ပရနိမ္မိတ၀သ၀တ္တီ

မိမိတို့အလိုရှိရာကို ကိုယ်တိုင်မဖန်ဆင်းဘဲ အစေအပါးနတ်များ၏ အလိုက်သိစွာ
စိတ်တိုင်းကျ ဖန်ဆင်းပေးသော ကာမဂုဏ်စည်းစိမ်ချမ်းသာကို စံစားကြသော နတ်တို့၏
စံရာဘုံဖြစ်သည်။

*"၀သ၀တ္တိနတ်မင်း"*က အုပ်ချုပ်သည်။

ဤနတ်ဘုံမှာ မြတ်စွာဘုရားကိုပင် အမြဲတမ်း လိုက်လံနှောက်ယှက်လေ့ရှိသော
မာရ်နတ်မင်းသည်လည်း သီးသန့်စံလျက်ရှိသည်။

ပရနိမ္မ်ိတ၀သ၀တ္တိ နတ်သက်သည် နှစ်ပေါင်း(၈၀၀၀)ရှိသည်။

လူတို့၏ နှစ်အရေအတွက်အားဖြင့် ကုဋေ(၉၂၁)နှင့် ခြောက်သန်း ရှိ၏။

လူတို့၏ နှစ်(၁၆၀၀)သည် ပရနိမ္မ်ိတ၀သ၀တ္တိ နတ်ပြည်၏ တစ်ရက်ဖြစ်သည်။

နိမ္မာနရတိ

နိမ္မာနရတိနတ်ပြည်သည် တုသိတာနတ်ဘုံ၏အထက် ယူဇနာ(၄၂၀၀၀)ကွာသော ကောင်းကင်ပြင်တွင်
ယာမာနတ်ပြည်၊ တုသိတာနတ်ပြည်များနည်းတူ ပန်းဆိုင်းဆွဲသကဲ့သို့ တည်ရှိသည်။
ထိုပြည်ရှိနတ်တို့သည် ပင်ကိုယ်ရှိပြီးသား စည်းစိမ်ထက် အလွန်အကဲ
ခံစားလိုကြသည့်အခါ မိမိတို့ကိုယ်တိုင် စိတ်တိုင်းကျဖန်ဆင်း၍ မွေ့လျော်လေ့ရှိသော
နတ်များဖြစ်ကြသည်။ အောက်နတ်ပြည်လေးထပ်တို့၌ အမြဲတမ်းထားသော
ကိုယ်ပိုင်ဇနီးမောင်နှံ ရှိကြသကဲ့သို့ နိမ္မာနရတိနတ်ပြည်၌လည်း အမြဲတမ်း
ဇနီးမောင်နှံများ ရှိကြသည်။ ထိုနတ်တို့သည် အပိုအလွန် စည်းစိမ်ခံစားလိုမှသာ
မိမိတို့လိုရာ အဆင်း၊ အသံစသည်တို့ကို ကိုယ်တိုင်ဖန်ဆင်းကြ၍ ထိုဖန်ဆင်းသော
အာရုံ၌ပင် မွေ့လျော်ပျော်ပိုက် နေတတ် ကြသည်။ ထို့ကြောင့် ထိုနတ်တို့ကို
`နိမ္မာနရတိ´နတ်များဟုခေါ်ကြသည်။

(နိမ္မာန=လိုရာစည်းစိမ်ကို မိမိဘာသာ ဖန်ဆင်း၍ + ရတိ=မွေ့လျော်ကြသည့်
နတ်များ၏ဘုံ)

မြတ်စွာဘုရား သက်တော်ထင်ရှားရှိစဉ်က အရှင်အနုရုဒ္ဓါမထေရ်မြတ်၏ မိဘုရားဟောင်း
ဖြစ်ဖူးကြသော မနာပကာယိကာ မည်သော နိမ္မာနတိနတ်သမီးတို့သည် အရှင်အနုရုဒ္ဓါမထေရ်ထံ
လာကြ၍ အမျိုးမျိုး ဖန်ဆင်းပြကြသတဲ့။

ထိုနတ်ပြည်ကို အုပ်ချုပ်သောနတ်မင်းကား* "သုနိမ္မိတနတ်မင်းကြီး"* ဖြစ်သည်။

ဝိသာခါကျောင်းအမသည် နိမ္မာနရတိနတ်ပြည်တွင် သုနိမ္မိတနတ်မင်းကြီး၏
နတ်မိဖုရားဖြစ်ရသည်။

ထိုနတ်တို့၏သက်တမ်းသည် သူတို့၏အရေအတွက်အားဖြင့် နှစ်ပေါင်း (၈၀၀၀)ရှည်၍
လူသားတို့၏ နှစ်အရေအတွက်အားဖြင့် ကုဋေ(၂၃၀)နှင့် လေးသန်း ရှိ၏။

လူတို့၏ နှစ်(၈၀၀)သည် နိမ္မာနရတိနတ်ပြည်၏ တစ်ရက်ဖြစ်သည်။

တုသိတာ

ကြီးကျယ်မြင့်မြတ်သော စည်းစိမ်ကျက်သရေတို့နှင့် ပြည့်စုံကြ၍
နှစ်သက်ရွှင်လန်းခြင်းသို့ ရောက်နေကြသော နတ်တို့၏ စံရာဘုံ ဖြစ်သည်။
ထိုဘုံ၌ဖြစ်ကြသောနတ်တို့သည် အမြဲမပြတ် ရွှင်မြူးနှစ်သက်ပျော်ပါးနေကြရသောကြောင့်
တုသိတာနတ်ဘုံဟု ခေါ်သည်။

သန္တုဿိတာနတ်မင်းသည် အကြီးအကဲနတ်မင်း ဖြစ်သည်။

ဘုရားအလောင်းများသည် ဤနတ်ဘုံ၌ စံလေ့ရှိသည်။

ဗုဒ္ဓဘုရားအလောင်းသည် ဘုရားမဖြစ်မီ တဘဝ၌ တုသိတာနတ်ပြည်၌ "သေတကေတု"မည်သောနတ်မင်း
ဖြစ်လေသည်။ ဘုရားအလောင်း၏မယ်တော် စသည့် သူတော်ကောင်းပုဂ္ဂိုလ်များ စံရာ
နတ်ပြည်လည်း ဖြစ်သည်။

အနာထပိဏ်သူဌေးသည် ဤ တုသိတာနတ်ဘုံတွင်နတ်သားဖြစ်ရသည်။

တုသိတာနတ်သက်သည် နှစ်ပေါင်း(၄၀၀၀)ရှိသည်။

လူတို့၏အရေအတွက်အားဖြင့် နှစ်ပေါင်း(၅၇)ကုဋေ နှင့် ခြောက်သန်းရှိသည်။

လူတို့၏ နှစ်(၄၀၀)သည် တုသိတာနတ်(၁)ရက် ဖြစ်သည်။

တာဝတိံသာ

မာဃလုလင် အမှူးရှိသော အတူတကွ ကုသိုလ်ကောင်းမှုပြုဖော်ပြုဖက် ဖြစ်သော (၃၃)
ယောက်သော သူတို့၏နေရာဖြစ်သော ဘုံကို တာဝတိံသာနတ်ဘုံဟု ခေါ်သည်။

တာဝတိံသာနတ်ပြည်သည် မြင့်မိုရ်တောင်ထိပ်၌ တည်သောကြောင့် စတုမဟာရာဇ်နှင့် ယူဇနာ
၄၂,၀၀၀ ကွာဝေးသည်ဟု ဆိုကြသည်။

တာဝတိံသာနတ်ပြည်၏ တည်နေပုံမှာ ယူဇနာတစ်သောင်း ကျယ်ပြန့်သည်။

ထိုနတ်ပြည်၌ တံခါးပေါင်း တစ်ထောင်ရှိ၍ အရှေ့တံခါးနှင့် အနောက်တံခါး၊ တောင်နှင့်
မြောက်တံခါးတို့သည် ယူဇနာတစ်သောင်း ကွာဝေးသည်။

နတ်ပြည်၏အလယ်တွင် ရတနာခုနှစ်ပါးနှင့် စီချယ်ထားသော ယူဇနာတစ်ထောင် မြင့်သော *
ဝေဇယန္တာပြာဿဒ်ကြီး* တစ်ခုရှိသည်။ ထို ပြာဿဒ်ကြီးကို ယူဇနာသုံးရာ မြင့်သော
ထီးတံခွန်တို့ဖြင့် ဝိုင်းရံထားလျက် ရှိလေသည်။

ထို့ပြင် ယူဇနာငါးဆယ်ကျယ်သော *နန္ဒာရေကန်*နှင့် နတ်သစ်ပင်၊ ပန်းပင်တို့ဖြင့်
ဝေဆာသော ယူဇနာခြောက်ဆယ်ရှိသော* စိတ္တလတာဥယျာဉ်*၊ *နန္ဒဝန်ဥယျာဉ်*၊ *မိဿကဥယျာဉ်*၊
*ဖာရုသကဥယျာဉ်* တို့သည်လည်း သာယာကြည်နူးဖွယ် ရှိသည်။

ထို့အပြင် တာဝတိံသာနတ်ပြည်တွင် ပင်လယ်ကသစ်ပင်ဟူ၍ ရှိပါသည်။ ပင်လယ်ကသစ်ပင်မှာ
အဝန်း ယူဇနာသုံးရာ၊ လုံးပတ် တစ်ဆယ့်ငါးယူဇနာ၊ အမြင့်
ယူဇနာတစ်ရာရှိသည်။ထိုအပင်ရင်း၌ ယူဇနာအားဖြင့် အလျားခြောက်ဆယ်၊ အနံငါးဆယ်၊ ထု
တစ်ဆယ့်ငါးယူဇနာရှိသော* ပဏ္ဍကမ္ဗလာ မြကျောက်ဖျာ* တည်ရှိသည်။ ပဏ္ဍကမ္ဗလာ မြကျောက်ဖျာ
သည် လယ်ခေါင်ရမ်းပွင့် အရောင်အသွေးကဲ့သို့ နီတွေးသောအရောင် အဆင်းရှိသည်။ ၎င်းသည်
အလွန်နူးညံ့သော ကမ္ဗလာဖြစ်၍ သိကြားမင်းထိုင်လျှင် ကိုယ်တစ်ဝက်မြုပ်၍ ထလျှင်ပြန်၍
ပြည့်မြဲပြည့်သော ကမ္ဗလာ ဖြစ်ပါသည်။

တာဝတိံသာ၌ ကုသိုလ်ကောင်းမှုပြုရန်* စူဠာမဏိစေတီတော်* ရှိပါသည်။
ထိုစေတီတော်သည်ယူဇနာတစ်ရာမြင့်သော မြသားစေတီတော်ဖြစ်သည်။ မြတ်စွာဘုရား၏ ဆံတော်၊
မကိုဋ်တော်သာမက လက်ယာအထက်စွယ်တော်ပါ ကိန်းဝပ်တည်ရှိပေသည်။

*သုဓမ္မာ* အမည်ရှိ နတ်သဘင် ဓမ္မာရုံကြီးလည်း ရှိသည်။

တာဝတိံသာမှ အထက်ယာမာ စသောနတ်ပြည်များ၌ကား အာကာသဋ္ဌ (ဝါ) "အာကသဇိုဝ်း" နတ်များသာ
ရှိကြသည်။ဤဘုံတွင် သိကြားမင်းနှင့် ပဇာပတိ၊ ဝရုဏ ဤသာန စသော (၃၃)ပါးသော
နတ်မင်းကြီးတို့ စံနေကြသည်။ တာဝတိံသာနတ်သက်သည် အနှစ်(၁၀၀၀)ဖြစ်သည်။

လူတို့၏ နှစ်အရေအတွက် သုံးကုဋေခြောက်သန်းရှိသည်။

လူတို့၏ နှစ်(၁၀၀)သည် တာဝတိံသာနတ်၌ (၁)ရက် ဖြစ်သည်။

ယာမာ

ဆင်းရဲဒုက္ခမှ ကင်းကြသော နတ်ချမ်းသာများ နေရာဘုံဖြစ်သည်။ တာဝတိံသာ၌
သိကြားမင်းရှိသကဲ့သို့ ယာမာဘုံတွင်လည်း `သုယာမနတ်မင်း´
အုပ်ချုပ်သည်။ယင်းနတ်မင်းသည် သိကြားမင်းရာထူးကိုလည်းရသည်။

ယာမာနတ်သက်သည် သူတို့၏အရေအတွက်အားဖြင့် နှစ်ပေါင်း(၂၀၀၀)ရှိသည်။

လူတို့၏အရေအတွက်အားဖြင့် (၁၄)ကုဋေ(၄)သန်းရှိသည်။

လူတို့၏ နှစ်(၂၀၀)သည် ယာမာနတ်ပြည်၌ (၁)ရက် ဖြစ်သည်။

စတုမဟာရာဇ်

စတုမဟာရာဇ်

ဓတရဋ္ဌ၊ ၀ိရူဠက၊ ၀ိရူပက္ခ၊ ကုဝေရ ဟူသောနတ်မင်းကြီးလေးပါးကို ပါဠိလို *`စတုမဟာရာဇ´*ဟုခေါ်၏။

(စတု=လေးယောက်သော+ မဟာရာဇ= နတ်မင်းကြီး)

