Wednesday, December 5, 2012

ရွှေဘိုမြို့၏ ထင်ရှားသော စေတီပုထိုးများ

ရွှေဘိုမြို့ ပတ်ဝန်းကျင်ကား အလောင်းမင်းတရားကြီး၏ မွေးရပ်ဇာတိဖြစ်ခဲ့ပြီး အလောင်းမင်းတရားကြီးမှစ၍ ကုန်းဘောင်မင်းဆက် မင်းသုံးပါး စိုးစံခဲ့ရာ နေပြည်တော်ဖြစ်သည့်အချိန်က လျှမ်းလျှမ်းတောက် ကောင်းစားခဲ့သောဌာနဖြစ်သောကြောင့် ထင်ရှားသော စေတီပုထိုး ကိုးကွယ်စရာ ပေါများခဲ့ပါသည်။
၁။လမ်းလည်ဘုရား
၂။ဇမ္ဗူဆီမီးဘုရား
၃။ရွှေတန်ဆာဘုရား
၎။ရွှေခြင်္သေ့ဘုရား
၅။နေရဗန်ဘုရား
၆။ဆုတောင်းပြည့်ဘုရား
၇။ရွှေကူကြီးဘုရား
၈။သက်တော်ရှည်သက်တော်ရ
၉။ရွှေပေါ်ကျွန်းဘုရား
၁၀။ရွှေသိမ်တော်ဘုရား
၁၁။ရွှေချက်ကျ ( ရွှေချက်သို )
၁၂။ဖောင်တော်ဦးဘုရား
၁၃။မော်ဓောမြင်သာစေတီတော်ဘုရား
၁၄။ပခမ်းဘုရား
၁၅။လောကမာရဇိန်
၁၆။ရွှေကြက်တောင်ဘုရား
၁၇။စိန်ဘုရား
၁၈။ဗိုလ်မောင်ဘုရား
၁၉။ချမ်းသာကြီး ချမ်းသာရ ဘုရား
၂၀။ကုန်းဘောင်ဦးထိပ်ဘုရား
၂၁။အောင်မြေဘုရား
၂၂။ရွှေလင်းပင်ဘုရား
၂၃။နိဗ္ဗာန်ဆိပ်ဦးဘုရား – တို့ဖြစ်ပါသည်။

လမ်းလည်ဘုရား။   ။ဤဘုရားမှာ ရှေးဟောင်းဘုရားမဟုတ်ပါ။ ဦးတိုက် အမည်ရှိသော ဒကာတစ်ဦးမှ တည်ထား၍ ပထမ ဦးတိုက်ဘုရားဟု အမည်တွင်ခဲ့သည်။ နောက်ပိုင်းတွင် အရပ်မှ ၀ိုင်းဝန်းပါဝင် တိုးချဲ့ ကုသိုလ်ပြုကြပြီး လမ်းသုံးဖက်ရံနေသောကြောင့် လမ်းလည်ဘုရားဟူ၍ ခေါ်ဝေါ် လာကြခြင်းဖြစ်သည်။

၂။ဇမ္ဗူဆီမီးဘုရား။        ။အလောင်းမင်းတရားကြီး ဦးအောင်ဇေယျ၏ မိဘုရားခေါင်ကြီး ခင်ယွန်းစံ၏ မိဘများဖြစ်ကြသော ဦးဖြိုးမြ မယ်ပလောင် တို့တည်ထားကိုးကွယ်ခဲ့ပါသည်။ အမတ်ကြီး လက်ဝဲသုန္ဒရ ရေးသားသော နာမည်ကျော် မဲဇာတောင်ခြေရတုပါ “ဘိုးတော်ကောင်းမှု၊ တည်ထားပြုသည်၊ ဇမ္ဗူဆီမီး၊ ခြောက်ရောင်ညီးမျှ၊ ကူကြီးသခင်၊ ရွှေလင်းပင်နှင့် ရွှေခြင်္သေ့မွေ စ၍ ရေသော်၊ ရွှေစေတီကြီး၊ အသီးသီးတည့်” ဟူသော စာပိုဒ်မှ စေတီငါးဆူအနက် ပထမဆုံးစေတီဖြစ်ပါသည်။ အလောင်းမင်းတရားကြီး၏ သားတော် ဆင်ဖြူရှင် လက်ထက် ရေးသားသော ရတုဖြစ်၍ ဘိုးတော်ကောင်းမှု ဆိုသည်မှာ ဘိုးတော်တော်စပ်သူ ဦးဖြိုးမြကို ရည်ညွှန်ကြောင်းလေ့လာရပါသည်။

၃။ရွှေတန်ဆာဘုရား။     ။ဆင်းတုတော်ကိန်းဝပ်စံပယ်ရာ လိုဏ်ဂူတော်နှင့်တကွ တည်ဆောက်ထားသော ဂူပုထိုးဖြစ်ပါသည်။ အောက်ခြေတွင် လေးထောင့်သဏ္ဌာန် ကုလားကျောင်းခံပြီးမှ စေတီထပ်ဆင့်တည်ထားခြင်းဖြစ်၍ ဖိနပ်တော်မှ ထီးချရားသီးအထိ ဉာဏ်တော်မှာ ၄၂တောင် မြင့်ပါသည်။ ဘုရားဒါယကာမှာ အလောင်းစည်သူမင်းဖြစ်သည်။ ရွှေတန်ဆာဗုဒ္ဓရုပ်ပွားတော်မှာ ဉာဏ်တော်မှာ နှစ်ထောင့်တစ်ထွာရှိပြီးလျှင် တစ်မူထူးခြားသော သဏ္ဌာန်တော်ရှိပါသည်။ တပ်ဆင်ပူဇော်ထားသော စလွယ်တော်ကြီး ပယ်ရှားပြီး အနီးကပ်ဖူးမြော်ပါက မင်းသားများ ၀တ်ဆင်သကဲ့သို့ ထိုင်မသိမ်းအင်္ကျီနှင့်တကွ တံတောင်စည်း လက်ကြပ်များဖြင့် ပီပီသသ ထုလုပ်ထားကြောင်း ဖူးမြင်ရပါသည်။

၎။ရွှေခြင်္သေ့ဘုရား။       ။ ရှေးဟောင်းစေတီတစ်ဆူဖြစ်ပါသည်။ ဘုရားဒါယကာမှာ အလောင်းမင်းတရားကြီး၏ ဘေးတော်စပ်သူ ဦးဘိုးမင်း တည်ထား ကိုးကွယ်ခဲ့သော စေတီဖြစ်သည်။ဘုရားရှင်၏ ဓါတ်တော်မွေတော်များ ကိန်းဝပ်ဌာပနာထားကြောင်း သိမှတ်ရပါသည်။စေတီမှာ ဉာဏ်တော်မှာ မမြင့်မားလှပါ။ ဖိနပ်တော်မှ ထီတော်အထိ ၂၄ တောင်မျှသာ ရှိပါသည်။

၅။နေရဗန်ဘုရား။         ။နေရဗန်ဘုရား၏တည်နေရာမှာ ရွှေဘိုမြို့၏ အနောက်တောင်ဘက်ယွန်ယွန်းတွင် ရှိပါသည်။ အောက်ခြေဖိနပ်တော်မှ ထီးတော်အထိ ဉာဏ်တော် ၃၆ တောင် နှင့် ၉ လက်မရှိပါသည်။ သက္ကရာဇ် ( ၅၇၃ ) ခုနှစ်တွင် ပေါက္ကံပြည်၏ မင်းငါးဆယ့်တစ်ဆက်မြောက်ဖြစ်သော ဇေယျသိင်္ခနန်းတောင်းများမင်း က မင်းလောင်းပေါ်မည်ဟု အတိတ်သဘောင်ပေါ်လာ၍ ယတြာကြီးချေသည့်အနေဖြင့် ဤ မုဆိုးဖို အရပ်တွင် မုဒ်ငါးခုပါရှိသည့် ဘုရားကိုတည်ခဲ့ပါသည်။
ဤဘုရားတွင် ယတြာချေရန် လာရောက်၍ နေရဖန်များသဖြင့် “ နေရဘန်” ဟုခေါ်တွင်ကြောင်း၊ ကာလရွေ့လျော၍ နေရဗန်ဟု ပြောင်းလဲခေါ်တွင်သွားကြောင်းလည်း လေ့လာခဲ့ရပါသည်။
တချို့ကမူ နေရပ်ကိုပြန်ခြင်းကို အစွဲပြု၍ နေရပ်ပြန် ဘုရား၊ နောင်အခါ နေရဗန်ဟု ၎င်း ခေါ်တွင်သည်ဟု ဆိုပြန်ပါသည်။
ပုဂံခေတ် အသံထွက်စနစ်အတိုင်း ယူဆသော် နိဗ္ဗာန်ဘုရားဟု ခေါ်တွင်သည်သာဖြစ်ပေမည်။

၆။ဆုတောင်းပြည့်ဘုရား။                   ။ရွှေဘိုမြို့၏ အနောက် ဆိပ်ခွန်လမ်းအထွက်တွင်တည်ရှိပြီး အလောင်းမင်းတရားကြီး၏ ယောက္မ ဦးဖြိုးမြ-မယ်ပလောင်တို့တည်ထား ကိုးကွယ်ခဲ့သော ရှေးဟောင်းစေတီတစ်ဆူဖြစ်သည်။ ထောင့်လေးထောင့်ရှိ စေတီရံလေးဆူ၏ အလယ်တည့်တည့်၌ ဉာဏ်တော်ငါးပေရှိ သစ်သားကို ရွှေပိန်းချပြီး တည်ထားသော ဘုရားဖြစ်သည်။
ရုပ်ပွားတော်၏ထူးခြားချက်မှာ တင်ပလ္လင်ခွေထားပြီး ရင်ခွင်၌ပိုက်ထားသော ဘယ်ဘက်လက်ချောင်းတော်မှာ ခြောက်ချောင်းပါရှိပြီး ညာဘက်လက်ချောင်းတော်မှာ ငါးချောင်းပါရှိပါသည်။

၇။ရွှေကူကြီးဘုရား။       ။အလောင်းမင်းတရားကြီး၏ ခမည်းတော် မယ်တော်များဖြစ်သော မင်းညိုစံနှင့် စောညိမ်းဦးတို့ တည်ထားကိုးကွယ်သောဘုရားဖြစ်သည်။ မဲဇာတောင်ခြေရတုပါ “ကူကြီးသခင်” ပင်တည်း။

၈။သက်တော်ရှည်သက်တော်ရ။            ။ ရွှေဘိုမြို့လယ်ရှိ ရွှေတန်ဆာဘုရား၏ မြောက်ဘက်တွင် တည်ရှိသော ရှေးဟောင်းဘုရားတစ်ဆူဖြစ်သည်။

၉။ရွှေပေါ်ကျွန်းဘုရား။             ။ရွှေပေါ်ကျွန်းဘုရားမှာ နှစ်ဆူရှိပါသည်။ တစ်ဆူမှာ ရွှေဘိုမြို့၏ ဈေး အရှေတည့်တည့်တွင် တည်ရှိပါသည်။ ရှေးဟောင်းဘုရားတစ်ဆူဖြစ်သော်လည်း မူလ ဒါယကာ၏ အမည်ကို မသိရပါ။ ဒုတိယတစ်ဆူမှာ ရွှေဘိုမြို့၏ အရှေ့မြောက်အရပ်ရှိ မြို့ပြင်၌တည်ထားသော ကန်တွင်းရွှေပေါ်ကျွန်းဘုရားဖြစ်သည်။ မြန်မာသက္ကရာဇ် ၁၁၂၂ တွင် နန်းတက်သော နောင်တော်ကြီးမင်း ( အလောင်းမင်းတရား၏သားတော်ကြီး၊ ငယ်မည် မောင်လောက် ) တည်ထားကိုးကွယ်ခဲ့သော စေတီဖြစ်သည်။
ပင်မစေတီကြီး၏ ထောင့်လေးထောင့်၌ နောင်တော်ကြီးမင်း ၏ မိဘုရားလေးပါး၏ ကုသိုလ် စေတီရံလေးဆူကိုလည်းမြင်တွေ့ဖူးမြော်နိုင်သည်။

