျွန်ုပ်တင်လျှောက်သည်ကို လက်မခံလိုပါက ကျွန်ုပ်တို့ သားအဖတွင် အဖမြတ်လျှင် အဖကို ကောက်ယူတော်မူပါ။ အကျွန်ုပ်မြတ်လျှင် အကျွန်ုပ်ကို ကောက်ယူတော်မူပါ"

ဤစကားကို ကြားလျှင် မင်းကြီးသည် ညှိုးငယ်ရာမှ ရွှင်ပြုံးလာ၏။ မင်းပရိသတ်တို့သည်လည်း ရွှင်မြူးစွာ ကောင်းချီးပေးကြ၏။ သုခမိန်ကျော်လေးယောက်တို့သည်ကား မျက်နှာအောက်ချလျက် ငေးမှိုင်နေကြ၏။

ဤနေရာ၌ မဟောသဓာသည် ဖခင်ကို နေရာမှ ထစေခြင်းမှာ မရိုမသေပြုခြင်း မဟုတ်။ "မြင်းကောင်းတစ်စီးကို ဖြစ်စေ၊ သူဌေးကောင်း တစ်ယောက်ကိုဖြစ်စေ ပို့ဆက်စေ" ဟု ဆင့်ဆိုသည့် ပြဿနာကို ဖြေလိုသောကြောင့်ဖြစ်သည်။

မင်းကြီးသည် မဟောသဓာ၏ မြည်းပြဿနာ ဖြေဆိုချက်ကို လွန်စွာ နှစ်သက်တော်မူ၏။ ထို့ကြောင့် မဟောသဓာ၏ ဖခင် သူဌေးကြီးအား အရှေ့ယဝမဇ္ဈဂုံးရွာကို အပိုင်စားပေး၍ မြို့စားမင်း ခန့်တော်မူ၏။ မဟောသဓာ၏ မိခင်ကိုလည်း မြို့စားကတော်၏ အဆောင်အယောင် အဝတ်တန်ဆာတို့ ပို့ဆက်စေသည်။

ထို့နောက် မင်းကြီးက သူဌေးကြီးအား "မဟောသဓာကို ငါ့အား သားတော်အဖြစ် မွေးရန်ပေးပါ" ဟု ဆို၏။ သူဌေးကြီးက "မဟောသဓာသည် ငယ်ပါသေးသည်။ အရွယ်ရောက်သောအခါ မင်းကြီးထံ၌ ခစား ထမ်းရွက်ပါလိမ့်မည်" ဟု လျှောက်၏။

မင်းကြီးက မစောင့်နိုင်။ ထပ်မံ၍ တောင်းခံပြန်၏။ သူဌေးကြီးလည်း မငြင်းဆန်သာဘဲ မဟောသဓာကို နန်းတော်၌ ထားခဲ့ရ၏။ သွားခါနီးတွင် သားကို ရင်ခွင်၌ထားလျက် "ချစ်သား၊ သတိဖြင့် ခစားပါလေ" ဟု မှာကြား၏။ မဟောသဓာကလည်း ဖခင်ကို ရိုသေစွာ ရှိခိုးလျက် "မစိုးရိမ်၊ မကြောင့်ကြပါလင့်" ဟု နှစ်သိမ့်စကား ပြန်ကြား၏။

သူဌေးကြီး ပြန်သွားသောအခါ မင်းကြီးက မဟောသဓာအား "ချစ်သား၊ အတွင်း၌ နေ၍ ခစားမည်လော၊ အပြင်၌နေ၍ ခစားမည်လော" ဟု မေးတော်မူ၏။
မဟောသဓာက "အကျွန်ုပ်မှာ ဖွားဖက်တစ်ထောင်နှင့်တကွ အခြံအရံ များလှပါသည်။ အပြင်၌နေ၍သာ ခစားပါမည်" ဟု လျှောက်တင်၏။

ထိုအခါမင်းကြီးသည် မဟောသဓာအား သင့်လျော်သော နေအိမ်ကိုပေး၏။ အခြံအရံများအတွက်လည်း နေအိမ်များပေး၏။ ထိုအခါမှစ၍ မဟောသဓာသည် နေ့စဉ်ပင် မင်းကြီးကို ခစားရလေသည်။

(မဟောသဓာဇာတ် အပိုင်း-၁၃ "ရေကန်ထဲမှ ပတ္တမြားရောင်" ဆက်တင်ပါမည်)