ထို နတ်မင်းကြီးလေးပါးကို ဆည်းကပ်ခစားရသည့် လက်အောက်ခံနတ်တို့မှာ *
`စတုမဟာရာဇိက´* ဟုခေါ်သည်။ နတ်မင်းကြီးလေးပါး နှင့် စတုမဟာရာဇိကနတ်တို့၏
နေရာဘုံကို ပါဠိလို စာတုမဟာရာဇိကာ မြန်မာလို စာတုမဟာရာဇ်ဘုံ (သို့မဟုတ်)
စာတုမဟာရာဇ်နတ်ပြည်ဟု ခေါ်ဆိုသည်။

ဤဘုံ၌-

   - ဓတရဋ္ဌ နတ်မင်း
   - ဝိရူဠက နတ်မင်း
   - ဝိရူပက္ခ နတ်မင်း
   - ကုဝေရ နတ်မင်း ဟူ၍ နတ်မင်းကြီးလေးပါး အုပ်စိုးသည်။

ဓတရဋ္ဌနတ်မင်းကြီးသည် မြင့်မိ်ုရ်တောင်၏ အလယ်ခုလတ် အရှေ့ဘက်နံပါး၌ တည်လျက်
ဂန္ဓဗ္ဗနတ်တို့ကို အုပ်ချုပ်သည်။

ဝိရူဠကနတ်မင်းကြီးသည် မြင့်မိ်ုရ်တောင်၏ တောင်ဘက်နံပါး၌ တည်လျက် ကုမ
္ဘဏ်နတ်တို့ကို အုပ်ချုပ်သည်။

ဝိရူပက္ခနတ်မင်းကြီးသည် မြင့်မိ်ုရ်တောင်၏ အနောက်ဘက်နံပါး၌ တည်လျက်
နတ်နဂါးတို့ကို အုပ်ချုပ်သည်။

ကုဝေရနတ်မင်းကြီးသည် မြင့်မိ်ုရ်တောင်၏ မြောက်ဘက် နံပါး၌ တည်လျက်
နတ်ဘီလူးတို့ကို အုပ်ချုပ်သည်။

စတုမဟာရာဇ်နတ်သားများနေထိုင်ရာဘုံသည် မြင့်မိုရ်တောင်၏ အလယ်ခန့်
(ယုဂန္ဓိုရ်တောင်ထိပ်နှင့် ညီမျှသောနေရာ) မှစ၍ အောက်တစ်လျှောက်၌ တည်ရှိသည်။

ဗိမ္ဗိသာရဘုရင်သည် စတုမဟာရာဇ်ဘုံတွင် ဝေဿ၀ဏ်နတ်မင်းကြီး၏ အခြံအရံ ဇန၀သဘ
နတ်စစ်သူကြီးဖြစ်သည်။

စတုမဟာရာဇ်နတ်များ၏ သက်တမ်းမှာ သူတို့၏အရေအတွက်အားဖြင့် နှစ်(၅၀၀)ရှိ၏။

လူတို့၏နှစ်အရေအတွက် အရ အနှစ်(၉)သန်းဖြစ်သည်။

လူတို့၏ နှစ်ပေါင်း(၅၀)သည် စတုမဟာရာဇ်နတ်သက် (၁)ရက် ဖြစ်သည်။

နတ်ဘုံ ခြောက်ဘုံ

နတ်ဘုံ ခြောက်ဘုံ 
နတ် နတ်ဟူသည် မြန်မာစကား"နာထ"ဟူသော ပါဠိမှ ဆင်းသက်လာသည် ဟု
ဝေါဟာရလိနတ္တဒီပနီကျမ်းက ဖွင့်ဆိုထားသည်။

နာထ၏ အနက်အဓိပ္ပါယ်မှာ ကိုးကွယ်ရာဖြစ်သည်။ လောကီ၊ လောကုတ္တရာအကျိုးတို့အတွက်
လူသားတို့ကိုးကွယ်ရာဖြစ်သောကြောင့် "နာထ"၊"နာတ်"၊"နတ်"ဟု ခေါ်ဆိုနေကြသည်။ နတ်ကို
ပါဠိဘာသာအားဖြင့် "ဒေဝ"ဟု၍၎င်း၊ "ဒေဝတာ"ဟု၍၎င်း ခေါ်ဝေါ်သုံးစွဲခဲ့သည်။ ပဋ္ဌာန်းမူလ
ဋီကာကျမ်း ဝိသုဒ္ဓိမဂ် မဟာဋီကာကျမ်းတို့၌-

   - လူသားတို့အား ရာထူးဌာနန္တရ စသော စည်းစိမ်ဥစ္စာကို ပေးတတ်သူ၊
   - လူသားတို့ ပူဇော်သက္ကာရကို ခံယူထိုက်သူ၊
   - အကျိုးတရားပြ၍ ညွှန်ကြားဆုံးမတတ်သူ၊
   - ပျက်စီးခြင်း ဘေးဒုက္ခအမျိုးမျိုးတို့မှ လွတ်ကင်းသူတို့က ငါတို့ ကိုးကွယ်ရာ
   ဖြစ်ပေသည်ဟု ကိုးကွယ်ဆည်းကပ် ချီးမွမ်းအပ်သူတို့ ဖြစ်သည်ဟု ဖွင့်ဆိုပြထားပါသည်။
  

နတ်ပြည် ခြောက်ထပ်
  
   1. စတုမဟာရာဇ်
   2. တာဝတိံသာ
   3. ယာမာ
   4. တုသိတာ
   5. နိမ္မာနရတိ
   6. ပရနိမ္မိတ၀သ၀တ္တီ

စတုမဟာရာဇ် သည် အောက်ဆုံးဖြစ်၍ ပရနိမ္မိတ၀သ၀တ္တီ သည် အထက်ဖြစ်သည်။

ဗြဟ္မာဘုံ နှစ်ဆယ်

 ဗြဟ္မာဘုံ  မြင့်မြတ်သော ဈာန် စသည့် ဂုဏ်တို့ဖြင့် ကြီးပွားကြသူများကို "ဗြဟ္မာ" ဟုခေါ်သည်။


ကာမဂုဏ်ဝတ္တု မွဲနိုင်သမျှမွဲမှသာ ဈာန်စသည့်တရားများ ကြွယ်ဝပြီး
ကြီးပွားကြကုန်သည်။ ဗြဟ္မာဘုံ(၂၀)တွင်


   - ရူပဗြဟ္မာဘုံ(၁၆)ဘုံ၊
   - အရူပဗြဟ္မာဘုံ(၄)ဘုံ ရှိသည်။


ရူပဗြဟ္မာ ဘုံ  ဗြဟ္မာပါရိသဇ္ဇာဘုံမှ အကနိဋ္ဌအထိ (၁၆)ဘုံကို ရူပဗြဟ္မာ ၁၆-ဘုံဟု
ခေါ်သည်။ ၎င်းတို့အနက် အသညသတ်ဘုံတွင် ရုပ်တရား သက်သက်သာ ရှိသည်။


ကျန်(၁၅)ဘုံ မှာ ရုပ်တရား နာမ်တရား ၂ပါးလုံး ရှိကြသည်။ ဤရူပဗြဟ္မာဘုံများသည်
နတ်ပြည်ထက် ကြီးကျယ်ခမ်းနားကြသည်။ ယောင်္ကျား မိန်းမ(ဖိုမ) အင်္ဂါများမရှိပေ။
သို့သော် ပုံသဏ္ဍာန်မှာ ယောင်္ကျားပုံ ဖြစ်သည်။ ဗြဟ္မာများ နေထိုင်ပုံမှာ
ယောကီကြီးများနေထိုင်ပုံကဲ့သို့ သန့်ရှင်းစင်ကြယ်လှသည်။ အချို့မှာ မေတ္တာ၊
ကရုဏာ၊ မုဒိတာ၊ ဥပေက္ခာ ဟူသောဗြဟ္မဝိဟာရတရားလေးပါးကို ပွားများနေကြသည်။ အချို့ကား
ဈာန်သမာပတ် ဝင်စားလျက် ချမ်းသာအေးမြစွာ နေထိုင်ကြသည်။


   1. ဗြဟ္မာပါရိသဇ္ဇာဘုံ
   2. ဗြဟ္မပုရောဟိတာဘုံ
   3. မဟာဗြဟ္မာဘုံ
   4. ပရိတ္တာဘာဘုံ
   5. အပ္ပမာဏာဘာဘုံ
   6. အာဘဿရာဘုံ
   7. ပရိတ္တာသုဘာဘုံ
   8. အပ္ပမာဏာသုဘာဘုံ
   9. သုဘကိဏှာဘုံ
   10. ဝေဟပ္ဖိုလ်ဘုံ
   11. အသညသတ်ဘုံ
   12. အဝိဟာဘုံ
   13. အတပ္ပါဘုံ
   14. သုဒဿာဘုံ
   15. သုဒဿီဘုံ
   16. အကနိဋ္ဌဘုံ


အရူပဗြဟ္မာ ဘုံ  ရူပဗြဟ္မာ (၁၆)ဘုံအထက်တွင် အရူပဗြဟ္မာ (၄)ဘုံ ရှိသည်။
ဘုံဆိုသော်လည်း တကယ့်ဘုံဗိမာန် ရှိသည်မဟုတ်။ အာကာသ နဉ္စာယတနဝိပါတ်


စိတ်စေတသိက်ဖြင့် ပဋိသန္ဓေတည်နေလျက် အဆက်ဆက်ဖြစ်ပွားသော နာမ်ခန္ဓာအစဉ်၏ ဖြစ်တည်ရာ
ကောင်းကင်အပြင်ကို


   1. အာကာသာနဉ္စာယတနဘုံ
   2. ၀ိညာဏဥစ္စာယတနဘုံ
   3. အာကိဉ္စာညာယတနဘုံ
   4. နေဝသညာနာသညာယတနဘုံ ဟုခေါ်သည်။

အသူရကာယ်

  နတ်များကဲ့သို့ ကာမဂုဏ်ချမ်းသာကို ပျော်ရွှင်စွာမခံစားရသော
သတ္တ၀ါများဖြစ်ကြသည်။

ဘုံသီးခြားမရှိချေ၊ ၎င်းတို့နေသောအရပ်ကိုသာ အသူရကာယ်ဘုံ ဟုကြသည်။ အသူရာများသည်
ပြိတ္တာမျိုးပင်ဖြစ်သည်။ သမုဒ္ဒရာ၊ မြစ်ကမ်းများတွင် နေတတ်၍
အလွန်ဆာလောင်မွတ်သိပ်ကြသည်။ အချို့ အသူရာများသည် ဘုရားနှစ်ဆူ၊ သုံးဆူ
ပွင့်သည့်တိုင် တစ်ကြိမ်မျှ မစားမသောက်ကြရပေ။

အတွင်း (၃၇)မင်း၊ အပြင် (၃၇)မင်းနတ်များ

အတွင်းမင်းနတ်များမှာ ပါထေယျဝဂ် အာဋာနာဋိယသုတ်ပါဠိတော်၌ ပါရှိသော ၃၇-မင်းနတ်များ ဖြစ်သည်။


   1. ဣန္ဒနတ်
   2. သောမနတ်
   3. ဝရုဏနတ်
   4. ဘာရဒွါဇနတ်
   5. ပဇာပတိနတ်
   6. စန္ဒနတ်
   7. ကာမသေဋ္ဌနတ်
   8. ကိန္နုဃဏ္ဍုနတ်
   9. နိဃဏ္ဍုနတ်
   10. ပနာဒယက္ခသေနာပတိနတ်
   11. သြပမညယက္ခသေနာပတိနတ်
   12. ဒေဝသုတယက္ခသေနာပတိနတ်
   13. စိတ္တသေနယက္ခသေနာပတိနတ်
   14. နဠောရာဇယက္ခသေနာပတိနတ်
   15. ဇနေသဘယက္ခသေနာပတိနတ်
   16. သာတာဂိရိယက္ခသေနာပတိနတ်
   17. ဟေမဝတယက္ခသေနာပတိနတ်
   18. ပုဏ္ဏယက္ခသေနာပတိနတ်
   19. ကရတိယယက္ခသေနာပတိနတ်
   20. သီဝကယက္ခသေနာပတိနတ်
   21. ပုစလိန္ဒယက္ခသေနာပတိနတ်
   22. ဝေသာမိတ္တယက္ခသေနာပတိနတ်
   23. ယုဂန္ဓရယက္ခသေနာပတိနတ်
   24. ဂေါပါလယက္ခသေနာပတိနတ်
   25. သုပ္ပရောဓယက္ခသေနာပတိနတ်
   26. ဟိရိယက္ခသေနာပတိနတ်
   27. နေတ္တိယက္ခသေနာပတိနတ်
   28. မန္ဒိယယက္ခသေနာပတိနတ်
   29. ပဉ္စလစဏ္ဍယက္ခသေနာပတိနတ်
   30. အာဠာဝကယက္ခသေနာပတိနတ်
   31. ပဇ္ဇုန္နယက္ခသေနာပတိနတ်
   32. သုမနယက္ခသေနာပတိနတ်
   33. သုမုဒယက္ခသေနာပတိနတ်
   34. ဒဝိမုခယက္ခသေနာပတိနတ်
   35. မဏိယက္ခသေနာပတိနတ်
   36. မာဏိဓရယက္ခသေနာပတိနတ်
   37. သေရိသကယက္ခသေနာပတိနတ်။