၁၀။ရွှေသိမ်တော်ဘုရား။           ။ပုဂံနရပတိစည်သူမင်းကြီး၏ ကုသိုလ် ဉာဏ်တော် ၄၉တောင်နှင့် ၉လက်မ အမြင့် ရှိသော ဘုရားဖြစ်သည်။ရှေးကာလက ရဟန္တာအရှင်များကံကြီးကံငယ် ဆောင်တော်မူခဲ့သော ဘုရားတစ်ဆူဖြစ်သည်။ ယခုလက်ရှိ ချိတ်ဆွဲထားသော ခေါင်းလောင်းကြီးနှစ်ခုပေါ်တွင် ပုဂံနရပတိစည်သူမင်းကြီး၏ ကုသိုလ်ဖြစ်ကြောင်းသမိုင်းအထောက်အထားများ ရှာဖွေတွေ့ရှိနိုင်သည်။
ရွှေသိမ်တော်စေတီ၏ထူးခြားချက်မှာ တံတိုင်းသုံးထပ် ပတ်ရံလျက်ရှိခြင်းဖြစ်သည်။

၁၁။ရွှေချက်ကျ ( ရွှေချက်သို )။            ။ အလောင်မင်းတရားကြီး၏ ဇာတိချက်ကြွေမွေးရပ်မြေ၏ အထိမ်းအမှတ်အဖြစ်  မြန်မာသက္ကရာဇ် ၁၁၁၅ခုနှစ် တွင် ရတနာသိင်္ဃမြို့တော်နှင့် အတူ ခုနှစ်ဌာနတစ်ပြိုင်တည်း တည်ဆောက်ခဲ့သောအရာများထဲမှတစ်ခုဖြစ်သည်။ ဉာဏ်တော်အမြင့်ပေ ၆၉တောင် ရှိ၍ ထိုခေတ်အခါက ဉာဏ်တော်အမြင့်ဆုံးစေတီတစ်ဆူဖြစ်သည်။
ယနေ့ ရွှေချက်သိုစေတီသို့ ဖူးမြော်ရန် သွားရောက်ပါလျှင် အလောင်းမင်းတရားကြီး တစ်နေ့တည်းတည်ဆောက်သော ခုနှစ်ဌာနအနက် နှစ်ဌာနကို တစ်နေရာတည်း လေ့လာနိုင်ပါသည်။ ၎င်းနှစ်ဌာနမှ (၁) ရွှေချက်သိုစေတီ (၂) ပဟိုခေါင်းလောင်းတို့ဖြစ်ပါသည်။ ပဟိုရ်ခေါင်းလောင်းတော်မှာ စေတီ၏ အရှေ့တောင်ယွန်းယွန်း၌ရှိသော စည်တော်စင်ဟု ကျောက်ပြားကပ်ထားသော စင်မြင့်ကြီးပေါ်သို့ တက်ရောက်သွားလျှင် တွေ့ရပါမည်။
မြို့နန်းတည်စဦးက အချိန်နာရီကို လျှောက်ထားရန် ပဟိုရ်စင်တစ်ဌာန ထည့်သွင်းတည်လုပ်ခဲ့၍ ယင်းပဟိုရ်စင်မြင့်ကြီးပေါ်၌ ပဟိုရ်ခေါင်းလောင်းကြီးသည် ပဟိုရ်စည်ကြီးနှင့် အတူ တွဲလျက်တည်ရှိခဲ့သည်။
ယင်း၏ အတိုင်းအတာမှာ အစောက် ၃ပေ၊ ၃လက်မ ၊ လုံးပတ်၆ပေ နှင့် ၁၁လက်မ၊ဒု ၃လက်မတိတိရှိပါသည်။

၁၂။ဖောင်တော်ဦးဘုရား။                   ။ရွှေဘိုမြို့၏ အရှေ့မြောက်ယွန်ယွန်း၌ မောဓောမြင်သာစေတီ အနီး တွင်တည်ရှိသည်။ နရပတိစည်သူမင်းကြီး ဖောင်စကြာဖြင့် တိုင်းခွင်လှည့်လည်ရောက်ရှိချိန်က ဖောင်တော်ဆိုက်ရာအရပ်၏ အထိမ်းအမှတ်အဖြစ်တည်ထားခဲ့ကြောင်းအဆိုရှိသည်မှ တစ်ပါး ဒါယကာကို ခိုင်လုံစွာ မသိရပါ။

၁၃။ပခမ်းဘုရား(ရွှေဘုံသာ)။               ။ရွှေဘိုမြို့၏ အရှေ့တောင်ထောင့်အရပ်၌ ပထမ မင်းခေါင် သည် ဉာဏ်တော်အမြင့် အတောင် ၇၀နှင့်၉လက်မရှိပါသော ပခမ်းဘုရာကို တည်ထားခဲ့ပါသည်။သိုသော် ပခန်းမင်းကြီး ဦးနှောင်းက ထပ်ဆင့်ပြင်ဆင်သောကြောင့် မူလဘွဲ့အမည် “ရွှေဘုံသာ” ပျောက်ပြီး ပခန်းဘုရားဟုသာခေါ်တွင်နေပါသည်။
ရှေးအခါက ယင်းဘုရားပွဲတော်၌ ဒုံးလွှတ်လေ့ရှိသောကြောင့် ဒုံးဘုရားကြီးဟုလည်း တစ်မျိုး ခေါ်ကြပါသေးသည်။
 
၁၄။လောကမာရဇိန်။     ။ဤဘွဲ့တော်ဖြင့် ယနေ့လက်ရှိ ရွှေဘိုမြို့တွင် ဘုရားနှစ်ဆူ ရှိသည်။ မူလရှိနှင့် ပြီးသောလောကမာရဇိန်ဘုရားသည် အနောက်ဈေးရပ်၌ တည်ရှိပြီး ယင်းကို အရှေ့လောကမာရဇိန် (သုံးဆူကုန်းဘုရား ) ဟု ခေါ်ပါသည်။မြို့၏ အနောက်အစွန်တွင် နှစ်များ မကြာမီက တည်ထားသော လောကမာရဇိန်ဘုရားကိုကား အနောက် လောကမာရဇိန်ဟု ခွဲခြားခေါ်ဝေါ်ကြပါ


ဇလွန်မြို့မာရ်အောင်မြင်ပြည်တော်ပြန်ဘုရားပွဲတော်

   မဟာသက္ကရာဇ် (၁၁၃)ခုနှစ်တွင် ဘာသာရေးကို သက်ဝင်ယုံကြည် သည့် ရခိုင်ဘုရင်က မဟာမြတ်မုနိဗုဒ္ဓ ရုပ်ပွားတော်ကို ကြေးဖြင့်သွန်း လုပ်တော်မူပြီး ပိုနေသော ကြေးများဖြင့် ဗုဒ္ဓရုပ်ပွားတော်သုံးဆူကို သွန်း လုပ်ခဲ့ပါသည်။ လေးဆူမြောက် သွန်းလုပ်ခဲ့သော ဗုဒ္ဓရုပ်ပွားတော်ကို မာန်အောင်မြင်ရုပ်ပွားတော် ဟုဘွဲ့တွင်ခဲ့ပါသည်။ သက္ကရာဇ် (၁၁၃၆) ခုနှစ်တွင် ဘိုးတော်ဘုရား ၏သားတော် အိမ်ရှေ့စံမင်းသားက အဆိုပါ ဗုဒ္ဓရုပ်ပွားတောာ်ကို အမရပူရ သို့ပင့်ဆောင်ခဲ့ပါသည်။ ဗုဒ္ဒရုပ်ပွားတော် ကို နန်းတော်ရှေ့တွင် အပူဇော်ခံထားရှိခဲ့ပြီး နန်းဦးဘုရားဟု ဘွဲ့တော် တွင်စေခဲ့ပြန်ပါသည်။ သက္ကရာဇ် (၁၂၁၄) ခုနှစ်တွင် ဇလွန်မြို့သူကြီး ဦးရွှေပွင့်မှ ဗုဒ္ဓရုပ်ပွားတော်ကို ဇလွန်သို့ ပင့်ဆောင်ခဲ့ ပါသည်။
    ကိုလိုနီနယ်ချဲ့များ အောက်မြန်မာပြည်ကို သိမ်းပိုက်စဉ်အတွင်း ကြေးဆင်းတုတော်အား ဒင်္ဂါးသွန်းလုပ်ရာတွင် အသုံးပြုရန်ရည်ရွယ် ကာ အင်္ဂလန်သို့ ပို့ဆောင်ခဲ့ပါသည်။ တစ်ဆင့်စကားများအရ ဗုဒ္ဓရုပ် ပွားတော်မှာ အရည်ပျော်ခြင်းလည်းမရှိ၊ ထု၍လည်း မပျက်စီးဘဲရှိကာ အင်္ဂလိပ်ဘုရင်မမှာ ခေါင်းကိုက်ဝေဒနာကို တာရှည် ခံစားခဲ့ရပြီး အိပ်မက်ဆိုးများ မက်ခဲ့သည်။ ထို့နောက်ဘုရင်မက ဗုဒ္ဓရုပ်ပွားတော်အား မူလနေရာသို့ပြန်လည် ပို့ဆောင်ရန် အမိန့််ပေးခဲ့ပါသည်။ သို့သော် ဗြိတိသျှတို့က မူလပင့်ဆောင်သည့်နေရာကို မမှတ်မိသဖြင့် ဟင်္သာတအနီး သောင်ထွန်းသည့် တစ်နေရာ၌ ဗုဒ္ဓရုပ်ပွားတော်ကိုထားခဲ့ကြပါသည်။ သောင်ပြင်၌တွေ့ရသည့် ရုပ်ပွားတော်ကိုလူ အများက ပေါ်တော်မူဘုရား ဟုခေါ်တွင်စေခဲ့ပါသည်။
ဇလွန်နှင့် ဟင်္သာတ လူထုတို့က သူပိုင်၊ ကိုယ်ပိုင်အား ပြိုင်ခဲ့ ကြရာ နောက်ဆုံးတွင် ဇလွန်မှအောင်ပွဲ ရရှိခဲ့ပါသည်။ ၄င်းအချိန်မှစ၍ ဗုဒ္ဓ ရုပ်ပွား တော်မှာဇလွန်၌ ကိန်းဝပ်စံပယ်တော်မူခဲ့ပါသည်။ ဤကဲ့သို့ ဗုဒ္ဓ ရုပ်ပွားတော်သည် အရပ်ရပ်သို့ ကြွချီတော်မူခဲ့ပြီး မူလနေရာသို့ပြန် လည် ကိန်းဝပ်တော်မူသဖြင့် “မာရ်အောင်မြင်ပြည်တော်ပြန်ဘုရား” ဟုထင်ရှားလာခဲ့ပါသည်။ ဤဘုရားပွဲတော်ကို (မတ်လ) တပေါင်းလ ဆန်း (၉) ရက်မှ တပေါင်းလပြည့်ကျော် (၁) ရက် တွင်ကျင်းပလေ့ရှိပြီး၊ ပွဲတော်ကာလမှာ (၈) ရက်ကြာမြင့်ပါသည်

ဆုတောင်းပြည့် အောင်စကြာ နှီးဘုရား ဗုဒ္ဓရုပ်ရှင်တော်မြတ် (ပုသိမ်)