အပြင် ၃၇ မင်းနတ်များမှာ-
 
   1. သိကြားနတ်
   2. မဟာဂီရိနတ်
   3. နှမတော်တောင်ကြီးရှင်နတ်
   4. ရွှေနပေနတ်
   5. သုံးပန်လှနတ်
   6. တောင်ငူရှင်မင်းခေါင်နတ်
   7. မင်းတရားနတ်
   8. သံတော်ခံနတ်
   9. ရွှေနော်ရထာနတ်
   10. ဝအောင်စွာမကြီးနတ်
   11. ငါးစီးရှင်နတ်
   12. အောင်ပင်လယ်ဆင်ဖြူရှင်နတ်
   13. တောင်မကြီးနတ်
   14. မြောက်မင်းရှင်ဖြူနတ်
   15. ရှင်တော်နတ်
   16. ညောင်ချင်းနတ်
   17. တပင်ရွှေထီးနတ်
   18. မင်းရဲအောင်ထင်နတ်
   19. ရွှေစစ်သင်နတ်
   20. ဝမယ်တော်ရွှေစကားနတ်
   21. မောင်းဖိုးတူနတ်
   22. ယွန်းဘုရင်နတ်
   23. မောင်မင်းဖြူနတ်
   24. မန္တလေးဘိုးတော်နတ်
   25. ရွှေဖျဉ်းကြီးနတ်
   26. ရွှေဖျဉ်းငယ်နတ်
   27. ဒါန်းမောင်ရှင်နတ်
   28. ထီးဖြူဆောင်းနတ်
   29. ထီးဖြူဆောင်းမယ်တော်နတ်
   30. ဝပရိမ္မရှင်မင်းခေါင်နတ်
   31. မင်းစည်သူနတ်
   32. မင်းကျော်စွာနတ်
   33. မြောက်ဘက်ရှင်မနတ်
   34. အနောက်မိဖုရားနတ်
   35. ရှင်ကုန်းနတ်
   36. ရှင်ကွနတ်
   37. ရှင်နဲမိနတ်။

ပြိတ္တာ

"ပြိတ္တာ" ဟူသောစကားရပ်သည် "ပေတ္တိ" ဟူသော ပါဠိမှဆင်းသက်၍ ပြိတ္တာဟု
မြန်မာဝေါဟာရအားဖြင့် ခေါ်စမှတ်ပြုကြသည်။
   *သုခတော ပကဋ္ဌေနဣတာ ဂတာတိပေတာ* ချမ်းသာသုခအပေါင်းမှ ဝေးကွာသောသတ္တ၀ါများကို
"ပြိတ္တာ" ဟုခေါ်သည်။

၎င်းတို့အတွက် သီးခြားဘုံ မရှိချေ။ ပြိတ္တာများသည် လူ့ပြည်လောကအတွင်းမှာပင်
တောတောင်၊ မြစ်ချောင်း၊ တောင်စောင်း၊ လှိုဏ်ဂူ၊ သုဿန် စသောအရပ်များကို မှီခို၍
ဆင်းရဲစွာ ခံစားနေရလေသည့် သတ္တ၀ါတစ်မျိုးဖြစ်လေသည်။ ဤ"ပြိတ္တာ"များတွင် တစ္ဆေ ၊
သရဲ၊ မှင်စာ၊ သဘက်၊ ဘီလူးစသည်ဖြင့် အမျိုးပေါင်းများစွာရှိသည်။
နှစ်ပေါင်းများစွာ မစားရ မသောက်ရချေ။ အချို့မှာ လူတို့၏ ထမင်းလုံး၊ ဟင်းသိုး၊
သလိပ်၊ ချွဲ၊ တံတွေး၊ မစင်၊ အရိအရွဲ စသည်တို့ကိုသာ စားသောက်ကြရသည်။ အချို့မှာ
ငရဲသားများ ကဲ့သို့ပင် လွန်စွာဆင်းရဲဒုက္ခရောက်ကြသည်။ မိမိပြုခဲ့သော
မကောင်းမှုဖြင့် တမင်းငတ်ခြင်း၊ ရေမွတ်သိပ်ခြင်း စသော ဆင်းရဲကို ခံစားလျှက်
နှစ်ပေါင်းရာထောင် သိန်းသန်းမက ဘုရားတစ်ဆူနှင့် တစ်ဆူအကြားသော်လည်း
မကျွတ်မလွတ်နိုင်ဘဲနေကြရသည်။ ထိုမျှလောက်သော ကာလပတ်လုံး ထမင်းတစ်လုံး
ရေတစ်ပေါက်မျှ မစားမသောက်ရဘဲ မိမိပြုခဲ့သော အကုသိုလ် ကံ မကုန်သေး သောကြောင့်
သေဆုံးခြင်းမရှိဘဲ အသားအသွေးမရှိ အရေ အကြော အရိုးများသာရှိပြီးလျှင်
အလွန်ဆိုးရွားသော အဆင်းဖြင့် ကြောက်ရွံ့ထိတ်လန့်ဖွယ်ရာ ရုပ်အဆင်းဖြင့်
တည်ရှိလေသည်။ ပြိတ္တာမျိုးများစွာထဲမှ ပြိတ္တာလေးမျိုးကို ဖေါ်ပြလိုသည်။

   1. ပရဒတ္တူပဇိဝိက ပြိတ္တာ
   2. ခုပ္ပိပါသိက ပြိတ္တာ
   3. နိဇ္ဈမတဏှိက ပြိတ္တာ
   4. ကာလကဉ္စိက ပြိတ္တာ

   (၁) သူတစ်ပါးတို့ ပေးအပ်သော အ၀တ်အစားစသည်ကို မှီ၍ အသက်ရှင်တတ်သော
ပြိတ္တာမျိုးသည် ပရဒတ္တူပဇိဝိက ပြိတ္တာမျိုး

ဖြစ်သည်။
   (၂) ထမင်းငတ်ခြင်း၊ ရေမွတ်သိပ်ခြင်း စသည်ဖြင့် အမြဲအနှိပ်စက်ခံနေရသော
ပြိတ္တာမျိုးသည် ခုပ္ပိပါသိက ပြိတ္တာမျိုးဖြစ်သည်။ (၃) ခံတွင်းမှ အမြဲမပြတ်
မီးတဟုန်းဟုန်းတောက်လောင်မှုဒုက္ခဖြင့် ပူပန်ခြင်းပြင်းစွာ ခံစားနေရသောအခါဝယ်
ရေငတ်မွတ်ခြင်း

ဖြစ်၍ စားသောက်လိုသော အာသာတဏှာရှိသော ပြိတ္တာမျိုးသည် နိဇ္ဈမတဏှိက
ပြိတ္တာမျိုးဖြစ်သည်။
   (၄) သုံးဂါဝုတ်မျှလောက်သော ခန္ဓာကိုယ်အတ္တဘောကြီးရှိလျက် အားနည်းသော
အသားအသွေးရှိသဖြင့် သစ်ရွက်ခြောက်ကဲ့သို့

အရိုးကျဲကျဲရှိလျက် ပုဇွန်မျက်စိကဲ့သို့ ထွက်သောမျက်စိရှိသော ပြိတ္တာမျိုးသည်
ကာလကဉ္စိက ပြိတ္တာမျိုးဖြစ်သည်။ ထိုပြိတ္တာမျိုးသည် ဦးခေါင်းထိပ်အလယ်၌
အပ်နဖားပေါက်လောက်မျှသော ပါးစပ်ပေါက်ငယ်ရှိသည်။ ထိုပါးစပ်ပေါက်ဖြင့်
သုံးဂါဝုတ်ရှိသော ခန္ဓာကိုယ်ကြီးကို ၀လင်အောင် မစားနိုင်ပါပေ။
လူ့ပြည်လောကတွင်ဖြစ်ရစဉ် ငြူစူဝန်တိုခြင်းများ၍ မိမိကိုယ်တိုင်လည်း
လှူဒါန်းပေးကမ်းခြင်းမရှိ၊ သူတပါး ပေးကမ်း လှူဒါန်းသည်ကိုလည်း တားမြစ်၍
အန္တရာယ်ပြုတတ်သူများသည် ပြိတ္တာဘ၀သို့ ရောက်တတ်ကြပေသည်။

သူရဿတီကိုးကွယ်မှု

မြန်မာဗုဒ္ဓဘာသာဝင် အချို့၏ဘုရားစင်တွင်လည်းကောင်း၊ ဘုရားရင်ပြင် အချို့ပေါ်
တွင်လည်းကောင်း၊ ယခုအခါရောက်ရှိနေသော သူရဿတီမှာ စင်စစ်အားဖြင့် ဗြာဟ္မဏဟိန္ဒူ
တို့လက်ခံထားသောနတ်သမီးတစ်ပါးသာလျှင်ဖြစ်သည်။
သူရဿတီဟူသောအမည်မှာ သက္ကတဘာသာ စကားသရသွတိကိုပါဋ္ဌိမှပြန်ကာ မြန်မာ
အသံဖြင့်ခေါ်ဝေါ်ထားသော အမည်းဖြစ်သည်။
သက္ကတပုဒ်သရကို သရသ်နှင့်ဝတိဟူ၍ ပုဒ်ခွဲနိုင်သည်။ အချို့ ပညာရှင်တို့က သရသ်၌
"သ"သည်အတူတကွဖြစ်ခြင်း၊ "ရသ်"သည် ရေဟူသောအနက် ချိုမြိန်ခြင်းဟူသော အနက်ဖြစ်သည်။
"၀တိ"မှာရှိသည်။ ပိုင်ဆိုင်သူဟူသောအနက်ဖြစ်သည်။ ထို့ကြောင့် သရသွတိ ကို
"ရေနှင့်အတူတကွရှိသော"နတ်သမီး၊ ချိုသာစွာပြောဆိုလေ့ရှိသော နတ်သမီးဟု
မှတ်ဖွယ်ရှိသည်။
သရသွတိသည် ယခုခေတ်ပန်ဂျပ်ပြည်နယ်ရှိ ဆရဆွတိမြစ်ကို စောင့်သောနတ်ဖြစ် သည်ဟု
အချို့ကယူဆကြသည်။ ရှေးဦးကမြစ်စောင့်နတ် ဖြစ်ခဲ့သည့် သရသွတိ ဝေဒခေတ် ၌
ဖန်ဆင်းရှင် ဣဿရ၏သမီတော် ဖြစ်ခဲ့သည်ဟုယူဆခဲ့ကြသည်။ ဝေဒခေတ်နှောင်း
ဗြဟ္မဏကျမ်းစာများ ထွန်းကားချိန်တွင် ဣဿရကို ဗြဟ္မာအဖြစ်
ပြောင်းလဲသုံးနှုန်းလာခဲ့ကြ သည်။ထိုအချိန်တွင် သရသွတိသည် ဖန်ဆင်းရှင် ဗြဟ္မာ၏
ကြင်ယာတော်နတ်သမီး တစ်ပါး ဖြစ်သည်ဟု ခံယူလာကြသည်။ စာပေပညာနှင့်
နှုတ်မှုပညာများကို စောင့်ရှောက်သည်ဟု လည်းယုံကြည်ခဲ့ကြသည်။
မြန်မာတို့၏ ကိုးကွယ်မှုတွင်ကား၊ သူရဿတီသည် တန္တရ၀ါဒီ မဟာယာနဂိုဏ်းသား တို့မှ
တစ်ဆင့် ပုဂံခေတ်ကတည်းက နေရာရလာခဲ့သော နတ်သမီးဖြစ်သည်။ပုဂံခေတ်အနော်ရ ထာ
လက်ထပ်၌ ရွှေစည်းခုံဘုရား တံတိုင်းအတွင်းတွင် နတ်ရုပ်အချို့ထားရှိသည်။ ထိုခေတ်
လူတို့ ယုံကြည်ကိုးကွယ်သော နတ်များသည် ဗုဒ္မမြတ်စွာကို
ရိုကျိုးရှိခိုးသူများဖြစ်သည်။ စောင့်ရှောက်ရသူများ ဖြစ်သည်ဟူသော
အဓိပ္ပာယ်ပေါက်အောင် အနော်ရထာကကြံဆောင်ခဲ့ ခြင်းဖြစ်သည်။
ထိုသို့ရွှေစည်းခုံဘုရား၏တံတိုင်းအတွင်း ထားသောနတ်ရုပ်(၃၇)ခု အနက်
သူရဿတီသည်အမှတ်စဉ်(၉)တွင်ပါဝင်သည်။ နတ်ဝတ်တန်ဆာဆင်ကာ ဟင်္သာငှက်ပေါ်တွင် ထိုင်၍
လက်နှစ်ဘက်၌ ကြာပန်းကိုကိုင်နေဟန် ဖြင့်သူရဿတီကိုထုလုပ်ထားသည်။ ဟင်္သာ ငှက်သည်
ရေတွင်ကျက်စားသောငှက်ဖြစ်ခြင်းကြောင့် ရေကိုပိုင်သူမြစ်စောင့်နတ်၊ သူရဿတီ
၏စီးတော်ယာဉ် အဖြစ်သတ်မှတ်ထားခြင်းဖြစ်ဟန် တူသည်။
ဗြဟ္မာ၏ကြင်ယာတော် သူရသွတိကို မြန်မာတို့က သူရဿတီဟုအသံထွက်ပြောင်းလဲ ခေါ်ဝေါ်ကာ
ပိဋကတ်သုံးပုံ စောင့်နတ်သမီးဟုယူဆကိုးကွယ်ကြသည်။ သူရဿတီသည် အတတ်ပညာကျက်သရေမင်္ဂလာ
တို့ကိုပေးနိုင်သည်ဟုယုံကြည်ကြသည်။ သူရဿတီဂါထာ၊ သူရဿတီ မန္တန်၊ သူရဿတီအင်း၊
သူရဿတီမှော်စသည်ဖြင့် အစီအရင် အမျိုးမျိုးပြုလုပ် ဆောင်ရွက်ကြသည်။
(မြန်မာစွယ်စုံကျမ်း အတွဲ (၁၃)စာ-၁၆၈-၁၆၉)။ ဤတွင် သူရဿတီ ကိုလောကီအတတ်များ
အတွက်သာအသုံးပြုကြောင်း သတိပြုသင့်ပေသည်။
ဗုဒ္ဓဘာသာတန္တရ၀ါဒီ တို့သည်ဗြဟ္မဏတို့၏ ဘုရားအဆူဆူဝါဒကို သဘောကျကာ၊ မဟာယာန
ဗုဒ္ဓဘာသာအတွင်းသို့ဘုရားအဆူဆူ၊ ဘုရားလောင်းအမျိုးမျိုးကို သွတ်သွင်းခဲ့ကြ သည်။
အလားတူပင် ဗြာဟ္မဏ၀ါဒတစ်ဖြစ်လဲ ဟိန္ဒူဘာသာကလက်ခံထားသည့် နတ်ဘုရား တို့၏ကြင်ယာတော်
နတ်ဘုရားမ(နတ်သမီး)များကို ကိုးကွယ်မှုကိုလည်းမဟာယာန ဗုဒ္ဓဘာ သာတွင် ပုံတူကူးချကာ
တာရာဒေ၀ီ၊ မဟာဒေ၀ီ၊ ပရ၀တီ၊ စသည်ဖြင့်နတ်ဘုရားမ အမျိုးမျိုး ကိုဖန်တီးလက်ခံ
ခဲ့ကြသည်။
မြန်မာတန္တရ၀ါဒီတို့ကား၊ အိန္ဒိယတန္တရ၀ါဒီ တို့ထက်ပင်လက်သွက်ကာဗြဟ္မာ၏ကြင် ယာတော်
သူရသွတိကို သူရဿတီအဖြစ်မြန်မာမှုပြုခဲ့ကြသည်။ ပိဋကတ်သုံးပုံစောင့်သူအဖြစ်
ဖန်တီးခဲ့ကြသည်။ ဤသို့ဖြင့် သ သူရသွတိသည် ပုဂံခေတ် ကတည်းကပင် အတွင်း(၃၇)
မင်းစာရင်းဝင် ဖြစ်လာခဲ့ရပေသည်။
နတ်သမီးကိုးကွယ်မှုအစဉ်အလာကို အိန္ဒိယသားတို့သည် ဝေဒခေတ်မတိုင်မီက ကမ္ဘာ
ဦးစိုက်ပျိုးရေးသမားများ ဘ၀ကတည်းကလက်ခံကျင့်သုံးခဲ့ကြသည်။
ယခုခေတ်ပန်ဂျပ်ပြည်နယ်
ရှိ အိန္ဒုမြစ်ဝှမ်းတွင်ခရစ်ကြိုနှစ် နှစ်ထောင်ကျော်ခန့်က
ထွန်းကားခဲ့သောအိန္ဒုမြစ်ဝှမ်း ယဉ်ကျေးမှုခေတ်ကတည်းက ကိုးကွယ်ခဲ့ကြသည့်
ကြေးသွန်းနတ်သမီးရုပ်ထုများကို ရှေး ဟောင်းသုတေသီတို့ တွေ့ရှိကြရသည်။
ထိုနတ်သမီး ရုပ်ထုတို့ကို အိန္ဒို မြစ်ဝှမ်းသားတို့က မည်သို့ခေါ်ဝေါ်ခဲ့သည်ကို
အတိအကျ မသိရသော်လည်း၊ သုတေသီများကမူ မိခင်နတ်သမီး ဟုလည်းကောင်း၊
ရွာရှင်နတ်သမီး  ဟု လည်းကောင်း၊ မယ်တော်ကြီး  ဟု လည်းကောင်း ခေါ်ဝေါ် ထားသည်။
အိန္ဒုမြစ်ဝှမ်း ယဉ်ကျေးမှုခေတ်ကတည်းက နတ်သမီးကိုးကွယ်မှုကို လက်ခံခဲ့သော
အိန္ဒိယသားတို့သည် ဝေဒခေတ်၌လည်းအလားတူနတ်သမီး ကိုးကွယ်မှုကိုလက်ခံကျင့်သုံးခဲ့ကြ
သည်။ ဝေဒခေတ်အတွေးအခေါ် ယဉ်ကျေးမှုများကို ဗြာဟ္မဏ၀ါဒဟု ခေါ်ဝေါ် ထားရာ ဗြာဟ္မဏ
ဝါဒ၌လည်း နတ်သမီးများကို ဆက်လက်ကိုးကွယ်ခဲ့ကြသည်။ ထေရ၀ါဒ ဗုဒ္ဓဘာ သာ၌မူ
ဖန်ဆင်းရှင်ဗြဟ္မာ ကိုပယ်ပြီးဖြစ်ရာ ဗြဟ္မာ၏ ကြင်ရာတော်နတ်သမီးနှင့် တကွအခြား
နတ်သမီးများ၊ နတ်ဘုရား များကိုကိုးကွယ်ရန်မလိုတော့ချေ။
သူင်္ဂမင်းဆက်၊ ကုသျှန် မင်းဆက်တို့လက်ထက်ရောက်သောအခါ ဗြဟ္မဏ၀ါဒ ပြန်
လည်အားကောင်းလာပြီး၊ ဗုဒ္ဓဘာသာကို နှိမ်နင်းလာသည်။ ထိုအခါမိမိတို့ရပ်တည်ရေးအတွက်
ဗုဒ္ဓဘာသာအတွေးအမြင် ကျင့်စဉ်များကို ဗြာဟ္မဏတို့အလိုကျဖြစ်စေရန်
ပြောင်းလဲကျင့်သုံးခဲ့ ကြရသည်။ ထိုသို့ကျင့်သုံးရာမှပေါ်ပေါက်လာသော
မဟာယာနဗုဒ္မဘာသာ၌မူ၊ နတ်ဘုရားအ မျိုးမျိုးကိုပါ လက်ခံကိုးကွယ်လာခဲ့သည်။
အိန္ဒိယမှ ဗုဒ္မဘာသာတန္တရ၀ါဒီတို့သည် ဘင်္ဂေါပြည်နယ်မှတစ်ဆင့် အထက်မြန်မာနိုင်ငံ
သို့ သရေခေတ္တရာခေတ်ကပင် ၀င်ရောက်ခြေကုပ်ယူခဲ့ကြသည်။ ထိုသို့ခြေကုပ်ယူခဲ့ကြောင်း
သရေခေတ္တရာမြို့ဟောင်း(မှော်ဇာ)မှတူးဖော်တွေ့ရှိရသော ဘုရားလောင်းပုံပါရှိသော
အုတ်ခွက် အမျိုးမျိုးများနှင့်ရှေးဟောင်း ပစ္စည်းများကသက်သေ ခံနေပေသည်။
တန္တရ၀ါဒီတို့၏ အတွေး အခေါ်များနှင့်ကျင့်စဉ်များသည် ပုဂံခေတ်တွင်လည်း
တွင်ကျယ်လေရာ၊ အနော်ရထာမင်းက သာသနာသန့်ရှင်း၊ ထေရ၀ါဒ ဗုဒ္မဘာသာထွန်းကားရေး
ပြုလုပ်သောအခါ၊ အသွင်အမျိုးမျိုး ဆောင်ကာ တိမ်းရှောင်ထွက်သွားခဲ့ကြသည်။ ထိုသို့
တိမ်းရှောင်ထွက်သွားကြရာ၌ သူရဿတီ သည် တိမ်းမြုပ်ပျောက်ကွယ် မသွားဘဲ၊
ရွှေစည်းခုံတံတိုင်းအတွင်း၌ ပုံတော်နှင့်တကွနေရာရ သွားခဲ့သည်။
အိန္ဒိယသားတို့သည် နတ်သမီးများကိုပထ၀ီမာတာ (မြေစောင့်မယ်တော်)၊ မဟာမာတာ
(မယ်တော်ကြီး)စသည်ဖြင့် သုံးနှုန်းခေါ်ဝေါ်ခဲ့ကြသည်။ ထိုအခေါ်အဝေါ်များကိုလိုက်၍
မြန်မာတို့ သည်ယခုအခါ မယ်တော်၊ မယ်တော်ကြီး စသည်ဖြင့်သုံးနှုန်းနေကြသည်။ ဤသို့
သုံးနှုန်းကြ ပါက သူရဿတီသည် ရှေးဦးမယ်တော်ကြီး တစ်ဦးဖြစ်သည်ဟု ဆိုရပေမည်။
အတွင်း(၃၇) မင်း အမှတ်စဉ်(၈) တွင်ဖော်ပြထားသည့် စဏီနတ်သမီးမှာလည်း
သူရဿတီကဲ့သို့ပင် မြန်မာတို့ ရှေးဦးလက်ခံခဲ့သော မယ်တော်ကြီးတစ်ပါးဖြစ်သည်။

အပါယ်လေးဘုံအကြောင်းသိကောင်းစရာ

လူချမ်းသာ နတ်ချမ်းသာ နိဗ္ဗာန်ချမ်းသာ ဟူသော သမ္ပတ္တိသုံးမျိုး၏ ဖြစ်ကြောင်း
ကုသိုလ်ကောင်းမှုကို အယ-ဟုပါဠိလို ခေါ်သည်။
(တိဝိဓသမ္ပတ္တိယော အယန္တိ ဂစ္ဆန္တိ ပ၀တ္တန္တိ ဧတေနာတိ အယော-ကို ဘာသာပြန်ခြင်းဖြစ်သည်)။
အယတော+အပဂတော အပါယော၊ ကောင်းမှုမှကင်းသော (ကုသိုလ်ကောင်းမှုတို
့ကိုပြုခွင့်များစွာ မရ၊ အကုသိုလ်တွေသာ များပြားလှသော) ဘုံဌာနကို
အပါယ-အပါယ်ဘုံဟု ခေါ်သည်။

အပါယ်လေးဘုံဟူသည် (၁) ငရဲ၊ (၂) တိရိစ္ဆာန် (၃) ပြိတ္တာ (၄) အသုရကာယ်ဟု
လေးမျိုးရှိသည်။

*ငရဲခန်း*

ချမ်းသာသုခ နည်းနည်းမျှ မရှိသောကြောင့် နိရယ-နိရဲ- ငရဲ-ဟုခေါ်ဝေါ်ကြသည်။
ထိုငရဲကား သဉ္ဖိုဝ်း ကာဠ သံဃာတနှင့် ရောရုဝနှစ် တာပန်နှစ် တွက်စစ် အ၀ီစိ-
ဟုရှစ်ထပ်ရှိ၏။ ယူဇနာ နှစ်သိန်းလေးသောင်း အထုရှိသော ဤမြေကြီးဝယ် အောက်
တစ်သိန်းနှစ်သောင်းမှာ ကျောက်မြေဖြစ်၍ အထက် တစ်သိန်းနှစ်သောင်းသာလျှင်
ပကတိမြေသား ဖြစ်သတဲ့။ အထက်မြေသားအတွင်း၌ ထိုငရဲကြီးရှစ်ထပ် တည်ရှိနေရကား
တထပ်နှင့် တထပ်အကွာဝေး မှာ (တသိန်းနှစ်သောင်းကို ရှစ်ဖြင့်စား၍) ယူဇနာ
တစ်သောင်း ငါးထောင်စီကွာဝေးသတဲ့။
ဆိုလိုရင်ကား လူ့ ပြည်မှ ယူဇနာ တစ်သောင်း ငါးထောင်ဝေးသော အရပ်၌ သဉ္ဖိုဝ်း
ငရဲတည်ရှိ၏။
ထိုနောက် ယူဇနာ တစ်သောင်း ငါးထောင်ဝေးသော အရပ်၌ ကာဠသုတ် ငရဲတည်ရှိ၏။
ဤသို့ စသည်ဖြင့် တစ်ထပ်နှင့် တစ်ထပ် ယူဇနာ တစ်သောင်း ငါးထောင်စီဝေးသည် ဟူလို။