 နှီးဘုရားဗုဒ္ဓရုပ်ရှင်တော်မြတ်ကြီးအား ရှမ်းပြည်နယ်တောင်ပေါ်ဒေသ မှ ကြွရောက်လာကြသော ပါရမီရှင် မြန်မာမှု ဗိသုကာပညာရှင် လုံးအွန် ဆိုင်(ခ) ဦးဝိမလဗုဒ္ဓိ နှင့် ဆရာတော်ကြီးများ (ခြောက်ပါး) အဖွဲ့မှရက် လုပ် ပူဇော်ပေးခဲ့ခြင်း ဖြစ်သည်။
    ယခုရက်လုပ်သော နှီးဘုရားဗုဒ္ဓရုပ်ရှင်တော်မြတ်မှာ ကမ္ဘာနှင့်မြန်မာ အရပ်ရပ်တွင် (၂၈) ဆူမြောက်ဖြစ်သည်။ မြန်မာပြည် အရပ်ရပ်တွင် (၂၄) ဆူနှင့် တရုတ်ပြည်တွင် လေးဆူ ရက်လုပ်ပူဇော်ခဲ့ပြီး ဖြစ်သည်။ ဧရာဝတီတိုင်းတွင် သုံးဆူ ရက်လုပ်ပူဇော်ခဲ့ပြီး ဖြစ်သည်။
    နှီးဘုရား ဗုဒ္ဓရုပ်ရှင်တော်မြတ်ကို မြန်မာသက္ကရာဇ် ၁၃၆၉-ခုနှစ် သီတင်းကျွတ်လပြည့်ကျော် (၁၃) ရက် ခရစ်သက္က ရာဇ် (၈-၁၁-၂၀၀၇) ခုနှစ် ကြာသပတေးနေ့တွင် စတင်ရက်ခဲ့ပါသည်။ 
မြန်မာသက္ကရာဇ် ၁၃၆၉-ခုနှစ် တန်ဆောင်မုန်းလကွယ် (၁၅)ရက် ခရစ်သက္ကရာဇ် (၉-၁၂-၂၀၀၇) ခုနှစ် တနင်္ဂနွေနေ့ တွင်အောင်မြင်စွာ ရက်လုပ်ပြီးစီးခဲ့ပါသည်။
    မြန်မာသက္ကရာဇ် ၁၃၆၉- ခုနှစ် နတ်တော်လပြည့်နေ့ (၁၅)ရက် ၊ ခရစ်သက္ကရာဇ် (၂၄-၁၂-၂၀၀၇) ခုနှစ် တနင်္လာနေ့ နံနက် (၉) နာရီ တွင် ဌာပနာတိုက်အသီးသီးတို့၌ ဌာပနာထည့်သွင်း ပူဇော်ခဲ့ကြသည်။
    သံဖရိန်စတင်ခြင်းမှ နှီးရက်လုပ်ပြီးစီးသည်အထိ (၄၁) ရက်ကြာ မြင့်ခဲ့ပါသည်။ ဥာဏ်တော်အမြင့်မှာ ပလ္လင်တော်မှ မုနိတော်အထိ- (၁၃ ပေ ၃.၅ လက်မ) အမြင့်ရှိပါသည်။
    နှီးဘုရား ရုပ်ရှင်တော်မြတ်ကို ဧရာဝတီတိုင်းဒေသကြီး ပုသိမ်မြို့ ကမ်းနီကျေးရွာ ပုသိမ်-ချောင်းသာနှင့် ငွေဆောင်လမ်းဆုံ ပုသိမ်ကြိုး တံတားထိပ် လောကနန္ဒာစေတီတော် ရင်ပြင်တော် နေလတန်ဆောင်း တော်ကြီးတွင် ကိန်ဝပ်စံပယ် အပူဇော်ခံလျက်ရှိနေပါသည်။ 

လေးကျွန်းရန်အောင် ဖောင်တော်ဦးစေတီတော် (ပုသိမ်)

  ပုသိမ်မြို့၏ တောင်ဘက်တွင် တည်ရှိသည်။ အလောင်းစည်သူမင်း စတင်တည်ထားခဲ့သော ဖောင်တော်ဦးစေတီတော်ကိုငုံ၍ပုဂံမြို့ဟောင်း ရှိတန်ခိုးကြီးဘုရားများ၏ ပုံသဏ္ဌာန်များကို ကူးယူတည်ဆောက်ပူဇော် ထားသည်။ ဥာဏ်တော်အမြင့်မှာ(၁၆၂)ပေ ဖြစ်သည်။ စေတီတော် အ တွင်းသို့ ဝင်ရောက်ဖူးမြော်လျှင် အတွင်းလိုဏ်ပတ်လမ်း ကိုပတ်၍ ကြည်ညိုပါက ပုဂံခေတ်မှ ရတနာပုံ ခေတ်အထိ ခေတ်လေးခေတ်မှ တင်ပလ္လင်ခွေ ရုပ်ပွားတော်ကြီး လေးဆူကိုလည်း ခေတ်ပြောင်းလဲမှု အလိုက်လေ့လာ ဖူးမြော်ရမည် ဖြစ်သည်။ ထို့နောက် အထက်ပစ္စယံသို့ တက်ရောက်ဖူးမြော်လျှင် ရာဇမုနိ လာဘမုနိ အဘယမုနိ စသည့် ကြေးသွန်းမုနိတော် လေးဆူကိုလည်း ထူးခြားစွာ ဖူးတွေ့နိုင်ပါသည်။
    လေးကျွန်းရန်အောင် ဖေါင်တော်ဦးစေတီတော် ကျောက်စာအရ ခရစ်နှစ် (၁၁၁၅) တွင် ပုဂံပြည့်ရှင်အလောင်း စည်သူမင်းကြီး သီဟိုဠ်နှင့် မဇ္ဈိမဒေသသို့အသွား ခရီးတစ်ထောက်နားခိုက်တွင်တည် ထားခဲ့သည်။ ကိုးတောင်ပြည့် စေတီဖြစ်ပြီး၊ ဖေါင်တော်ဦး ဘွဲ့မည်တွင်သည်။
    ခရစ်နှစ် (၁၄၅၅) တွင် ပုသိမ်မြိူ့စားဗညားအိမ်က မူလစေတီကို ငုံပြီးထပ်မံ တည်ထားသည်။ ရွှေဥသြမည်တွင် သည်။ 
ခရစ်နှစ် (၁၅၂၄) မှ (၁၄၂၅) အတွင်း မွန်မင်းသမီးဝိဟာရဒေဝီက ထပ်မံမွမ်းမံ တည်ထားသည်။ ချမ်းသာကြီးဘွဲ့ မည်တွင်သည်။
    ခရစ်နှစ် (၁၉၃၉) တွင် မဟာဗောဓိဆရာတော် ဥူးနန္ဒိယ ဦးစီးပြီး အလောင်းစည်သူမင်းကြီး၏ ကုသိုလ်တော် မူလစေတီကို လိုဏ်ဂူအ တွင်းထားကာ လုံးဝန်းသောသဏ္ဌန်နှင့် တဝဂူစေတီ တည်ထားသည်။ (၈၄.၅) ပေ မြင့်၍ (၁၉၅၀) ပြည့်နှစ် မတ်လအတွင်း ပြီးစီးသည်။ ပြည်လုံးချမ်းသာဘွဲ့မည်တွင်သည်။စေတီတော်ပရိဝုဏ်ရှိ ဝိဟာရဒေဝီ နှင့်မောင်တော် ဗြဟ္မဒေဝီတို့၏ ရေကန်နှစ်ကန်ကို အစွဲပြုပြီး ရေကြည်ရေနောက် ဘုရားဟုလူသိများခဲ့သည်။ 

ရွှေမုဋ္ဌောမဟာစေတီတော်ကြီး၏ သမိုင်းအကျဉ်းချုပ် (ပုသိမ်)

ရွှေမုဋ္ဌော မဟာစေတီတော်မြတ်ကြီးသည် ဘုရားရှင်ကိုယ်တော် မြတ်ကြီး၏ သရှီရမွေတော် ဓာတ်တော်များနှင့် အထူးထူး အပြားပြား များမြောင်လှသော အဖိုးတန် ရတနာတို့ဖြင့် ဌာပနာ၍ လွန်ခဲ့သော အနှစ် ၂၀၀၀ - ကျော်က စတင်တည်ထား ခဲ့ခြင်းဖြစ် သည်။
    ကောဇာသက္ကရာဇ် ၂၈၉- ခုနှစ် တွင် သီရိဓမ္မာသောကမင်းကြီးက ရွှေအာဏာအမည်တော်ဖြင့် စတင်တည်ထား ကိုးကွယ်တော်မူခဲ့သည်။
    အထက်မြန်မာပြည်ပုဂံမြို့ (ပေါက္ကံရာမပြည့်ရှင်) အလောင်းစည်သူ မင်းသည် ဖြိုကြွင်းသက္ကရာဇ် (၄၅၇) ခုနှစ်၌ ထူပါရုံ ဟူသော ဘွဲ့တော် ချီစေလျက်၊ တိုးမြှင့်တည်ထား ကိုးကွယ်တော်မူပြန်သည်။
    ကောဇာသက္ကရာဇ် ၆၀၀-ပြည့်နှစ်၌၊ ပုသိမ်-၃၂ မြို့ကို အစိုးရသော သမုဒ္ဒဃောသ နှင့် ဥမ္မာဒန္တီတို့က ရွှေမုဋ္ဌော ဟူသော အမည်တော်ဖြင့် တည်ထား ကိုးကွယ်ထားခဲ့ရာ ယနေ့ထိ ထိုအမည်တော်ဖြင့် ထင်ရှားလျက် ရှိပါသည်။
    ဤနောက်တွင် စစ်ကိုင်းဘုရင်မည်သော ဘကြီးတော်ဘုရားသည် လည်းကောင်း မင်းတုန်းမင်း၏ နောင်တော် ပုဂံမင်းသည်လည်းကောင်း ပဉ္စမသင်္ဂါယနာတင် မင်းတုန်းမင်းတရား သည်လည်းကောင်း၊ ထီးတော်လှူခြင်း၊ ရွှေလုံး တော်ပြည့် ကပ်လှူခြင်းနှင့်၊ အခြားပူဇော်သက္ကာ ပြုခြင်းတည်းဟူသော ကောင်းမှုတော်တို့ကို အဆက်ဆက် ပြုတော် မူခဲ့ကြသည့်အပြင် ပုသိမ်မြို့ကို ကွပ်ကဲအုပ်ချုပ်ကြကုန်သော မြို့ဝင်မင်း တို့သည်လည်းကောင်း စေတီတော် ကြီးအား ထိန်းသိမ်းစောင့်ရှောက် ကိုးကွယ်ခဲ့ကြလေသည်။ 
ဒုတိယ အင်္ဂလိပ် - မြန်မာ အရေးတော်ပုံခေတ် ဖြစ်သော ခရစ်သက္ကရာဇ် ၁၈၂၅- ခုနှစ်အတွင်း ဗြိတိသျှတို့ ဤပုသိမ်မြို့ကို သိမ်းပိုက်အုပ်ချုပ်သည့် နောက်ပိုင်း၌ ဗြိတိသျှအစိုးရ ခန့်စစ်ကဲတော် မင်း တို့သည်လည်းကောင်း ဗုဒ္ဓဘာသာဝင် မြို့မိမြို့ဖတို့ သည်လည်း ကောင်း အမျိုးမျိုးသော ပူဇော်သက္ကာ အမှုတို့ဖြင့် အဆက်ဆက် ထိန်း သိမ်း စောင့်ရှောက် ကိုးကွယ်ခဲ့ကြရာ၊ ကောဇာသက္ကရာဇ် ၁၂၅၆ ခုနှစ် တွင်ယနေ့ တည်ရှိတော်မူသည့် အတိုင်းဖြစ်သောမြေမှ ခရားသီး အဆုံးအထိ ၇၇-တောင်၊ ထီးအရပ် ၂၅-တောင်၊ နှစ်ရပ်ပေါင်းသံတောင် ၁၀၂-တောင်၊ လုံးပတ်တော် ၂၀၇-တောင်နှင့် ဖိနပ်တော် ၂၇၂-တောင် အသီးသီးရှိကုန်သော ဥာဏ်တော် လုံးဝန်းပမာဏတော်ကို ဆောင်စေလျက်၊ စိန်ဖူးတော် ရွှေထီးတော် ငွေထီးတော် အပြင်၊ ရတနာ အပေါင်းတို့ဖြင့်စီခြယ် အပ်သော ရွှေသားငှက်မြတ်နားတော် တို့ဖြင့် ခမ်းနား ထယ်ဝါ ကြည်ညိုဖွယ်ရာ တိုးမြှင့်တည်ထား ခဲ့နိုင်ကြလေသည်။  
ထီးတော်ကို အမျိုးမျိုးပြောင်းလဲတပ်ဆင်မှုကြောင့် ယခုအခါ စေတီတော်မြတ်၏ ဥာဏ်တော်မှာ (၄၆.၆) မီတာ (၁၅၂ ပေခန့်) ရှိလာ သော်လည်း မြန်မာ့စေတီတော်မြတ်များ၏ ပုံသဏ္ဍာန်မှာ ရှင်သမုဒ္ဒ ဃောသ ခေတ်မှစ၍ အတူတူပင်ဖြစ်ပါသည်။ ယခုအခါ ထီးတော်၏ အပေါ်ဆုံးအဆင့်ကို ရွှေအလေးချိန် (၆.၃) ကီလိုဂရမ် (၃ပိဿာ ၉၃ ကျပ်သားခန့်) ဖြင့်လည်းကောင်း အလယ်ဆင့်ကို ငွေစင်ဖြင့်လည်း ကောင်း အောက်ဆင့်ကို ရွှေပါးလွှာဖြင့် လည်းကောင်း အုပ်ထားပြီး စိန် (၈၂၉) လုံး၊ ပတ္တမြား (၈၄၃) လုံး နှင့် အဖိုးတန်ကျောက်မျက်ရတနာ (၁၅၈၈) လုံးတို့ဖြင့် တန်ဆာဆင်ထားပါသည်။