*ယမမင်း*

စာတုမဟာရာဇ်နတ်တို့ တွင် အပါအ၀င်ဖြစ်သော ဝေမာနိကပြိတ္တာမင်းကိုပင် ယမမင်း
ဟုခေါ်၏။ တခါတရံ နတ်စည်းစိမ်ခံစား၍ တစ်ခါတလေမှာမူ မကောင်းမှုကံအကျိုးကို
(ရိုးရိုးပြိတ္တာများကဲ့သို) ခံစားရရှာသေး၏။ ထိုယမင်းကား တစ်ယောက်သာမက
အများအပြား ပင်ရှိလေသည်။ လူ့ ဘုံ၌ အစိုးရများ ရုံးထိုင်သလို ယမမင်းများလည်း
ငရဲဘုံ၏ တံခါးလေးဖက် ၌ရုံးစိုက်ကြပြီးလျှင်
ငရဲသို့ ရောက်လာသော သူများကို စစ်ဆေးမေးမြန်းကြ၏။ သို့ သော် ငရဲသို
့ရောက်လာသောသူတိုင်း အစစ်ဆေးခံရသည်မဟုတ်။ အကုသိုလ်ကြီး၍ ပြစ်မှုထင်ရှား သူတို
့မှာ တခါတည်း ငရဲသို့  ကျကုန်၏။ အကုသိုလ်နည်းပါး သူများအတွက် လွတ်လိုလွတ် ငြား
အနေအားဖြင့် ယမမင်းထံ အစစ်ဆေးခံခွင် ရကြပေသည်။ ထို့ ကြောင့် ယမမင်း၏
စစ်ဆေးမှုမှာ အပြစ်ရှာလို၍ မဟုတ်၊
လွတ်သင့်က လွတ်ခွင့်ရစေလိုသောကြောင့်သာ ဖြစ်သည်။

*ငရဲထိန်း*

ဤငရဲထိန်းများလည်း စတုမဟာရာဇ်နတ်မျိုး အပါအ၀င် နတ်ဘီလူး နတ်ရက္ခိုသ်များတည်း။
ထိုငရဲထိန်းများ၏ အလုပ်ကား အနည်းငယ်သော အကုသိုလ်ဖြင့် ကျရောက်လာသော သူများကို
ယမမင်းထံသို့ ပို့ ခြင်း၊
ငရဲသို့ ရောက်ပြီးသူများကို လက်မရွံ့ အာဏာသားတို့ ကဲ့သို့ ရက်စက်ကြမ်းကြုတ်စွာ
သတ်ပုတ်ရိုက်နက်ခြင်း ပင်တည်း။
ငရဲမီးစသော အန္တရာယ်တို့ လည်း ကံကြောင့်ဖြစ်ရသော ကမ္မပစ္စယဥတုဇရုပ်များ ဖြစ်ကြရကား
ငရဲခံရမည့် သူများ၌သာ
ပူလောင် ၍ ထိုငရဲထိန်းတို့ ၌ မပူလောင်ချေ။

*ယမင်းစစ်တမ်း*

အများကြားဖူးနားဝရှိအောင် ဒေ၀ဒူတသုတ်ပါဠိတော်လာ ယမမင်း၏ စစ်တမ်းကို
အကျဉ်းချုပ်မျှပြဦးမည်။
လူ့ ပြည်မှာ ရှိနေသော (၁) ကလေး (၂) သူအို (၃) သူနာ (၄) သူသေ (၅) အကျဉ်းသမား
ဤငါးဦးသားကို ယမမင်း
စေလွှတ်အပ်သော တမန်တော်နှင့် အလားတူသောကြောင့် ဒေ၀ဒူတ-ဟုခေါ်ဝေါ်ရသည်။
(ဒေ၀-ယမမင်း၊ ဒူတ-တမန်းတော်)။

ယမမင်းသည် မိမိထံမှောက်သို့ ရောက်လာသော ငရဲသားများကို ဒေ၀ဒူတ ငါးမျိုးကို
ဖေါ်ပြလျက် စစ်ဆေးလေ့ရှိသည်။

ယမမင်း။ ။ မောင်မင်း- လူ့ ပြည်မှာတုန်းက ကျင်းကြီး ကျင်ငယ်ကိုိပင်
မသုတ်သင်နိုင်ပဲ ကျင်ကြီးကျင်ငယ်ထဲ၌ လူးကာလှိမ့်ကာ နေရရှာသော ကလေးများကို မတွေ
့ဘူးခဲ့ဘူးလား?

ငရဲသား။ ။ တွေ့ ခဲ့ဘူးပါသည်ဘုရား

ယမမင်း။ ။ မိမိကိုယ်တိုင် နားလည်သောအရွယ်သို့ ရောက်တဲ့အခါ ထိုကလေးများကို
ကြည့်ရှု့ ၍ ငါသည် ဘာမှနားမလည်ရှာသော ယခုလို ကလေးသူငယ်ဖြစ်ဖို့ ရာ နောင်အခါ
ပဋိသန္ဓေ နေရဦးမည်။ ပဋိသန္ဓေနေခြင်းသဘောကို မလွန်မြောက်နိုင်သေးပါတကား။ ယခုနှယ်က
ကိုယ်နှုတ် စိတ်များကို စောင့်စည်းလျက် ကောင်းကောင်းကြီး နေမှတော်မည်-ဟု
အကြံအစည်းများ မဖြစ်ခဲ့ဘူးလား မောင်မင်း။

ငရဲသား။ ။ ကျွန်တော် မေ့လျော့သည့်အတွက် ကုသိုလ်ကောင်းမှုကို စိတ်မ၀င်စားမိခဲ့ပါ။

ယမမင်း။ ။ မောင်မင်း- မကောင်းမှုကို ဆွေးမျိုး ဉာတကာ ဆရာမိဘ စသူတို့ က
ပြုပေးကြသည် မဟုတ်။ မောင်မင်း ကိုယ်တိုင် ပြုခဲ့သမျှ အပြစ်ဒဏ်ကို မေ့လျော့သူတို
့ထုံးစံ အတိုင်း မောင်မင်း ခံရချေတော့မည်။

ယမမင်းအား အမျှဝေရကျိုး။ ။ ဤနည်းအတိုင်း သူအိုကို ညွှန်ပြ၍ ဒုတိယ တစ်ကြိမ်မေး၏။
သူနာကို ညွှန်ပြ၍ တတိယတစ်ကြိမ် မေး၏။ သူသေကိုညွှန်၍ စတုတ္ထ တစ်ကြိမ်၊
အကျဉ်းသမားကို ညွှန်၍ ပဉ္စမ တစ်ကြိမ် မေး၏။ ငါးကြိမ်တိုင်းအောင် မေး၍
ကုသိုလ်ကောင်းမှု ကို သတိမရသေးလျှင် ယမမင်းကိုတိုင် ထိုသူ၏ ကုသိုလ်ပြုစဉ်က
မိမိအား အမျှဝေဖူးသလား ဟုစဉ်းစား၏။ စဉ်းစား၍ ရလျှင် ထိုကုသိုလ်ကို ဖေါ်၍ ဖြစ်စေ၊
မိမိက ဘာသာသတိရ၍ ဖြစ်စေ ကုသိုလ်ကို သတိရသည်နှင့်တပြိုင်နက် ငရဲမှလွတ်မြောက်၍
နတ်ပြည်ရောက်သူများလည်း အများပင်။ ထိုနေရာမျိုးကျမှ မိမိကုသိုလ်များ
အားထားရကြောင်း ထင်ရှာသည်။ ယမမင်း စဉ်းစား၍ မရသောအခါ ဆိတ်ဆိတ်နေရတော့၏။ ထိုအခါ
ငရဲသားကို ငရဲထိန်းတို့ ယူဆောင် လျက် အမျိုးမျိုး နှိပ်စက်ကြလေတော့သည်၊။
(ထို့ ကြောင့် ကုသိုလ်ပြုသောအခါ ယမမင်းအား အမျှဝေသင့်သည်)၊

တိရိစ္ဆာန်ဘုံ။ ။ တိရော အဉ္စန္တီတိ တိရစ္ဆာနာ- ဖီလာ၊ အလျားလိုက်သွားတက်သောကြောင်း၊
တိရိစ္ဆာန်ခေါ်သည်။ လူနတ်တို့ ကဲ့သို့ မတ်မတ်မသွားဘဲ အလျားလိုက်တက်သော
သတ္တ၀ါများဖြစ်သည်။ သူတို့ အတွက် ဘုံသီးခြားမရှိ။ တိရိစ္ဆာန်အများစု
စုဝေးနေထိုင်ရာ အရပ်ကိုပင် တိရိစ္ဆာန်ဘုံ-ဟု ခေါ်စမှတ်ပြုရသည်။
ထိုတိရိစ္ဆာန်များကား ကုန်း၌နေသော သားကောင်အမျိုးမျိုး ငှက်အမျိုးမျိုး မြွေစသော
သတ္တ၀ါးများနှင့် ရေ၌နေသော ငါးလိပ်စသော သတ္တ၀ါများတည်း။

ပြိတ္တာဘုံ။ ။ သုခသမုဿယတော ပကဋ္ဌံ ဧန္တီတိ ပေတာ- သုခအပေါင်းမှ ဝေးသောအရပ်သို့ 
ရောက်သောသတ္တ၀ါများကို ပြိတ္တာ-ဟုခေါ်သည်။ ဘုံသီးခြားမရှိ။ ပြိတ္တာတို့ 
နေရာဖြစ်သော တော၊ တောင်၊ မြစ်ချောင်း၊ သုဿာန်စသော အရပ်များကိုပင်
ပြိတ္တာဘုံ-ဟုခေါ်ရသည်။ ဤပြိတ္တာများကား တစ္ဆေ၊ မှင်စာ၊ သူရဲ၊ ဘီးလူမှ
စ၍အမျိုးမျိုးရှိ၏။ နှစ်ပေါင်းများစွာ မစားရ မသောက်ရ အချို့ မှာ လူများ၏
ထမင်းလုံး၊ ဟင်းပေါက်၊ သလိပ်၊ ချွဲ၊ တံထွေး၊ မစင် စသည်တို့ ကိုသာစားသောက်ရသည်။

အသုရကာယ်။ ။ အသုရာဟူသည် ပြိတ္တာမျိုးပင် ဖြစ်၏။ အသုရာအပေါင်း၏ နေရာအရပ်ကို ပင်
အသုရကာယ်ဘုံဟု ခေါ်သည်။ ထိုအသုရာတို့ သည်၊ သမုဒ္ဒရာ ဂင်္ဂါမြစ်ကမ်း စသည်၌ နေတက်ကြ၏။
အင်မတန် မွတ်သိပ်ဆာလောင်ကြသည်။ တချို့ အသုရာတို့ မှာ ဘုရားနှစ်
ဆူ သုံးဆူ ပွင့်သော်လည်း တစ်ကြိမ်မျှ မစား မသောက်ကြရလေကုန်။

အသုရာအမျိုးမျိုး။ ။ ဤပြိတ္တာအသုရာအပြင် အသုရာအမည်ရသော အခြားအမျိုးအစား
လည်းရှိသေး၏။ (၁) မြင်းမိုရ်တောင်အောက်၌ နေသော နတ်များ၊ (၂)
ဘုမ္မစိုးနတ်ကြီးများ
ကိုမှီခိုကပ်ရပ်လျက် ဣဒ္ဓိပါဒ်နုံ့ နဲ့ လှသော နတ်ကလေးများ၊ (၃) တစ်ခါတစ်ခါ
နတ်ကဲ့သို့  စည်းစိမ်ခံစား၍ တစ်ခါ တစ်ခါ ပြိတ္တာကဲ့သို့  ဒုက္ခခံရသော
ဝေမာနိကပြိတ္တာများ၊ (၄) လောကန္တရိတ်ငရဲများ။

*အရှင်နာယကာလင်္ကာရ*

ထေရဝါဒဗုဒ္ဓဘာသာဝင်စေတီ ၄ မျိုး

ထေရဝါဒဗုဒ္ဓဘာသာဝင်တွေ အရိုအသေအလေးအမြတ်ပြုကြတဲ့ သာသနာတွင်း စေတီတွေကတော့ အားလုံးသိကြတဲ့အတိုင်း ၄-မျိုးရှိပါတယ်။

(၁) ဓာတုစေတီ-ဘုရား၊ ရဟန္တာများ၏ ဓာတ်တော်များ

(၂) ဓမ္မစေတီ-ဘုရားရှင် ဟောကြားခဲ့သောတရားတော်များ

(၃) ပရိဘောဂစေတီ- ဘုရားရှင် သက်တော်ထင်ရှားရှိစဉ်က သုံးဆောင်ခဲ့သော အသုံးအဆောင်များ

(၄) ဥဒ္ဒိဿကစေတီ- ဘုရားရှင်ကို ရည်မှန်းပြီး ထုလုပ်ထားသော ရုပ်ပွားဆင်းတုတော်များ

ထေရဝါဒဗုဒ္ဓဘာသာဝင်တွေ အနေနဲ့ အလေးအမြတ်ပြုတဲ့ နေရာဌာနတွေလည်း ရှိသေးပါတယ်။ အဲဒါတွေကတော့ ဗုဒ္ဓဂါယာ အစရှိတဲ့ သံဝေဇနိယ လေးဌာနတို့ပါပဲ။

စေတီဆိုတဲ့ ဝေါဟာရ နှင့် အဓိပ္ပာယ်

စေတီဆိုတဲ့ဝေါဟာရက ဗုဒ္ဓဘုရားရှင် မပွင့်ထွန်းခင်ကတည်းက အိန္ဒိယနိုင်ငံမှာ ရှိနေခဲ့ပါတယ်။ ဝေသာလီပြည်ကြီးရဲ့ အနီးပတ်ဝန်းကျင်မှာ အမျိုးမျိုးသော အရာဌာနတွေကို စေတီသမုတ်ပြီး ကိုးကွယ်ခဲ့တာကြောင့် စေတီတွေ များစွာရှိခဲ့ပါတယ်။ အချို့စေတီတွေကတော့ နတ်ဘီလူးကြီးများကို ရည်မှတ်ပြီး တည်ဆောက်ထားတဲ့ နတ်ကွန်းတွေဖြစ်ပါတယ်။ အချို့တော့ နတ်ကြီးတယ် ဆိုပြီး မခူးကြနဲ့ မဖျက်ဆီးကြနဲ့ စသည်ဖြင့် သီးခြားသတ်မှတ်ထားတဲ့ ဥယျာဉ်ကြီးတွေဖြစ်ပါတယ်။ အချို့စေတီတွေဟာ တောင်တွေဖြစ်ပါတယ်။ အချို့ကတော့ တောတွေဖြစ်ပါတယ်။

စေတီဆိုတဲ့ အဓိပ္ပာယ်မှာ အရိုအသေပြုအပ်သော အရာ ၊ ဌာန အားလုံးပါဝင်ပါတယ်။ အဲဒါကြောင့် ကျွန်တော်ကတော့ မြန်မာလို ပြန်ရင် အရိုအသေပြုအပ်သော သင်္ကေတ ဆိုတာပဲ သင့်တော်မယ်ထင်ပါတယ်။

ကကုသန်ဘုရား

  ကကုသန်ဘုရား သည် ကမ္မကိလေသတရား၊ ဒီပင်္ကရာဘုရား၊ ဂေါတမဘုရား၊ ကဿပဘုရား စသည့် ဘုရားကြီး ငါးဆူမှ ပွင့်တော်မူပြီးသော ဘုရား ဖြစ်သည်။ ဘုရားငါးဆူပွင့်ရာ ဤ ဘဒ္ဒကမ္ဘာအတွင်း ပွင့်တော်မူခဲ့ပြီးသော ဘုရားလေးဆူအနက် ပထမဦးဆုံး ပွင့်တော်မူသော ဘုရားရှင်ဖြစ်သည်။

ခေမံပြည်မှ အဂ္ဂိဒတ္ထပုဏ္ဏားနှင့် ဝိသာခါပု​​​ဏ္ဏေးမတို့၏သားဖြစ်။ အရွယ်ရောက်သော် သင့်မြတ်သော သတို့သမီးနှင့် လက်ထပ်ထိမ်းမြား၏၊ သားတော်ဥတ္တရကို ဖွားမြင်ပြီးနောက် လောကီ စည်းစိမ်ကို စွန့်ပယ်ကာ တောထွက်တော်မူသည်။ ရှစ်လ-ကာမ~ ဒုက္ကရစရိယာ ကျင့်တော်မူပြီးနောက် ကိုက္ကို့ဗောဓိပင်ရင်းဝယ် သဗ္ဗညုတဉာဏ်တော်ကို ရရှိ၍ ဘုရားဖြစ်တော်မူသည်။ ထိုမြတ်စွာဘုရား၏ အဂ္ဂသာဝက တပည့်နှစ်ပါးကား ရှင်ဝိဓူရနှင့် ရှင်သိဉ္စီဝတို့ဖြစ်သည်။ အလုပ် အကြွေး (တပည့်)ကား ရှင်ဗဒ္ဓိဇော ဖြစ်သည်။ ထိုမြတ်စွာဘုရား၏ ဉာဏ်တော်အမြင့်သည် အတောင် လေးဆယ် ဖြစ်၏၊ သက်တော် အနှစ်သုံးသောင်း နှစ်ထောင်တွင် ခေမာရုံတွင် ပရိနိဗ္ဗာန်စံတော်မူရာ ကြွင်းသောဓာတ်တော်အစုကို ဌာပနာ၍ တစ်ဂါဝုတ်မြင့်သော စေတီတော်ကို တည်ထားကိုးကွယ်ကြသည်။ ထိုခေတ်ထိုအခါက လူတို့၏သက်တမ်းမှာ နှစ်ပေါင်း ၄ သောင်းဖြစ်သည်။

 

                                                            ဗုဒ္ဓ၀င်

၁။ ဝေဿဘူမြတ်စွာဘုရား၏ နောက်အဖို့၌ အခြေနှစ်ချောင်းရှိသူ လူနတ်တို့ထက် မြတ်တော်မူသော မနှိုင်းယှဉ်နိုင်သော ဂုဏ်ရှိတော်မူသော (ထိပါးရန်) ချဉ်းကပ်ဝံ့ သောသူ ရှိတော်မမူသော အမည်အားဖြင့် ကကုသန္ဓမည်သော မြတ်စွာဘုရား သည် ပွင့်တော်မူလေ၏။

၂။ နှောင်အိမ်ကို ဖျက်ဆီး၍ သွားသော ခြင်္သေ့ကဲ့သို့ ထိုမြတ်စွာဘုရားသည် လည်း အလုံးစုံသောဘ၀ကို ခွါဖျက်၍ ပါရမီအကျင့်၌ အထွတ်အထိပ်သို့ ရောက် လျက် မြတ်သော ဗောဓိဉာဏ်သို့ ရောက်တော်မူလေ၏။

၃။ လောက၏ ရှေ့သွားဖြစ်သော ကကုသန်မြတ်စွာဘုရားသည် ဓမ္မစကြာကို ဟောတော်မူသည်ရှိသော် ကုဋေလေးသောင်းသော လူ နတ် ဗြဟ္မာတို့၏ (သစ္စာ လေးပါး) တရားကို သိခြင်းသည် (ရှေးဦးစွာသိခြင်း) ဖြစ်၏။

၎။ ရေးခြစ်မထင် ကောင်းကင်၌ (ရေမီး) အစုံအစုံဟူသော တန်ခိုးအမျိုးမျိုး ဖန်ဆင်းခြင်းကို ပြု၍ ကုဋေသုံးသောင်းသော လူ နတ် ဗြဟ္မာတို့အား (သစ္စာ လေးပါးကို နှစ်ကြိမ်မြောက်) သိစေတော်မူ၏။

၅။ နရဒေ၀ဘီလူးအား ထိုမြတ်စွာဘုရား၏ သစ္စာလေးပါးကို ပြရာအခါ၌ (နတ်လူ တို့၏ သုံးကြိမ်မြောက် သစ္စာလေးပါး) တရားကို သိခြင်းသည် ဂဏန်းသင်္ချာ အားဖြင့် မရေတွက် နိုင်ချေ။

၆။ ကကုသန်မြတ်စွာဘုရား၏ (ကိလေသာ) အညစ်အကြေး ကင်းကုန်သော ငြိမ်သက်သောစိတ် ရှိကုန်သော တာဒိဂုဏ်နှင့် ပြည့်စုံကုန်သော ရဟန္တာတို့၏ အစည်းအဝေးသည် တစ်ကြိမ်သာရှိလေ၏။

၇။ ထိုအခါ ထိုအစည်းအဝေးသည် အာသဝေါတည်းဟူသော ရန်အပေါင်း ကုန်ခြင်း ကြောင့် ယဉ်ကျေးသော (အရိယာ) ဘုံသို့ အစဉ်ရောက်ကုန်သော ရဟန္တာ လေးသောင်းတို့၏ အစည်းအဝေး ဖြစ်လေ၏။

၈။ ထိုအခါ ငါသည် ခေမ မည်သော မင်းဖြစ်ခဲ့၏။ ငါသည် မြတ်စွာဘုရားအား လည်းကောင်း၊ မြတ်စွာဘုရား၏ သားတော်အား လည်းကောင်း များစွာသော အလှူကို လှူပြီးလျှင်-

၉။ သပိတ် သင်္ကန်း မျက်စဉ်း ပျားမုန့်ဆုပ်တို့ကိုလည်း လှူ၍ တောင့်တအပ်ရာ ကောင်းမြတ်သော ဤလှူဖွယ် ၀တ္ထုအားလုံးကို စီရင်လှူဒါန်းခဲ့၏။

၁၀။ သတ္တ၀ါတို့ကို ဆုံးမတော်မူတတ်သော ထို ကကုသန်မြတ်စွာဘုရားသည် လည်း ငါ့ကို ဤမင်းသည် ဤဘဒ္ဒကမ္ဘာ၌ပင် ဘုရားဖြစ်လတ္တံ့ဟု ဗျာဒိတ်စကား မိန့်ကြားတော်မူ၏။

၁၁။ ထိုအခါ ဤမင်းသည် ပျော်မွေ့ဖွယ် ကောင်းသော ကပိလမြို့မှ ထွက်၍။ပ။ ဤ(ဂေါတမ) မြတ်စွာဘုရား၏ မျက်မှောက်၌ ဖြစ်ရပါလိုကုန်၏ (ဟု ဆုတောင်း ကုန်၏)။

၁၂။ ထိုမြတ်စွာဘုရား၏ စကားကို ကြားနာရ၍ စိတ်ကို အလွန်ကြည်ညိုစေခဲ့၏၊ ပါရမီ ဆယ်ပါးတို့ကို ဖြည့်ကျင့်ခြင်းငှာ လွန်ကဲသော အကျင့်ကို ဆောက်တည်ခဲ့၏။

၁၃။ (ထိုမြတ်စွာဘုရား၏) မြို့တော်သည် ခေမာဝတီ မည်၏၊ ထိုအခါ ငါသည် ခေမအမည် ရှိသူဖြစ်၏၊ ငါသည် သဗ္ဗညုတဉာဏ်ကို ရှာမှီးစဉ် ထိုမြတ်စွာဘုရား အထံ၌ ရဟန်း ပြုခဲ့၏။

၁၄။ နတ် လူတို့၏ ဆရာဖြစ်သော ကကုသန်မြတ်စွာဘုရား၏ ခမည်းတော်သည် အဂ္ဂိဒတ္တပုဏ္ဏား ဖြစ်၏၊ မယ်တော်သည် ၀ိသာခါ မည်၏။

၁၅။ ထိုခေမမြို့၌ လူတို့တွင် မြတ်သည် ဖြစ်၍ ချီးမွမ်းအပ်သော မြတ်သော ဇာတ်ရှိသော များသော အခြံအရံရှိသော မြတ်စွာဘုရား၏ ဆွေတော်မျိုးတော် အပေါင်းသည် နေလေ၏။

၁၆။ ထိုဘုရားလောင်းသည် အနှစ်လေးထောင်တို့ပတ်လုံး နန်းတော်ကို အုပ်စိုး၍ နေ၏၊ (ထိုဘုရားလောင်းအား) ကာမ ကာမ၀ဏ္ဏ ကာမသုဒ္ဓိမည်သော မြတ်သော ပြာသာဒ်သုံးဆောင်တို့သည် ရှိကုန်၏။

၁၇။ ကောင်းစွာ တန်ဆာဆင်အပ်သော မောင်းမတို့သည် သုံးသောင်းတိတိ ရှိကုန် ၏၊ (ဘုရားလောင်း၏) မိဖုရားသည် ရောစိနီ မည်၏၊ သားတော်သည် ဥတ္တရ မည်၏။

၁၈။ ဘုရားလောင်းသည် နိမိတ်လေးပါးတို့ကို တွေ့မြင်၍ ရထားယာဉ်ဖြင့် တောထွက်တော်မူ၏။ မယုတ်မလျော့ ရှစ်လတို့ပတ်လုံး ကမ္မဋ္ဌာန်းစီးဖြန်းခြင်း လုံ့လကို အားထုတ်တော် မူ၏။

၁၉။ ကြီးမြတ်သော လုံ့လရှိသော လူတို့ထက်မြတ်၍ ရှေ့သွားခေါင်းဆောင် ဖြစ် တော်မူ သောကကုသန်မြတ်စွာဘုရားသည် ဗြဟ္မာမင်း တောင်းပန်အပ်သည်ဖြစ်၍ မိဂဒါဝုန် (သမင်တော)၌ ဓမ္မစကြာကို ဟောတော်မူ၏။

၂၀။ ၀ိဓုရသည် လည်းကောင်း၊ သဉ္ဇီဝသည် လည်းကောင်း ကကုသန်မြတ်စွာ ဘုရား၏ မြတ်သော တပည့် အဂ္ဂသာဝက တို့ ဖြစ်ကုန်၏၊ အလုပ်အကျွေးသည် ဗုဒ္ဓိဇ မည်၏။

၂၁။ သာမာသည် လည်းကောင်း၊ စမ္ပာသည် လည်းကောင်း မြတ်သော တပည့်မ အဂ္ဂသာဝိကာ တို့ ဖြစ်ကုန်၏၊ ထိုမြတ်စွာဘုရား၏ ဗောဓိပင်ကို ကုက္ကိုပင်ဟူ၍ ခေါ်ဆိုအပ်၏။