ပြည်ရွှေဆံတော်ဘုရား

မြန်မာနိုင်ငံတွင် "ရွှေဆံတော်" ဟု ဘွဲ့ချီလျက် ထင်ရှားသည့် ဘုရားစေတီသုံးဆူ ရှိပါသည်။ ပြည်မြို့တွင် တစ်ဆူ၊ တောင်ငူမြို့တွင် တစ်ဆူ၊ တွံတေးမြို့တွင် တစ်ဆူ ဖြစ်ပါသည်။ မြန်မာနိုင်ငံမြေလတ် ဒေသ ပဲခူးတိုင်း၊ ပြည်မြို့၏ အရှေ့ပိုင်း ဆင်စုရပ်မြောက်ဘက်၌ သုဒဿနမည်သော တောင်ကုန်းငယ်တွင် တည်ရှိသော ရွှေဆံတော်ဘုရားကို မြသိတင် (မြသီးတင်) ဘုရားဟုလည်း ရှေးကခေါ်တွင်ခဲ့သည်။
          ပြည် ရွှေဆံတောင်ရှင်ဘုရားတွင် ကကုသန်ဘုရားရှင်၏ ဒုကုဋ်တော်၊ ကောဏဂုံဘုရားရှင်၏ အံသကိုဋ် သင်္ကန်းတော်၊ ကောဏဂုံဘုရားရှင်၏ ခါးပန်းတော်၊ ဂေါတမဘုရားရှင်၏ အံတော်လေးဆူနှင့် နီသီဒိုင်တို့ကို ဌာပနာထားသည်။
ဂေါတမဘုရားရှင်သည် ရှစ်ဝါမြောက်တွင် မြန်မာပြည်သို့ ဒေသစာရီကြွချီတော်မူရာ ဤအရပ်၌ ပုဂံပြည်ကြီးဖြစ်လတ္တံ့၊ ဤအရပ်၌ သရေခေတ္တရာ (ပျူ) မြို့ (ယခု သရေခေတ္တရာပြည်မြို့) ဖြစ်လတ္တံ့ စသည်ဖြင့် ဗျာဒိတ်ပေးခဲ့ပါသည်။ ယင်းသို့ ကြွချီတော်မူစဉ် ဧရာပထ နဂါးမင်းက လူအပေါင်းတို့ ကိုးကွယ်ရစိမ့်သောငှါ ဆံတော်ဓာတ်ကို ပေးသနားရန် လျှောက်ထားသည်။ ဘုရားရှင်သည် နဂါးမင်းအား မပေးဘဲ သုဝဏ္ဏဘုမ္မိအရပ်သို့ ကုန်သွယ်သွားနေသော အစ္စိက- ဖလ္လိက ကုန်သည် ညီနောင်တို့အား ပေးမည်ဟု မိန့်ကြားကာ လက်ျာလက်တော်ဖြင့် ဦးခေါင်းတော်ကို သုံးသပ်လေသော် ဆံတော်လေးဆူပါလာသည်။ ယင်းဆံတော်တို့ကို နဂါးမင်း ဆက်သည့် မြကြုတ်၌် ထည့်၍ "ကိုးကွယ်ထိုက်သူ ဖူးတွေ့ကာ သာသနာတည်မည့် အရပ်၌ စေတီတည်ထား ကိုးကွယ်စေသတည်း" ဟု မိန်တော်မူလျှင် မြကြုတ်သည် လက်ဝါးတော်မှ ပျံတက်၍ ထန်းခုနှစ်ဆင့်မြင့်သောအရပ်၌် ရောင်ခြည်တော်မြူးကာ ဝါးပဒေသာ၌ ရပ်နားလေသည်။
သုဝဏ္ဏဘုမ္မိမှ ပြန်လာသော အစ္စိက- ဖလ္လိက ညီနောင်လည်း ဧရာဝတီမြစ်ကြောင်းကို ဆန်တက်ကာ ဆံတော်ကြုတ်တည်ရာသို့ ရောက်လျှင် ရွှေရောင်တဝင်းဝင်းနှင့် တွေ့မြင်ရ၍ ကြည့်ကြသည်။ ရတနာမြကြုတ်နှင့်တကွ ဆံတော်လေးဆူကို ဖောင်ပေါ်သို့ ပင်ခဲ့ပြီးနောက် မြင့်မြတ်ရာ ကုန်းမြေကိုရှာသော် ယခုရွှေဆံတော်ဘုရားတည်ရာ သုဒဿနကုန်းကိုတွေ့သဖြင့် ရတနာမြေကြုတ်နှင့် ဆံတော်လေးဆူကို ရွှေအုပ်ခုနှစ်ချပ်ရံကာ ဌာပနာ၍ စေတီတည်သည်။
သာသနာနှစ်- ၁၀၁ ခုနှစ်တွင် ဒွတ္တပေါင်မင်းကြီး နန်းတက်သော် သုဒဿနကုန်း၌ ဘုရားရှင်၏ ဆံတော်လေးဆူ ဌပနာ၍ စေတီတည်ထားကြောင်း ကြားသိတော်မူ၍ သုဒဿနကုန်းကို ရှာဖွေစေသည်။ ချုံနွယ်ပိတ်ပေါင်းတို့ဖြင့် ဖုံးအုပ်နေသော စေတီတော်ကို ဖူးတွေ့ရသော် အတောင် ၈၀ ရှိသော ဓာတ်တော်တိုက် တံခါးနံရံကို ဖွင့်တော်မူ၍ ဆက်လက်တူးဖော်သော် ရှေးဘုရားသုံးဆူ၏ ပရိဘောဂထည့်ရာ ရွှေကျောင်းဆောင် သုံးခုနှင့် ဂေါတမဘုရား၏ ဆံတော်လေးဆူ ဖူးတွေ့ရပြီးနောက် စေတီကို ထပ်မံပြုပြင် တည်ထားသည်။
သက္ကရာဇာ် ၄၅၀ ပြည့်တွင် ပုဂံပြည် အလောင်းစည်သူမင်းသည် စေတီတော်ကို ထပ်မံပြုပြင် တည်ဆောက်တော်မူသည်။ ထို့နောက် "ပြည်မင်း မျက်နှာရှည်" လက်ထက် စေတီတော်ကို သံတောင် ၂၈ တောင်၊ နှစ်မိုက်အထိ ထပ်ပွားတည်ကာ ရွှေထီးကိုးဆင့် တည်ဆောက်တော်မူသည်။ ထို့နောက် "သားတော် မျက်နှာပု" မင်းလက် စေတီတော်၏ အနောက်မြောက်ထောင့်တွင် ချောက်ကြီးရှိသဖြင့် ကုန်းတော်ကို ချဲ့ထွင်ခဲ့ပါသည်။
စေတီတော်ကို အမြင့်သံတောင် ၅၈ တောင် စေတီရံသုံးဆင့်နှင့် စည်းခုံစေတီကြီးတည်တော်မူသည်။ ရွှေထီးကိုးဆင့် မြသီးရောင်ဆံတော်ဖူးတင်တော်မူ၍ "မြသီးတင်ဘုရား" ဟု သမုတ်တော်မူသည်။
ဤသို့အားဖြင့် ရွှေဆံတော်ဘုရားကို ဘုရင်အဆက်ဆက်နှင့် မြို့စားအဆက်ဆက် ပြုပြင်ထပ်ပွား တည်ထားခဲ့ရာ ယခုအခြေသို့ ဆိုက်ရောက်ခဲ့သည်။
ထို့ကြောင့် စာဆိုကျော် နဝဒေကြီးက "တောင်ထက် တောင်မြတ်၊ တောင်ကျော်ထွဋ်၌၊ လူနတ်များရှင်၊ မြသီးတင်နှင့်၊ ရှေ့ယွန်းနားဝယ်၊ တရားဘုန်းခေါင်၊ ဒွတ္တပေါင်ဟု၊ ပြည်ထောင်များရှင်၊ တည်ထားခဲ့ မှတ်သည်။ ရွှေထီးရွှေတိုင်၊ ရွှေစိုင်တခဲ၊ ရဲရဲထွန်းပြောင်၊ ကိုယ်တော်ရောင်ဖြင့်၊ ကျွန်းလုံးကျော်သည်၊ မည်တော်ဆုတောင်း ပြည့်တကား" ဟု စပ်ဆိုခဲ့ခြင်းဖြစ်သည်။
ပြည်ရွှေဆံတော်ဘုရားတွင် နှစ်စဉ် တန်ဆောင်မုန်းလဆန်း (၈) ရက်မှ တန်ဆောင်မုန်းလပြည့်နေ့အထိ ဘရားပွဲ ကျင်းပကြသည်။ မြန်မာပြည်မြေလတ်ဒေသ ဖြစ်သဖြင့် အထက်မြန်မာပြည် အောက်မြန်မာပြည် အနယ်နယ် အရပ်ရပ်မှ ဘုရားဖူးများနှင့် နေ့စဉ်စည်ကားသော တန်ခိုးကြီးဘုရားတစ်ဆူ ဖြစ်သည်။

အနောမဒဿီဗုဒ္ဓ၀င်

သောဘိတဘုရားရှင်ပွင့်တော်မူရာ ကပ်ကမ္ဘာကုန်ဆုံးပြီးသည်နောက် မရေမတွက်နိုင်လောက်အောင် များပြားသောဘုရားမပွင့်သည့် သုညကမ္ဘာ တစ်သင်္ချေကို လွန်ပြီးမှ တစ်ခုသော ၀ရကမ္ဘာတွင် ဘုရားသုံးဆူပွင့်တော်မူ ခဲ့သည်။ ထိုဝရကမ္ဘာသည် ဤဘဒ္ဒကမ္ဘာမှပြန်၍ ရေတွက်သည်ရှိသော် တစ်သင်္ချေနှင့် ကမ္ဘာတစ်သိန်းအထက်ဖြစ်သည်။ ထိုဝရကမ္ဘာ၌ အနောမဒဿီ မြတ်စွာဘုရား၊ ပဒုမမြတ်စွာဘုရားနှင့် နာရဒမြတ်စွာဘုရားတို့ ပွင့်တော်မူခဲ့ကြရာ ရှေးဦးစွာ ပွင့်တော်မူသော ဘုရားရှင်မှာ အနောမဒဿီ ဘုရားရှင်ဖြစ်ခဲ့သည်။
 
အနောမဒဿီဘုရားအလောင်းတော် ဖွားမြင်တော်မူခြင်း
အနောမဒဿီဘုရားအလောင်းတော်သည် ပါရမီတော်တို့ကို ဖြည့်ကျင့်တော်မူပြီးသည်၏အဆုံး၌ အလောင်းတော်တို့၏ဓမ္မတာအရ တုသိတာနတ်ပြည်၌ စံနေတော်မူခဲ့သည်။ ထိုသို့ စံနေတော်မူစဉ် နတ်ဗြဟ္မာတို့က အလောင်းတော်နတ်သားအား လောကတွင် ဘုရားဖြစ်တော်မူရန် အချိန်တန်ပြီဖြစ်၍ လူ့ပြည်သို့ ဆင်းရန် တောင်းပန်ခဲ့ကြသည်။ အလောင်းတော်သည် နတ်ဗြဟ္မာ တို့၏ တောင်းပန်ချက်အရ တုသိတာနတ်ပြည်မှ စုတေ၍ လူ့ပြည် စန္ဒ၀တီနေပြည်တော် ယသ၀ါ မည်သော မင်းကြီး၏ တောင်ညာစံဒေ၀ီ အဂ္ဂမဟေသီ ယသောဓရာ မိဖုရားကြီး၏ ၀မ်းကြာတိုက်၌ ပဋိသန္ဓေ စွဲနေစံပျော် ကိန်းအောင်းတော် မူခဲ့သည်။ ဆယ်လလွန်မြောက် အချိန်ရောက်သောအခါ မယ်တော်မိဖုရာကြီးသည် အလောင်းတော်မင်းသားကို သုစန္ဒန ဥယျာဉ်တော်၌ ဖွားမြင် တော်မူခဲ့ သည်။ အလောင်းတော်မင်းသားပဋိသန္ဓေ နေသော နေ့၌ ကောင်းကင်မှ ရတနာခုနစ်ပါးတို့ တဖွားဖွား ကျရောက်လာခဲ့၍ အနောမမည်သော ရတနာတို့ဖြစ်ကြောင်းကို အစွဲပြုကာ အနောမဒဿီ မင်းသားဟု မှည့်ခေါ်ခဲ့ကြသည်။ အလောင်း တော်မင်းသား ပဋိသန္ဓေနေတော်မူသော အခါ၊ ဖွားမြင်တော်မူသောအခါတို့၌ နိမိတ် ကြီးများ ထင်ခဲ့သည့်အပြင် အလောင်းတော်တို့၌ဖြစ်ပေါ်လေ့ ရှိသည့် ဓမ္မတာအတိုင်း အထူးအံ့သြ ဖွယ်ရာ များဖြစ်ပေါ်ခဲ့သည်။
 
ထီးနန်းစိုးစံတော်မူခြင်း
အလောင်းတော် အနောမဒဿီမင်းသားသည် တရွေ့ရွေ့ ကြီးမြောက် အရွယ်တော်ရောက်သောအခါ သီရိမာဒေ၀ီမင်းသမီးနှင့် ရွှေလက်ထပ်၍ နန်းရပ်ထီးဖြူ စိုးစံတော်မူခဲ့သည်။ တင့်တယ်လှပသော သိရီရွှေနန်းဆောင်၊ ဥပသိရီရွှေနန်းဆောင်၊ ၀ဍ္ဎုရွှေနန်းဆောင်ဟူသော နန်းပြာသာဒ်သုံးဆောင် တို့၌ သီရိမာမိဖုရားအမှူးပြုသော ရံရွေတော်နှစ်သောင်းသုံးထောင်တို့၏ ဖျော်ဖြေလုပ်ကျွေးခြင်းကို ခံယူလျက် နှစ်ပေါင်းတစ်သောင်းတို့ပတ်လုံး နတ်စည်းစိမ်နှင့်တူသော စည်းစိမ်ချမ်းသာကို ခံစား တော်မူကာ ထီးနန်းစိုးအုပ် မင်းလုပ်ခဲ့သည်။ အလောင်းတော်၏ သားတော်မှာဥပ၀ါဏမင်းသား ဖြစ်ခဲ့၏။
 
တောထွက်တော်မူခြင်း
အလောင်းတော်သည် ထိုသို့ထီးနန်းစည်းစိမ်ကို ခံစားနေတော်မူစဉ်၊ သီရိမာမိဖုရားကြီးမှ ဥပ၀ါဏ သားတော်ကိုဖွားမြင်တော်မူသောအခါ နတ်တို့ ဖန်ဆင်းပြသခဲ့သည့် သူအိုç သူနာç သူသေç ရဟန်း ဟူသော နိမိတ်ကြီးလေးပါးတို့ကို မြင်တော်မူခဲ့ပြီးဖြစ်၍ သံဝေဂဥာဏ် ကြီးစွာဖြစ်လျက် ရွှေထမ်း စင်စီးကာ တောထွက်၍ ရဟန်းပြုတော်မူခဲ့၏။ အလောင်းတော် မင်းသား ရဟန်းပြုလေ လျှင် အလောင်းတော်မင်းသားကို အတုလိုက်၍ သုံးကုဋေရှိသော ယောက်ျားတို့သည် လိုက်ပါ ရဟန်း ပြုခဲ့ကြကုန်၏။ ထိုရဟန်းတို့ ခြံရံလျက် အလောင်းတော်သည် ဆယ်လတိုင်တိုင် ဒုက္ကရစရိယာ အကျင့်ကို ကျင့်တော်မူခဲ့သည်။ ဒုက္ကရစရိယာ ဆယ်လကြာအောင် ကျင့်တော်မူပြီးနောက် ဘုရား ဖြစ်မည့် ကဆုန်လပြည့်နေ့ဝယ် အနုပမ ပုဏ္ဏားရွာသို့ ဆွမ်းခံဝင်ခဲ့သည်။ အနူပမာ အမည်ရှိသော ပုဏ္ဏားသူဌေးသမီး လှူဒါန်းအပ်သည့် ဃနာနို့ဆွမ်းကို ဘုဉ်းပေးတော်မူလျက် ထိုအရပ်ရှိ အင်ကြင်း တော အတွင်း၌ နေခိုခဲ့သည်။
 
ဘုရားဖြစ်တော်မူခြင်း
အင်ကြင်းတော၌ နေခိုတော်မူပြီးနောက် ညနေချမ်းအချိန်သို့ ရောက်သောအခါ အခြံအရံ ရဟန်းတို့ကို စွန့်ခွါ၍မဟာဗောဓိပင်ရှိရာသို့ တစ်ပါးတည်း <ကတော်မူရာ လမ်းခရီးအကြား၌ အနောမတက္ကတွန်း လှူဒါန်း သောမြက်ရှစ်ဆုပ်ကို အလှူခံတော်မူခဲ့၏။ ထောက်ကြံ့ဗောဓိပင်သို့ ရောက် လေလျှင် အလှူခံခဲ့သော မြက်ရှစ်ဆုပ်ကိုထောက်ကြံ့ဗောဓိပင်ရင်း၌ ဖြန့်ခင်းလိုက်သည်နှင့် တစ်ပြိုင်နက် သုံးဆယ့်ရှစ်တောင်ပမာဏရှိသော အပရာဇိတပလ’င်တော် ပေါ်ပေါက်လာခဲ့သည်။ ထိုအပရာဇိ တပလ’င်ထက်တွင် ထက်ဝယ်ဖွဲ့ခွေ ထိုင်နေတော်မူလျက် အင်္ဂါလေးပါးရှိသော ၀ီရိယကို ဆောက် တည်တော်မူခဲ့၏။ ထိုနေ့နေမ၀င်မီ မာရ်စစ်သည်ဗိုလ်ပါတို့ကို အောင်မြင် တော်မူကာ ညဥ့်ဦးယံ၌ ပုဗ္ဗေနိဝါသဥာဏ်၊ သန်းခေါင်ယံ၌ ဒိဗ္ဗစက္ခု
ဥာဏ်၊ မိုးသောက်ယံ နေအရုဏ် တက်သည်နှင့် တစ်ပြိုင် နက်
အာသ၀က္ခယ
ဥာဏ်တော်ကို ရတော်မူကာ လောကသုံးပါး၌ ဘုရားဖြစ် တော်မူခဲ့သည်။
 
ဓမ္မစကြာတရားဦး ဟောတော်မူခြင်း
အနောမဒဿီဘုရားရှင်သည် ဘုရားဖြစ်တော်မူပြီးနောက် သတ္တသတ္တာဟ- လေးဆယ့်ကိုးရက် မဟာဗောဓိပင်အနီးမှာပင် အရဟတ္တဖိုလ် ချမ်းသာဖြင့် စံနေတော်မူခဲ့၏။ အဋ္ဌမသတ္တာဟသို့ ရောက်သောအခါ ဗြဟ္မာမင်း၏ တောင်းပန်မှုကို လက်ခံတော်မူ၍ တရားဟောရန် သတ္တလော ကကို ဗုဒ္ဓစက္ခုဖြင့် ကြည့်ရှုတော်မူသော် ကိုယ်တော်မြတ်တောထွက်စဉ်က လိုက်ပါ ရဟန်းပြုခဲ့ကြသော သုံးကုဋေသော ရဟန်းတို့ကို မြင်တော်မူခဲ့၏။ ဘုရားရှင်သည် ထိုရဟန်းတော်များနေထိုင်ရာ သုဒဿနဥယျာဉ်ကြီးသို့ ကောင်းကင်ခရီးဖြင့် တစ်ခဏချင်း ကြွရာက်တော်မူခဲ့သည်။ သုဒဿန ဥယျာဉ်ကြီးသို့ ရောက်လေလျှင် ထိုရဟန်းတော် သုံးကုဋေနှင့်အတူ နတ်လူ ပရိသတ်တို့၏ အလယ်၌ ဓမ္မစက္ကပ ၀တ္တနသုတ် ဒေသနာတော်ကို  ဟောတော်မူခဲ့၏။ ဒေသနာတော်ဆုံးသောအခါ ကုဋေတစ်ရာ သော သတ္တ၀ါတို့သစ္စာ လေးပါးတရားသိမြင် ကျွတ်တမ်းဝင်ခဲ့ကြကုန်၏။
 