၂၂။ အစ္စုတသည် လည်းကောင်း၊ သုမနသည် လည်းကောင်း မြတ်သော အလုပ် အကျွေး ဒါယကာအဂ္ဂဥပဋ္ဌက တို့ဖြစ်ကုန်၏။ နန္ဒာသည် လည်းကောင်း၊ သုနန္ဒာ သည် လည်းကောင်း မြတ်သော အလုပ်အကျွေး ဒါယိကာမ အဂ္ဂဥပဋ္ဌိကာ တို့ ဖြစ်ကုန်၏။

၂၃။ မြတ်စွာဘုရားသည် အတောင် လေးဆယ်တိုင်အောင် မြင့်တော်မူ၏၊ ရွှေ အဆင်း ရှိသော ကိုယ်တော်ရောင်သည် ထက်ဝန်းကျင် ဆယ်ယူဇနာတိုင် အောင် ပြေးသွား (ကွန့်မြူး) လျက်ရှိ၏။

၂၄။ ထိုမြတ်စွာဘုရား၏ အသက်တမ်းသည် အနှစ်လေးသောင်း ရှိ၏၊ ထိုမြတ်စွာ ဘုရားသည် ထိုမျှလောက် အသက်တည်နေလျက် များစွာသော သတ္တ၀ါအပေါင်း ကို ကယ်တင်တော်မူ၏။

၂၅။ ထိုမြတ်စွာဘုရားသည် နတ်နှင့်တကွသော လောက၌ ယောက်ျားç မိန်းမတို့၏ အကျိုးငှါ တရားတည်းဟူသော ဈေးကို ဖြန့်ခင်း၍ ခြင်္သေ့မင်းကဲ့သို့ စကားတော် ကို မိန့်တော်မူပြီးလျှင် တပည့်သာဝကနှင့်တကွ ပရိနိဗ္ဗာန် ၀င်စံတော်မူလေ၏။

၂၆။ အင်္ဂါရှစ်ပါးရှိသော စကားသံနှင့် ပြည့်စုံတော်မူသော မြတ်စွာဘုရားသည် လည်းကောင်း၊ အမြဲမကျိုးမပေါက်သော သီလရှိသော သာဝကအစုံတို့သည် လည်းကောင်း ထိုအားလုံးသည်ပင် ကွယ်ပျောက်ခဲ့လေပြီ။ အလုံးစုံသော သင်္ခါရ တို့သည် အချည်းနှီးတို့သာ ဖြစ်ကုန်သည် မဟုတ်ပါလော။

၂၇။ ကကုသန်ဘုရားမြတ်သည် ခေမာရာမကျောင်းတိုက်၌ ပရိနိဗ္ဗာန် ပြုတော်မူ၏၊ ထိုကျောင်းတိုက်၌ပင် ထိုမြတ်စွာဘုရား၏ စေတီ(ပုထိုး)တော်သည် ကောင်းကင် သို့ တစ်ဂါဝုတ် တိုင်အောင်မြင့်လျက် တည်ရှိလေသတည်း။ ။ ကကုသန္ဓဗုဒ္ဓ၀င် ပြီး၏။

ကျမ်းကိုး
   1. ↑ ဗုဒ္ဓ၀ံသပါဠိတော်

ပွင့်တော်မူပြီးသော ဘုရားရှင်များ

ဆုံးစမထင်သော သံသရာ တစ်လျှောက်တွင် ဂင်္ဂါဝါလု သဲစုမကသော ဘုရားများ ပွင့်ခဲ့ကြသည်။

၁။ ဤကမ္ဘာမှ မရေတွက်နိုင်သော ကမ္ဘာ၌ ...တဏှင်္ကရာမြတ်စွာဘုရားသည် လည်းကောင်း၊ မေဓင်္ကရာ မြတ်စွာဘုရားသည် လည်းကောင်း၊ သရဏင်္ကရာ မြတ်စွာဘုရားသည် လည်းကောင်း၊ ဒီပင်္ကရာမြတ်စွာဘုရားသည် လည်းကောင်း ထိုလေးဆူသော မြတ်စွာဘုရားတို့ သည် တစ်ခုတည်းသော သာရမဏ္ဍကမ္ဘာ၌ ပွင့်တော်မူကုန်၏။

၂။ ဒီပင်္ကရာမြတ်စွာဘုရား၏ နောက်အဖို့၌ ကောဏ္ဍညမည်သော မြတ်စွာဘုရား သည် တစ်ခုသော သာရကမ္ဘာ၌ တစ်ဆူတည်းသာလျှင် ပွင့်တော်မူ၍ များစွာသော သတ္တ၀ါအပေါင်းကို (နိဗ္ဗာန်သို့) ကယ်တင်တော်မူ၏။

၃။ ထိုဒီပင်္ကရာမြတ်စွာဘုရားနှင့် ကောဏ္ဍညမြတ်စွာဘုရားတို့၏ အကြား၌ ကမ္ဘာ တို့ကို ဂဏန်း (သင်္ချာ)အားဖြင့် မရေတွက်နိုင်ကုန်။

၎။ ကောဏ္ဍညမြတ်စွာဘုရား၏ နောက်အဖို့၌ မင်္ဂလမည်သော မြတ်စွာဘုရား သည် ပွင့်တော်မူ၏၊ ထိုမြတ်စွာဘုရားတို့၏ အကြား၌လည်း ကမ္ဘာတို့ကို ဂဏန်း (သင်္ချာ) အားဖြင့် မရေတွက်နိုင်ကုန်။

၅။ မင်္ဂလမြတ်စွာဘုရားသည် လည်းကောင်း၊ သုမနမြတ်စွာဘုရားသည် လည်း ကောင်း၊ ရေ၀တမြတ်စွာဘုရားသည် လည်းကောင်း၊ သောဘိတမြတ်စွာ ဘုရား သည် လည်းကောင်း စက္ခု (ငါးမျိုး) ရှိတော်မူကုန်သော အလင်းရောင်ကို ပြုတော် မူတတ်ကုန်သော ထိုမြတ်စွာဘုရားတို့သည်လည်း တစ်ခုသော သာရမဏ္ဍကမ္ဘာ၌ ပွင့်တော်မူကြကုန်၏။

၆။ သောဘိတမြတ်စွာဘုရား၏ နောက်အဖို့၌ များသော အခြံအရံရှိသော အနောမ ဒဿီ မြတ်စွာဘုရားသည် ပွင့်တော်မူ၏၊ ထိုမြတ်စွာဘုရားတို့၏ အကြား၌လည်း ကမ္ဘာတို့ကို ဂဏန်း (သင်္ချာ) အားဖြင့် မရေတွက်နိုင်ကုန်။

၇။ အနောမဒဿီမြတ်စွာဘုရားသည် လည်းကောင်း၊ ပဒုမမြတ်စွာဘုရားသည် လည်းကောင်း၊ နာရဒ မြတ်စွာဘုရားသည် လည်းကောင်း သစ္စာလေးပါးကို သိတော်မူကြကုန်သော အမိုက်မှောင်၏ အဆုံးကို ပြုတတ်ကုန်သော ထိုမြတ်စွာ ဘုရားတို့သည်လည်း တစ်ခုသော ၀ရကမ္ဘာ၌ ပွင့်တော်မူကုန်၏။

၈။ နာရဒမြတ်စွာဘုရား၏ နောက်အဖို့၌ ပဒုမုတ္တရမည်သော မြတ်စွာဘုရားသည် တစ်ခုသော သာရကမ္ဘာ၌ ပွင့်တော်မူလျက် များစွာသော သတ္တ၀ါအပေါင်းကို (နိဗ္ဗာန်သို့) ကယ်တင်တော်မူ၏။

၉။ နာရဒမြတ်စွာဘုရားနှင့် ပဒုမုတ္တရမြတ်စွာဘုရားတို့၏ အကြား၌လည်း ကမ္ဘာတို့ ကို ဂဏန်း (သင်္ချာ)အားဖြင့် မရေတွက်နိုင်ကုန်။

၁၀။ ကမ္ဘာတစ်သိန်းထက်၌ လောကသုံးပါးကို သိတော်မူသော ပေးလှူဖွယ်ပစ္စည်း ၀တ္ထုတို့ကို ခံတော်မူထိုက်သော ပဒုမုတ္တရမြတ်စွာဘုရားသည် တစ်ဆူတည်းသာ ပွင့်တော်မူ၏။

၁၁။ ပဒုမုတ္တရမြတ်စွာဘုရား၏ ဤမှာဘက်ဖြစ်သော ကမ္ဘာသုံးသောင်းထက်၌ သုမေဓမြတ်စွာဘုရား သည် လည်းကောင်း၊ သုဇာတမြတ်စွာဘုရားသည် လည်းကောင်း နျစ်ဆူသော မြတ်စွာဘုရားတို့သည် ပွင့်တော်မူကြကုန်၏။

၁၂။ သုဇာတမြတ်စွာဘုရား၏ ဤမှာဘက်ဖြစ်သော ကမ္ဘာ တစ်ထောင့်ရှစ်ရာထက် ၌ (နိဗ္ဗာန်သို့) ပို့ဆောင်တော် မူတတ်ကုန်သော ပိယဒဿီ အတ္ထဒဿီ ဓမ္မဒဿီ အားဖြင့် သုံးဆူသော မြတ်စွာဘုရား တို့သည် ပွင့်တော်မူကြကုန်၏။

၁၃။ သုဇာတမြတ်စွာဘုရား၏ ဤမှာဘက်၌ ကိုယ်တိုင် သစ္စာလေးပါးကို သိတော် မူကုန်သော ခြေနှစ်ချောင်းရှိသူ နတ်လူတို့ထက် မြတ်တော်မူကုန်သော လောက၌ ပြိုင်ဘက်ပုဂ္ဂိုလ် ရှိတော် မမူကုန်သော ထိုပိယဒဿီစသော မြတ်စွာဘုရားတို့သည် တစ်ခုသော ၀ရကမ္ဘာ၌ ပွင့်တော်မူကြကုန်၏။

၁၄။ ဤကမ္ဘာမှ ကိုးဆယ့်လေးကမ္ဘာထက်၌ လောကသုံးပါးကို သိတော်မူသော (ကိလေသာ) ငြောင့်ကို နုတ်ပယ်တော်မူတတ်သော အမြတ်ဆုံးပုဂ္ဂိုလ် ဖြစ်တော်မူ သော သိဒ္ဓတ္ထမြတ်စွာဘုရားသည် တစ်ဆူတည်းသာ ပွင့်တော်မူ၏။

၁၅။ ဤကမ္ဘာမှ ကိုးဆယ့်နှစ်ကမ္ဘာထက်၌ တူသောသူ ရှိတော် မမူကုန်သော ပြိုင်ဘက်ပုဂ္ဂိုလ် ရှိတော် မမူကုန်သော တိဿမြတ်စွာဘုရားသည် လည်းကောင်း၊ ဖုဿမြတ်စွာဘုရားသည် လည်းကောင်း နှစ်ဆူသော မြတ်စွာဘုရားတို့သည် ပွင့်တော်မူကြကုန်၏။

၁၆။ ဤကမ္ဘာမှ ကိုးဆယ့်တစ်ကမ္ဘာထက်၌ ၀ိပဿီမည်သော မြတ်စွာဘုရားသည် ပွင့်တော်မူ၏၊ သနားခြင်း ကရုဏာ ရှိတော်မူသော ထိုမြတ်စွာဘုရားသည်လည်း သတ္တ၀ါတို့ကို သံယောဇဉ်အနှောင်အဖွဲ့မှ လွတ်စေတော်မူ၏။

၁၇။ ဤကမ္ဘာမှ သုံးဆယ့်တစ်ကမ္ဘာထက်၌ တူသောပုဂ္ဂိုလ် ရှိတော်မမူသော ပြိုင်ဘက်ပုဂ္ဂိုလ် ရှိတော် မမူကုန်သော သိခီမြတ်စွာဘုရားသည် လည်းကောင်း၊ ဝေဿဘူမြတ်စွာဘုရားသည် လည်းကောင်း နှစ်ဆူသော မြတ်စွာဘုရားတို့သည် ပွင့်တော်မူကြကုန်၏။

၁၈။ ဤဘဒ္ဒကမ္ဘာ၌ ကကုသန်မြတ်စွာဘုရားသည် လည်းကောင်း၊ ကောဏာဂုံ မြတ်စွာဘုရားသည် လည်းကောင်း၊ ကဿပမြတ်စွာဘုရားသည် လည်းကောင်း သုံးဆူသော မြတ်စွာဘုရားတို့သည် ပွင့်တော်မူကြကုန်၏။

၁၉။ ယခုအခါ ငါသည် ဘုရားဖြစ်တော်မူ၏၊ မေတ္တေယျမြတ်စွာဘုရားသည်လည်း (နောက်၌) ပွင့်တော်မူလတ္တံ့၊ ပညာရှိတော်မူကုန်သော လောကကို အစဉ် သနား စောင့်ရှောက်တော် မူတတ်ကုန်သော ဤငါးဆူသော မြတ်စွာဘုရားတို့သည်လည်း ဤဘဒ္ဒကမ္ဘာ၌ပင် ပွင့် တော်မူကြကုန်၏။