ဂေါတမဘုရားအလောင်းတော် ဗျာဒိတ်ခံခြင်း
အနောမဒဿီဘုရားရှင်၏ လက်ထက်တော်၌ ဂေါတမဘုရားအလောင်း တော်သည် တန်ခိုးအာနု ဘော်ကြီးမားလှသည့်ကုဋေပေါင်းများစွာသော ဘီလူးတို့ကို အစိုးရသော ဘီလူးစစ်သူကြီး ဖြစ်ခဲ့သည်။ ဘီလူးစစ်သူကြီးသည် လောက၌အနောမဒဿီဘုရား ပွင့်တော်မူကြောင်း ကြားသိလေ လျှင် အလွန်တင့်တယ် ရှုချင်ဖွယ်ရာ ရတနာခုနစ်ပါးဖြင့် ပြီးသောမဏ္ဍပ်ကြီးကို ဖန်ဆင်း၍ ဘုရား အမှူးရှိသော သံဃာတော်တို့အား ခုနစ်ရက်ပတ်လုံး ဆွမ်းအဖျော်စသည်တို့ဖြင့် လှူဒါန်း ပူဇော်ခဲ့သည်။ ထိုအခါ အနောမဒဿီ ဘုရားရှင်သည် အလောင်းတော် ဘီလူးစစ်သူကြီးအား ဤကမ္ဘာမှနောက် တစ်သင်္ချေနှင့် ကမ္ဘာတစ်သိန်းလွန်သောအခါ ဘဒ္ဒကမ္ဘာ၌ ဂေါတမဘုရား ဖြစ်လတံ့ဟု ဗျာဒိတ်စကား မွက်ကြားတော်မူခဲ့သည်။ ဘုရားရှင်၏ ဗျာဒိတ်စကား ကြားရလေလျှင် ၀မ်းသာပီတိဖြစ်ခဲ့ပြီး ဘုရားဖြစ်ဖို့ရန်ပါရမီတော်တို့ကို တိုးတက်ဖြည့်ကျင့်တော်မူခဲ့သည်။
 
အနောမဒဿီဘုရားရှင်၏ တပည့်သာဝကများ
အနောမဒဿီဘုရားရှင်၏ (အဂ္ဂသာဝက) မြတ်သော တပည့်အစုံ တို့ကား အရှင်နိသဘမထေရ်နှင့် အရှင်အနောမçမထေရ်တို့ဖြစ်ခဲ့ကြပြီး အလုပ်အကျွေး ရဟန်းကား အရှင်ဝရုဏမထေရ် ဖြစ်လေ သည်။ (အဂ္ဂသာဝိကာ) မြတ်သောတပည့်မအစုံတို့သည် အရှင်မသုန္ဒရီထေရီနှင့် အရှင်မ သုမနာ ထေရီတို့ဖြစ်ခဲ့ကုန်၍ ပွင့်တော်မူရာ ဗောဓိပင်ကားထောက်ကြံ့ဗောဓိပင်ဖြစ်ခဲ့သည်။ (အဂ္ဂဥပဋ္ဌာက) မြတ်သော အလုပ်အကျွေး ဒါယကာအစုံတို့မှာ နန္ဒိဝဍ္ဎုသူဌေးနှင့်သီရိဝဍ္ဎသူဌေး တို့ဖြစ်ခဲ့ကြကုန်ပြီး (အဂ္ဂဥပဋ္ဌိကာ) မြတ်သော အလုပ်အကျွေး ဒါယိကာမအစုံတို့သည် ဥပ္ပလာဥပါသိကာမ နှင့် ပဒုမာ ဥပါသိကာမတို့ ဖြစ်ခဲ့ကြကုန်သည်။ ဘုရားရှင်၏ အရပ်တော်မှာ ငါးဆယ့်ရှစ်တောင်မြင့်လျက်ဘုရားရှင်သက်တမ်းမှာ တစ်သိန်းတမ်းဖြစ်ခဲ့သည်။ ထိုမျှလောက်သော ကာလပတ်လုံး သတ္တ၀ါတို့အား သံသရာရေအလျဉ်မှ ကယ်တင်တော်မူခဲ့သည်။
 
(ဓမ္မာဘိသမယ) တရားပွဲကြီးများ
အနောမဒဿီဘုရားရှင်၏ သုဘ၀တီမြို့အနီး သုဒဿနဥယျာဉ်တော်ကြီး၌ သုံးကုဋေသော ရဟန်း တော်တို့နှင့်နတ်လူတို့အား ဓမ္မစကြာ တရားဟောသော တရားပွဲသည် ရှေးဦးစွာ (ဓမ္မာဘိသမယ) တရားပွဲကြီး ဖြစ်ခဲ့၏။ထိုတရားပွဲ၌ ကုဋေတစ်ရာသော သတ္တ၀ါတို့ သစ္စာလေးပါးသိမြင် ကျွတ်တမ်းဝင်ခဲ့ကြသည်။ တစ်ဖန် အခါတစ်ပါး၌ သြသဓိမြို့အနီး ပိတောက်ပင်ကြီးအရင်း၌ ရေမီး အစုံ အစုံ တန်ခိုးပြာဋိဟာကို ပြတော်မူပြီးနောက် တာဝတိံသာနတ်ပြည် သို့<ကကာ ပင်လယ် ကသစ်ပင်ရင်း ပဏ္ဍုကမ္ဗလာ မြကျောက်ဖျာ၌ ၀ါတွင်းသုံးလ ပတ်လုံး အဘိဓမ္မာဒေသနာ ဟောကြား တော်မူသော တရားပွဲသည် ဒုတိယ အကြိမ်မြောက်(ဓမ္မာဘိသမယ) တရားပွဲကြီး ဖြစ်ခဲ့သည်။ ထိုတရားပွဲ၌ ကုဋေရှစ်ဆယ်သော နတ်ဗြဟ္မာတို့ သစ္စာလေးပါးတရားသိမြင် ကျွတ်တမ်း ၀င် ခဲ့ကြ သည်။ ထိုနောက် အခါတစ်ပါး၌ မင်္ဂလာပုစ္ဆာပြဿနာကို ခွဲခြမ်းစိတ်ဖြာ၍ ဟောကြား ဖြေဆိုတော်မူ သော တရားပွဲသည် တတိယအကြိမ်မြောက် (ဓမ္မာဘိသမယ) တရားပွဲကြီးဖြစ်ခဲ့သည်။ ထိုတရားပွဲကြီး၌ ခုနစ်ဆယ့်ရှစ် ကုဋေသော သတ္တ၀ါတို့သစ္စာလေးပါး တရားသိမြင်ကျွတ်တမ်း ၀င်ခဲ့ကြသည်။
 
သာဝက (သန္နိပါတ) အစည်းအဝေးကြီးများ
အနောမဒဿီဘုရားရှင် လက်ထက်တော်တွင် သာဝက အစည်းအဝေး ကြီး သုံးကြိမ်ဖြစ်ခဲ့သည်။ ထိုသုံးကြိမ်တို့တွင် အနောမဒဿီဘုရားရှင်သည် သောရေယျမြို့၌ ဣသိဒတ္တမင်းအား တရားဟော သည်ရှိသော် မင်းနှင့်တကွသောသူတို့သည် သဒ္ဓါတရားကြီးစွာ ဖြစ်ကြကုန်လျက် ဧဟိဘိက္ခုရဟန်း အဖြစ်ဖြင့် ရဟန်းပြုခဲ့ကြသည့် ရဟန္တာရှစ်သိန်းတို့၏အလယ်၌ သြ၀ါဒ ပါတိမောက်ကို ပြတော် မူခဲ့သည်။ ထိုအစည်းအဝေးသည် ရှေးဦးစွာသော သာဝက(သန္နိပါတ) အစည်းအဝေးကြီး ဖြစ်ခဲ့သည်။ တစ်ဖန် အနောမဒဿီဘုရားရှင်သည် ရာဓ၀တီမြို့၌ သုန္ဒရိန္ဓရ မည်သောမင်းအား တရားဟောသည်ရှိသော် မင်းနှင့်တကွသော သူတို့သည် သဒ္ဓါတရားကြီးစွာဖြစ်၍ ဧဟိဘိက္ခုရဟန်းအဖြစ်ဖြင့် ရဟန်းပြုခဲ့ကြသော ရဟန္တာခုနစ်သိန်းတို့၏ အလယ်၌ သြ၀ါဒပါတိမောက် ကို ပြတော်မူခဲ့ပြန်၏။ ထိုအစည်းအဝေးသည် ဒုတိယအကြိမ်မြောက် သာဝက (သန္နိပါတ) အစည်း အဝေး ကြီးဖြစ်ခဲ့သည်။ တစ်ဖန် အခါတစ်ပါးဝယ် သောရေယျမြို့၌ပင် သောရေယျမင်း နှင့်တကွ ဧဟိဘိက္ခုရဟန်းအဖြစ်ဖြင့် ရဟန်းပြုခဲ့ကြသော ရဟန္တာခြောက်သိန်းတို့၏ အလယ်၌ သြ၀ါဒ ပါတိမောက်ကို ပြတော်မူခဲ့ပြန်၏။ ထိုအစည်းအဝေးသည် တတိယအကြိမ်မြောက် သာဝက (သန္နိပါတ) အစည်းအဝေးကြီး ဖြစ်ခဲ့သည်။
 
ပရိနိဗ္ဗာန်ဝင်စံတော်မူခြင်း
တာဒိဂုဏ်နှင့် ပြည့်စုံသော ရဟန္တာတို့ကြောင့် အနောမဒဿီဘုရားရှင် ၏သာသနာတော် သည် ကောင်းစွာပွင့်လင်းခဲ့၏။ သာသနာတော်သည် ရဟန္တာတို့ဖြင့် တင့်တယ်ခဲ့၏။ အနောမဒဿီ ဘုရားရှင်သည် အနှစ်တစ်သိန်း သက်တမ်းအတိုင်း သတ္တ၀ါအပေါင်းကို ကယ်တင်တော်မူ၍ ပရိနိဗ္ဗာန် စံဝင်တော်မူခဲ့သည်။ မနှိုင်းယှဉ်အပ်သော အခြံအရံအကျော်အစော ရှိတော်မူသော ဘုရားရှင်သည်လည်းကောင်း၊ တပည့်သာဝကတို့သည်လည်းကောင်း ကွယ်ပျောက်ခဲ့လေပြီ။ သင်္ခါရ တရားတို့သည် ခိုင်မြဲသော အနှစ်သာရမရှိကုန်။ အချည်းအနှီးတို့သာ ဖြစ်ကြ လေကုန်စွ
 
စေတီတည်ထား ကိုးကွယ်တော်မူခြင်း
မာရ်ငါးပါးကို အောင်မြင်တော်မူသော အနောမဒဿီဘုရားရှင်သည် ဓမ္မာရာမကျောင်းတိုက်၌ ပရိနိဗ္ဗာန်ပြုတော်မူခဲ့၏။ ထိုကျောင်းတိုက်အတွင်း၌ပင် စေတီတော်ကို တည်ထား ကိုးကွယ် တော်မူခဲ့ကြရာ စေတီတော်သည် နှစ်ဆယ့်ငါးယူဇနာ မြင့်တော်မူခဲ့၏။ သက်တော်ရှည်ကြာသော ဘုရားရှင်တို့၏ ဓမ္မတာအရ အစိတ်စိတ်မကွဲ တစ်လုံးတစ်ခဲတည်းသော အသမ္ဘိန္န ဓါတ်တော်ကို ထိုစေတီတော်အတွင်း၌ ဌာပနာသွင်းခဲ့ကြကုန်၏။ ဇမ္ဗူဒိပ်ကျွန်းနေ လူအပေါင်းတို့သည် ရတနာ ခုနစ်ပါးဖြင့် မွမ်းမံခြယ်လှယ်ကာ စေတီတော်ကို ပြီးဆုံးစေ ခဲ့ကြကုန် သတည်း။

သောဘိတဗုဒ္ဓ၀င်

ဘုရားရှင်လေးဆူပွင့်သော သာရမဏ္ဍကမ္ဘာတွင် တတိယမြောက် ပွင့်တော်မူသည့် ရေ၀တဘုရားရှင် ပရိနိဗ္ဗာန်စံလွန်တော်မူပြီးနောက် ဆုတ်ကပ် လူတို့၏အသက်ကိုးသောင်းတမ်းသို့ ရောက်သောအခါ သောဘိတ ဘုရားရှင်ပွင့်တော်မူခဲ့သည်။

သောဘိတဘုရားအလောင်းတော် ဖွားမြင်တော်မူခြင်း
သောဘိတဘုရားအလောင်းတော်သည် ပါရမီတော်တို့ကို ဖြည့်ကျင့်တော် မူပြီးသည့်အဆုံး၌ အလောင်းတော်တို့၏ဓမ္မတာအရ တုသိတာနတ်ပြည်၌ စံနေတော်မူခဲ့သည်။ နတ်ဗြဟ္မာတို့က အလောင်းတော်နတ်သားအား လောကတွင်ဘုရားဖြစ်တော်မူရန် အချိန်တန်ပြီဖြစ်၍ လူ့ပြည်သို့ ဆင်းရန် တောင်းပန်ခဲ့ကြသည်။ အလောင်းတော်သည် နတ်ဗြဟ္မာတို့၏ တောင်းပန် ချက်အရ တုသိတာနတ်ပြည်မှ စုတေ၍ လူ့ပြည် သုဓမ္မနေပြည်တော် သုဓမ္မမင်းကြီး၏ အဂ္ဂမဟေသီသုဓမ္မာအမည်ရှိသော မိဖုရားကြီး၏ သန့်ရှင်းသိုက်မြိုက် ၀မ်းကြာတိုက်၌ ပဋိသန္ဓေ စွဲနေစံပျော် ကိန်းအောင်း တော်မူခဲ့သည်။ ဆယ်လလွန်မြောက် အချိန်ရောက်သောအခါ သုဓမ္မဥယျာဉ်၌ မိုးတိမ်တိုက်မှ လပြည့်ဝန်းကြီး ထွက်ပေါ်လာ
သကဲ့သို့ မယ်တော်၏ ၀မ်းကြာတိုက်မှ ထွက်<က ဖွားမြင်တော်မူခဲ့သည်။ အလောင်းတော်မင်းသား ပဋိသန္ဓေ နေတော်မူသောအခါ ဖွားမြင် တော်မူသောအခါတို့၌ နိမိတ်ကြီးများ ထင်ခဲ့သည့်အပြင် အလောင်းတော်ဟူသမျှတို့၌ ဖြစ်ပေါ်လေ့ရှိသည့် ဓမ္မတာ အတိုင်း အထူးအံ့သြဖွယ်ရာများ ဖြစ်ပေါ်ခဲ့သည်။

ထီးနန်းစိုးစံတော်မူခြင်း
အလောင်းတော် သောဘိတမင်းသားသည် တရွေ့ရွေ့ကြီးမြောက် အရွယ်တော်ရောက်သောအခါ မဏိလာဒေ၀ီမင်းသမီးနှင့် ရွှေလက်ထပ်၍ နန်းရပ်ထီးဖြူ စိုးစံတော်မူခဲ့သည်။ တင့်တယ်လှပသော ကုမုဒရွှေနန်းဆောင်၊နာဠိနရွှေနန်းဆောင်၊ ပဒုမရွှေနန်းဆောင်ဟူသော နန်းပြာသာဒ်သုံးဆောင် တို့၌ မဏိလာဒေ၀ီမိဖုရားအမှူးရှိသောရံရွေတော် သုံးသောင်းခုနစ်ထောင်တို့၏ ဖျော်ဖြေ လုပ်ကျွေးခြင်းကို ခံယူလျက် နှစ်ပေါင်းကိုး ထောင်တို့ပတ်လုံးနတ်စည်းစိမ်နှင့်တူသော စည်းစိမ် ချမ်းသာကို ခံစားတော်မူကာ ထီးနန်း စိုးအုပ်မင်းလုပ်ခဲ့သည်။ အလောင်းတော်၏သားတော် မှာ သီဟမင်းသား ဖြစ်ခဲ့သည်။

တောထွက်တော်မူခြင်း
အလောင်းတော်သည် ထိုသို့ ထီးနန်းစည်းစိမ်ကို ခံစားနေတော်မူစဉ် မဏိလာဒေ၀ီမိဖုရားကြီးမှ သီဟမင်းသားကိုဖွားမြင်တော်မူသောအခါ နတ်တို့ဖန်ဆင်းပြသခဲ့သည့် သူအိုç သူနာç သူသေç ရဟန်း ဟူသော နိမိတ်ကြီး လေးပါးတို့ကို မြင်တော်မူခဲ့ပြီးဖြစ်၍ သံဝေဂဥာဏ် ကြီးစွာဖြစ်လျက် နန်းတော်မှာပင် ရဟန်းပြုတော်မူခဲ့သည်။ အာနာပါနဘာဝနာကို ပွားများ၍ စတုတ္ထဈာန်တိုင်အောင် ရရောက်တော်မူသောအခါ နန်းတော်မှာပင် ခုနစ်ရက်ပတ်လုံးဒုက္ကရစရိယာအကျင့်ကို ကျင့်တော် မူခဲ့သည်။ အလောင်းတော် သည် ဘုရားဖြစ်မည့်ကဆုန်လပြည့်နေ့၌ မဏိလာဒေ၀ီမိဖုရားကြီး လှူဒါန်းအပ်သော နို့ဃနာဆွမ်းကို ဘုဉ်းပေးတော်မူပြီးနောက် ]ငါနေသော ပြာသာဒ်သည်တန်ဆာဆင်မြဲအတိုင်း လူအများ ကြည့်ရှုနေစဉ် ကောင်းကင်သို့ ပျံတက်၍ ဗောဓိပင်ကို ဗဟိုထားပြီး မြေအပြင်သို့သက်ပါစေသတည်း။ နန်းတွင်းသူ မင်းç မိန်းမတို့ သည်လည်း ငါအလောင်းတော် ဗောဓိပင်အနီး၌ နေသည်ရှိသော်တစ်စုံတစ်ရာ မပြောဆိုရဘဲ ပြာသာဒ်မှ ထွက်ခွါသွားကြစေကုန် သတည်း}}ဟု တောထွက်ဖို့ရန် စိတ်သန် အဓိဋ္ဌာန်ပြုတော်မူခဲ့သည်။ လောင်းတော်သည် အဓိဋ္ဌာန်ပြုသည်နှင့် တစ်ပြိုင်နက် အလောင်း တော်စံရာ နန်းပြာသာဒ် သည်ကောင်းကင်သို့ ပျံတက်ခဲ့သည်။ နန်းပြာသာဒ်သည် ကောင်းကင်အလယ်၌ အလွန် ထွန်းလင်းတောက်ပခဲ့၏။ လှပတင့်တယ် ရှုချင်စဖွယ်ဖြစ်ခဲ့၏။ မြင်ရသူလူအပေါင်းတို့သည် ရင်သပ်ရှုမော အံ့သြချီး ကျူးခဲ့ကြကုန်၏။ အလောင်းတော်၏ အင်္ဂါလေးပါးရှိသော စစ်တပ်ကြီးသည်လည်း နတ်စစ် တပ်ကြီးပမာ ရှုမငြီးဖွယ် ဖြစ်လျက် မြေအပြင်မှာကဲ့သို့ပင် ကောင်းကင်အပြင်မှာလည်း ပြာသာဒ် တော်ကို ၀န်းရံလိုက်ပါလာခဲ့သည်။ ပြာသာဒ်ကြီးသည် ကောင်းကင်ခရီးဖြင့် သွား၍ ရှစ်ဆယ့် ရှစ်တောင်အမြင့်ရှိသော မဟာဗောဓိ ကံ့ကော်ပင်ကို အလယ်ဗဟိုပြုကာ မြေသို့ သက်၍တည်ခဲ့ လေသည်။ မောင်းမအပေါင်းတို့ သည်လည်း အလောင်းတော်က တစ်စုံတစ်ရာမပြောဆိုရဘဲ ပြာသာဒ် တော်မှသက်ဆင်း၍ ထွက်ခွါသွားခဲ့ကြကုန်၏။ အထက်ပါအတိုင်းပင် အလောင်းတော်သည် ပြာသာဒ်ယာဉ်ဖြင့် တောထွက်တော်မူခဲ့သည်။

ဘုရားဖြစ်တော်မူခြင်း
သောဘိတဘုရားအလောင်းတော်သည် များစွာသော လူအပေါင်းခြံရံလျက်ပင် ညဥ့်ဦးယံ၌ ပုဗ္ဗေနိဝါသဥာဏ်၊သန်းခေါင်ယံ၌ ဒိဗ္ဗစက္ခုဥာဏ်၊ မိုးသောက်ယံ နေအရုဏ်တက်သည်နှင့် တစ်ပြိုင်နက် အာသ၀က္ခယဥာဏ်ကို ရတော်မူကာ ဘုရားဖြစ်တော်မူခဲ့သည်။

ဓမ္မစကြာတရားဦး ဟောတော်မူခြင်း
သောဘိတဘုရားရှင်သည် ဘုရားဖြစ်တော်မူပြီးနောက် မဟာဗောဓိပင် အနီးမှာပင် သတ္တသတ္တာဟ-လေးဆယ့်ကိုးရက်အရဟတ္တဖိုလ် ချမ်းသာဖြင့် စံနေတော်မူခဲ့၏။ အဋ္ဌမသတ္တာဟသို့ရောက်သောအခါ တရားဟောတော်မူရန် ဗြဟ္မာမင်း၏တောင်းပန်ခြင်းကို လက်ခံတော်မူခဲ့ပြီး ]]အဘယ်သူအား ရှေးဦးစွာ တရားဟောရပါအံ့နည်း}}ဟု ဆင်ခြင်လေသော်ကိုယ်တော်မြတ်၏ ဖတူမိကွဲ ညီတော်များ ဖြစ်သော အဿမမင်းသားနှင့် သုနေတ္တမင်းသား တို့ကို မြင်တော်မူခဲ့သည်။ထိုအခါ ဘုရားရှင်သည် ကောင်းကင်ခရီးဖြင့် တစ်ခဏခြင်း ကြွသွားခဲ့၍ သုဓမ္မ ဥယျာဉ်အတွင်း သက်ဆင်း တော်မူကာမင်းသားနှစ်ဦးတို့ကို ဥယျာဉ်မှူးအား အခေါ်လွှတ်တော်မူခဲ့၏။ ထိုမင်းသားနှစ်ဦးတို့သည် အခြံ အရံများ နှင့်တကွဥယျာဉ်သို့ ရောက်ရှိလာသောအခါ အထက်ဘ၀ဂ် အောက်အ၀ီစိ တိုင်များ မြောင်လှစွာသော လူနတ်ဗြဟ္မာသတ္တ၀ါတို့၏ အလယ်၌ ဓမ္မစက္ကပ၀တ္တနသုတ် ဒေသနာ တော်ကို ဟောကြား တော်မူခဲ့သည်။ ဒေသနာတော်ဆုံးသောအခါ မရေမတွက်နိုင်သော လူနတ်ဗြဟ္မာ သတ္တ၀ါတို့ သစ္စာလေးပါးတရားကို သိမြင်ခဲ့ကြကုန်၏။

ဂေါတမဘုရားအလောင်းတော် ဗျာဒိတ်ခံခြင်း
သောဘိတဘုရားရှင်၏ လက်ထက်တော်၌ ဂေါတမဘုရား အလောင်းတော်သည် သုဇာတပုဏ္ဏား ဖြစ်၍ ဘုရားရှင်၏တရားတော်ကို ကြားနာရ သဖြင့် သရဏဂုံ တည်ခဲ့သည်။ ဘုရားအမှူးရှိသော ရဟန်းသံဃာတော်တို့အား ၀ါတွင်းသုံးလပတ်လုံး ကြီးစွာသော အလှူဒါနကို ပေးလှူတော်မူခဲ့၏။ သောဘိတဘုရားရှင်သည် သုဇာတပုဏ္ဏားအား နောင်အခါ ဘဒ္ဒကမ္ဘာ၌ ဂေါတမအမည်ရှိသော ဘုရား ဖြစ်လတံ့ဟု ဗျာဒိတ်စကား မိန့်ကြားတော်မူ ခဲ့သည်။ ဂေါတမဘုရားအလောင်းတော် သုဇာတပုဏ္ဏားသည် ဗျာဒိတ်စကား ကြားရလေလျှင် အလွန် ၀မ်းမြောက်စွာဖြင့်ဘုရားအဖြစ်သို့ ရောက်ရန် အတွက် တိုးတက်၍ ၀ီရိယကို ပြုတော်မူခဲ့သည်။

သောဘိတဘုရားရှင်၏ တပည့်သာဝကများ
သောဘိတဘုရားရှင်၏ (အဂ္ဂသာဝက)မြတ်သော တပည့်အစုံတို့ကား အရှင်အသမမထေရ်နှင့် အရှင်သုနေတ္တမထေရ်တို့ဖြစ်ခဲ့ကြကုန်၍ အလုပ်အကျွေးရဟန်းတော်မှာ အရှင်အနောမ မထေရ်ဖြစ် ခဲ့သည်။ (အဂ္ဂသာဝိကာ) တပည့်မအစုံတို့ကား အရှင်မနကုလာထေရီနှင့် အရှင်မသုဇာတာ တို့ဖြစ်ခဲ့ကြကုန်ပြီး ပွင့်တော်မူရာ ဗောဓိပင်ကား ကံ့ကော်ပင်ဖြစ်ခဲ့လေသည်။ (အဂ္ဂဥပဋ္ဌာက) မြတ်သော အလုပ်အကျွေး ဒါယကာတို့မှာ ရမ္မသူဌေးနှင့် သုဒတ္တသူဌေး တို့ဖြစ်ခဲ့ကြကုန်၍ (အဂ္ဂဥပဋ္ဌိကာ)မြတ်သော အလုပ်အကျွေး ဒါယိကာမအစုံတို့ကား နကုလ ဥပါသိကာမနှင့် စိတ္တာ ဥပါသိကာမတို့ဖြစ်ခဲ့ကြကုန်၏။ သောဘိတဘုရားရှင်၏ အရပ်တော်မှာ ငါးဆယ့်ရှစ်တောင် မြင့်၍ ထွန်းလင်း တောက်ပသောနေလုလင်ပမာ အလုံးစုံသော အရပ်မျက်နှာတို့ကို အလိုတော်ရှိသမျှ တောက်ပနိုင်သော ကိုယ်တော်ရောင်တို့ဖြင့် လွန်မင်းစွာ တင့်တယ်တော်မူခဲ့၏။

(ဓမ္မာဘိသမယ)တရားပွဲကြီးများ
သောဘိတဘုရားရှင်၏ သုဓမ္မဥယျာဉ်၌ ဓမ္မစက္ကပ၀တ္တနသုတ်တော်ကို ဟောကြားတော်မူသော တရားပွဲသည်ရှေးဦးစွာသော (ဓမ္မာဘိသမယ) တရားပွဲကြီးဖြစ်တော်မူခဲ့သည်။ ထိုတရားပွဲကြီး၌ မရေမတွက်နိုင်သော လူနတ်ဗြဟ္မာသတ္တ၀ါတို့ သစ္စာလေးပါးတရားကို သိကြကာ ကျွတ်တမ်းဝင် ခဲ့ကြသည်။ ထို့နောက် အခါတစ်ပါးဝယ် သုဒဿနမြို့တံခါးအနီး သခွတ်ပင်ကြီး အရင်း၌ ရေမီးအစုံစုံ တန်ခိုးပြာဋိဟာကို ပြတော်မူပြီးနောက် တာဝတိံသာ နတ်ပြည်သို့ကြွကာ ပင်လယ် ကသစ်ပင်ရင်း ခင်းထားအပ်သော ပဏ္ဍုကမ္ဗလာ မြကျောက်ဖျာထက်၌ သီတင်းသုံး၍ အဘိဓမ္မာတရားကို ဟောတော်မူခဲ့သော တရားပွဲကြီးကား ဒုတိယအကြိမ်မြောက် (ဓမ္မာဘိသမယ) တရားပွဲကြီး ဖြစ်ခဲ့သည်။ ထိုတရားပွဲ၌ ကုဋေကိုးသောင်းသော နတ်ဗြဟ္မာအပေါင်းတို့ သစ္စာလေးပါး တရားသိမြင် ကျွတ်တမ်းဝင်ခဲ့ကြ၏။ ထို့နောက် တစ်ဖန် သုဒဿနမြို့၌ ဇယသေနမင်းသားသည် တစ်ယူဇနာ ပမာဏရှိသော ကျောင်းတော်ကို ဆောက်လုပ်၍ အရာမ်နှင့်တကွသော ဇယသေန ကျောင်းတော်ကြီး ကို သောဘိတဘုရားရှင်နှင့် သံဃာတော်တို့အား လှူဒါန်းခဲ့သည်။ ထိုကျောင်းလွှတ် ပူဇော်ပွဲကြီး၌ မဟာဒါနကို ချီးမွမ်း ဟောကြားသော တရားပွဲသည် တတိယအကြိမ်မြောက်(ဓမ္မာဘိသမယ) တရားပွဲကြီးဖြစ်ခဲ့သည်။ ထိုတရားပွဲကြီး၌ ကုဋေတစ်သိန်းသော လူနတ် ဗြဟ္မာသတ္တ၀ါတို့ သစ္စာလေးပါး တရားသိမြင် ကျွတ်တမ်းဝင်ခဲ့ကြကုန်၏။

သာဝက (သန္နိပါတ) အစည်းအဝေးကြီးများ
သောဘိတဘုရားရှင် လက်ထက်တော်တွင် သာဝကအစည်းအဝေးကြီး သုံးကြိမ်ဖြစ်ခဲ့သည်။ သုနန္ဒမြို့၌ ဥဂ္ဂတမင်းသည်သုနန္ဒာရာမကျောင်းတိုက်ကြီး တည်ဆောက်၍ ဘုရားအမှူးရှိသော ရဟန်းသံဃာတော်တို့အား လှူဒါန်း ခဲ့သည်။ထိုကျောင်းလွှတ်အလှူပွဲကြီး၌ ဧဟိဘိက္ခုရဟန်း ဖြစ်ကြကုန်သော ရဟန္တာပေါင်း ကုဋေတစ်ရာတို့အလယ်၌ သောဘိတဘုရားရှင် သည် ပါတိ မောက်ပြတော်မူခဲ့၏။ ထိုအစည်းအဝေးသည် ရှေးဦးစွာသော သာဝက (သန္နိပါတ) အစည်းအဝေး ကြီးပင် ဖြစ်ခဲ့၏။ တစ်ဖန် မေခလမြို့ ဓမ္မဂဏခေါ် သူတော်ကောင်း အသင်းကြီးသည် ဓမ္မဂဏာ ရာမမည်သော မြတ်သောကျောင်းတိုက်ကြီးကို တည်ဆောက်၍ ဘုရားအမှူးရှိသော သံဃာတော် တို့အား လှူဒါန်းခဲ့သည်။ ပရိက္ခရာမျိုးစုံ ကိုပါ လှူဒါန်းခဲ့ကြပြန်သည်။ ထိုကျောင်း အလှူပွဲ၌ ဧဟိဘိက္ခု ရဟန္တာပေါင်း ကုဋေကိုးဆယ် စည်းဝေးမိခဲ့ကြလေသည်။ ထိုအစည်းအဝေး၌ သောဘိတဘုရားရှင်သည် သြ၀ါဒပါတိမောက် ပြတော်မူခဲ့၏။ ထိုအစည်းအဝေးကားဒုတိယ အကြိမ်မြောက် သာဝက (သန္နိပါတ) အစည်းအဝေး ကြီးပင်ဖြစ်ခဲ့သည်။ သောဘိတ ဘုရားရှင်သည်တာဝတိံသာနတ်ပြည်၌ အဘိဓမ္မာတရား ဟောတော်မူပြီး ၀ါကျွတ်၍ ပ၀ါရဏာ ပြုတော်မူရန် နတ်ဗြဟ္မာ အပေါင်းခြံရံလျက် လူ့ပြည်သို့ ဆင်းသက်တော်မူခဲ့သည်။ လူ့ပြည်သို့ ရောက်တော်မူ သည့်အခါ ရဟန္တာပေါင်း ကုဋေရှစ်ဆယ်တို့နှင့်တကွ အင်္ဂါလေးပါးရှိသော အစည်း အဝေး၌ ပ၀ါရဏာပြုတော်မူခဲ့သည်။ ထိုအစည်းအဝေးကား သုံးကြိမ်မြောက်သာဝက (သန္နိပါတ) အစည်း အဝေး ကြီးဖြစ်ခဲ့သည်။

ပရိနိဗ္ဗာန်စံဝင်တော်မူခြင်း
သောဘိတဘုရားရှင်သည် သက်တမ်းကိုးသောင်းပတ်လုံး တည်နေလျက် များစွာသော သတ္တ၀ါတို့ကို ကယ်တင်တော်မူခဲ့၏။ ကိုယ်တော့်မျက်မှောက် ကျွတ်တမ်းမ၀င်ရောက်ကြကုန်သေးသော ဝေနေယျ သတ္တ၀ါတို့အားတစ်ကြိမ်ဆုံးမခြင်း၊ အကြိမ်ကြိမ်ဆုံးမခြင်းကို ပေးတော်မူပြီး၍ မီးသည် ထွန်း တောက်ပ၍ ငြိမ်းသွားသကဲ့သို့ တပည့်သာဝကများနှင့်တကွ ပရိနိဗ္ဗာန် စံဝင်တော်မူခဲ့သည်။ ရှေးဘုရားရှင်တို့နှင့်သာ တူတော်မူသော သောဘိတဘုရားရှင်သည်လည်းကောင်း၊ အဘိညာဉ်စသော စွမ်းအားသို့ ရောက်တော်မူကြကုန်သော တပည့်သာဝက တို့သည်လည်းကောင်း အလုံးစုံတို့ သည် ချုပ်ဆုံးကွယ်ပျောက်ခဲ့လေပြီ။ ခပ်သိမ်းသော သင်္ခါရတရား တို့သည် ခိုင်မြဲသောအနှစ် မရှိကုန်။ အချည်းနှီးသာ ဖြစ်ကုန်စွ

ဓါတ်တော်များ တည်ရှိခြင်း
သောဘိတဘုရားရှင်သည် ပရိနိဗ္ဗာန် စံဝင်ခါနီးတွင် ]]ငါဘုရားမရှိသည့် နောက် အလုံးစုံသော သတ္တ၀ါတို့ နတ်ရွာနိဗ္ဗာန်ရောက်ကြစေရန် ငါဘုရား၏ ဓါတ်တော်တို့သည် တစ်လုံးတစ်ခဲတည်း မတည်ကြကုန်ဘဲ အစိတ်စိတ် အမွှာမွှာကွဲပြား ပျံ့နှံ့တည်ကြစေကုန်သတည်း}}ဟု ဓိဋ္ဌာန်တော်မူခဲ့ပြီး သီဟဥယျာဉ်တော်ကြီး၌ ပရိနိဗ္ဗာန်စံ ၀င်တော်မူခဲ့သည်။ဘုရားရှင်၏ ဓါတ်တော်တို့သည် ဇမ္ဗူဒိပ် ကျွန်းတစ်ခွင်၌ ပျံ့နှံ့တည်ရှိကုန်၍ လူနတ် ဗြဟ္မာ သတ္တ၀ါတို့၏ အပူဇော်ကိုခံယူတော် မူခဲ့လေသတည်း။