၂၀။ ဤတရားမင်း မြတ်စွာဘုရားတို့၏ လည်းကောင်း၊ အကုဋေမကများစွာသော အခြား တစ်ပါးသော မြတ်စွာဘုရားတို့၏ လည်းကောင်း ထိုဗုဒ္ဓ၀င် အကျင့်လမ်းကို ဟောကြားပြီးလျှင် ထိုမြတ်စွာဘုရားတို့သည် တပည့်သာဝကနှင့်တကွ ပရိနိဗ္ဗာန် ပြုတော်မူကြလေကုန်ပြီ။

နှစ်ကျိပ်ရှစ်ဆူ

ဂေါတမ ဘုရားရှင် ဖြစ်လာမည့် သုမေဓါ ရှင်ရသေ့အား နောင် ဘဒ္ဒကမ္ဘာ တွင် ဂေါတမ အမည်ဖြင့် ဘုရားဖြစ်မည် ဟု ဗျာဓိတ်ပေးသော “ ဒီပင်ကရာ” ဘုရားရှင် ပွင့်တော်မူသော သာရမဏ္ဍကမ္ဘာ တွင် ပွင့်တော်မူကြသော ဘုရားရှင်များ မှ ဂေါတမ ဘုရားရှင်အထိ ဘုရားရှင် ၂၈ - ဆူ ရှိလေသည်။ ဤဘုရားရှင်များကို နှစ်ကျိပ်ရှစ်ဆူဘုရားများ ဟုခေါ်ဝေါ် ပူဇော်ကြပါသည်။

ဂေါတမ ဘုရားလောင်း ဗျာဒိတ်ခံယူသော ကမ္ဘာမှစ၍ ပွင့်တော်မူသော ဘုရားရှင်များ၏ အမည်တော်တို့ဖြစ်သည်။

(၁) တဏှင်္ကရာဘုရား - ဒုက္ကရစရိယာ ၇-ရက်၊ စရီးပင် (တောင်မရိုးပင်) ဗောဓိ၊ သက်တော်တစ်သိန်း နေတော်မူ၏။

(၂) မေဓင်္ကရာဘုရား-ဒုက္ကရစရိယာ ၁၅-ရက်၊ ပေါက်ပင် ဗောဓိ၊ သက်တော် ကိုးသောင်း။

(၃) သရဏင်္ကရာဘုရား-ဒုက္ကရစရိယာ တလ၊ သခွတ်ပင် ဗောဓိ၊ သက်တော် ရှစ်သောင်း။

(၄) ဒီပင်္ကရာဘုရား-ဒုက္ကရစရိယာ ၇-ရက်၊ ညောင်ကြပ်ပင် ဗောဓိ၊ သက်တော် တစ်သိန်း။

(၅) ကောဏ္ဍညဘုရား-ဒုက္ကရစရိယာ ဆယ်လ၊ ကြောင်လျှာပင် ဗောဓိ၊ သက်တော် တစ်သိန်း။

(၆) မင်္ဂလဘုရား-ဒုက္ကရစရိယာ ရှစ်လ၊ ကံ့ကော်ပင် ဗောဓိ၊ သက်တော် ကိုးသောင်း။

(၇) သုမနဘုရား-ဒုက္ကရစရိယာ ဆယ်လ၊ ကံ့ကော်ပင် ဗောဓိ၊ သက်တော် ကိုးသောင်း။

(၈) ရေ၀တဘုရား-ဒုက္ကရစရိယာ ၇-လ၊ ကံ့ကော်ပင် ဗောဓိ၊ သက်တော် ခြောက်သောင်း။

(၉) သောဘိတဘုရား-ဒုက္ကရစရိယာ ၇-ရက်၊ ကံ့ကော်ပင် ဗောဓိ၊ သက်တော် ကိုးသောင်း။

(၁၀) အနောမဒဿီဘုရား-ဒုက္ကရစရိယာ ဆယ်လ၊ ထောက်ကြံ့ပင် ဗောဓိ၊ သက်တော် တစ်သိန်း။

(၁၁) ပဒုမဘုရား-ဒုက္ကရစရိယာ ရှစ်လ၊ ကြောင်လျာပင် ဗောဓိ၊ သက်တော် တစ်သိန်း။

(၁၂) နာရဒဘုရား-ဒုက္ကရစရိယာ ၇-ရက်၊ ကြောင်လျာပင် ဗောဓိ၊ သက်တော် ကိုးသောင်း။

(၁၃) ပဒုမုတ္တရဘုရား-ဒုက္ကရစရိယာ ၇-ရက်၊ ထင်းရူးပင် ဗောဓိ၊ သက်တော် တသိန်း။

(၁၄) သုမေဓာဘုရား-ဒုက္ကရစရိယာ ၁၅-ရက်၊ ထိန်ပင် ဗောဓိ၊ သက်တော် ကိုးသောင်း။

(၁၅) သုဇာတဘုရား-ဒုက္ကရစရိယာ ကိုးလ ၊ ၀ါးပင် ဗောဓိ၊ သက်တော် ကိုးသောင်း။

(၁၆) ပီယဒဿီဘုရား-ဒုက္ကရစရိယာ ခြောက်လ၊ ရေခတက်ပင် ဗောဓိ၊ သက်တော် ကိုးသောင်း။

(၁၇)အတ္တဒဿီဘုရား-ဒုက္ကရစရိယာ ရှစ်လ၊ စကားပင် ဗောဓိ၊ သက်တော် တစ်သိန်း။

(၁၈) ဓမ္မဒဿီဘုရား-ဒုက္ကရစရိယာ ၇-ရက်၊ လိပ်ဆူးရွှေပင် ဗောဓိ၊ သက်တော် တစ်သိန်း။

(၁၉) သိဒ္ဓတ္ထဘုရား-ဒုက္ကရစရိယာ ဆယ်လ၊ မဟာလှေကားပင် ဗောဓိ၊ သက်တော် တစ်သိန်း။

(၂၀) တိဿဘုရား-ဒုက္ကရစရိယာ ရှစ်လ၊ ပိတောက်ပင် ဗောဓိ၊ သက်တော် တစ်သိန်း။

(၂၁) ဖုဿဘုရား-ဒုက္ကရစရိယာ ခြောက်လ၊ သျှိသျှားပင် ဗောဓိ၊ သက်တော် ကိုးသောင်း။

(၂၂)၀ိပဿီဘုရား-ဒုက္ကရစရိယာ ရှစ်လ၊ သခွတ်ပင် ဗောဓိ၊ သက်တော် ရှစ်သောင်း။

(၂၃) သိခီဘုရား-ဒုက္ကရစရိယာ ရှစ်လ၊ သရက်ဖြူပင် ဗောဓိ၊ သက်တော် ခုနစ်သောင်း။

(၂၄) ဝေဿဘူဘုရား-ဒုက္ကရစရိယာ ခြောက်လ၊ အင်ကြင်းပင်ဗောဓိ၊ သက်တော် ခြောက်သောင်း။

(၂၅) ကကုသန်ဘုရား-ဒုက္ကရစရိယာ ရှစ်လ၊ ကုက္ကိုပင် ဗောဓိ၊ သက်တော် လေးသောင်း။

(၂၆) ကောဏဂုံဘုရား-ဒုက္ကရစရိယာ ခြောက်လ၊ ရေသဖန်းပင် ဗောဓိ၊ သက်တော် သုံးသောင်း။

(၂၇) ကဿပဘုရား-ဒုက္ကရစရိယာ ၇-ရက်၊ ပညောင်ပင် ဗောဓိ၊ သက်တော် နှစ်သောင်း။

(၂၈) ဂေါတမဘုရား-ဒုက္ကရစရိယာ ခြောက်နှစ်ကြာ၊ ညောင်ဗုဒ္ဓဟေပင်ရင်း၌ ပွင့်တော်မူသည်၊ သက်တော် ရှစ်ဆယ် နေတော်မူသည်။
 

 

နှစ်ကျိပ်ရှစ်ဆူ ဘုရားရှစ်ခိုး

တ မေ သ ဒီ ကော မံ သု ရေ ၊ သော အ ပ နာ ပ ၊ သု သု ပိ။

အ ဓံ သိ တိ ဖု ၀ိ သိ ဝေ ၊ က ကော က ဂေါ နမာမဟံ ။
ထူးခြားချက်

နှစ်ကျိပ်ရှစ်ဆူသော ဘုရား ကိုယ်တော်မြတ်များသည် တနင်္ဂနွေသား (၄) ဆူ ၊တနင်္လာသား(၄)ဆူ …(၇)နေ့ မှာ ၄-ဆူစီ အတိအကျ ဖြစ်နေကြသည်။

တနင်္ဂနွေ သား (၄) ဆူ - မေဓင်္ဂရာ ၊ သောဘိတ ၊ ပိယဒဿီ ၊ သိခီ ။

တနင်္လာ သား (၄) ဆူ - သရဏှင်္ဂရာ ၊ အ နောမဒဿီ ၊ အတ္ထဒဿီ ၊ ဝေဿဘူ ။

အင်္ဂါ သား (၄) ဆူ - ဒီပင်္ကရာ ၊ ပဒုမုတ္တရ ၊ ဓမ္မဒဿီ ၊ ကကုသန် ။

ဗုဒ္ဓဟူး သား (၄) ဆူ - ကောဏ္ဍည ၊ နာရဒ ၊ သိဒ္ဓတ္ထ ၊ ကောဏဂုံ ။

ကြာသပတေး သား(၄) ဆူ - မင်္ဂလ ၊ ပဒုမုတ္တရ ၊ တိဿ ၊ ကဿပ ။

သောကြာ သား (၄) ဆူ - သုမန ၊ သုမေဓာ ၊ ဖုဿ ၊ ဂေါတမ ။

စနေ သား (၄) ဆူ - တဏှင်္ကရာ ၊ ရေ၀တ ၊ သုဇာတာ ၊ ၀ိပဿီဘုရား ။
 (၇) ရက်သား/သမီး ဘုရားရှိခိုး

ကိုယ့်နေ့သား ဘုရားရှင်တွေကို သီးသန့်ရှိခိုးပူဇော်ချင်လျင်-

တနင်္ဂနွေနေ့ဖွား

မေဓင်္ဂရော ၊ သောဘိတောစ ၊

ပိယဒဿီ ၊ သိခီဇိနော ၊

ရ၀ိဝါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- တနင်္လာနေ့ဖွား

သရဏှင်္ဂရာ ၊ နောမာစ၊

အတ္ထဒဿီစ ၊ ဝေဿဘူ ။

စန္ဒ ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- အင်္ဂါ နေ့ဖွား

ဒီပင်္ကရော ၊ ပဒမောစ ၊

ဓမ္မဒဿီ ၊ ကကုသန္ဓော ၊

ဘောမ ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- ဗုဒ္ဓဟူး နေ့ဖွား

ကောဏ္ဍညော ၊ နာရဒေါ သတ္တာ ၊

သိဒ္ဓတ္ထ ၊ ကောဏဂမနာ ။

ဗုဒ္ဓ ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- ကြာသပတေး နေ့ဖွား

မင်္ဂလော ၊ ပဒုမုတ္တရော ၊

တိဿနာထောစ ၊ ကဿပေါ ။

ဂုရု ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- သောကြာနေ့ဖွား

သုမနော ၊ သုမေဓာ ဗုဒ္ဓေါ ၊

ဖုဿ ဇိနောစ ၊ ဂေါတမော ။

သုက္က ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

——————————————————- စနေ နေ့ဖွား

တဏှင်္ကရော ၊ ရေ၀တောစ ၊

သုဇာတောစ ၊ ၀ိပဿီကော ၊

သောရီ ၀ါရေ ၊ အဘိဇာတာ ၊

တေ နမဿမိ သာဒရံ

နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

 

(၇) ရက်သား/သမီး ဘုရားရှိခိုး(မြန်မာပြန်)

တနင်္ဂနွေနေ့ဖွားအတွက်-

(၁) မေဓင်္ဂရော ၊ သောဘိတောစ ၊

ပိယဒဿီ ၊ သိခီဇိနော ၊

ရ၀ိဝါရေ ၊ အဘိဇာတာ ၊

တေ နမဿမိ သာဒရံ

(၂) နမေနာနေန ကမ္မေန

ပေါရဏကံ ၀ါနဿတု

စတုန်နံ ဗုဒ္ဓတေဇေန

သဒါ သုခီ ဘ၀န္တုမေ ။

(၁)မာရ် ငါးပါး ကို အောင်မြင်တော်မူပြီးသော (မေဓင်္ဂရာ မြတ်စွာဘုရား ၊ သောဘိတ မြတ်စွာဘုရား ၊ ပိယဒဿီ မြတ်စွာဘုရား ၊ သိခီ မြတ်စွာဘုရား) တို့သည် (တနင်္ဂနွေနေ့)တွင် ဖွားမြင်တော်မူခဲ့ကြကုန်၏ ။ ထို (တနင်္ဂနွေနေ့ဖွား) ရှင်တော်မြတ် ဘုရားတို့ကို တပည့် တော်သည် ရိုသေစွာဖြင့် ဦးညွတ်ရှိခိုးပါ၏ အရှင်ဘုရား ။

(၂)ထိုသို့ ဦးညွတ် ရိုကျိုးရှိခိုးရခြင်းအကြောင်းကြောင့် ရှေးကစီမံ မကောင်းကံသည် အမှန်ကွယ်ပျောက် ကောင်းကျိုးရောက်ပါစေသတည်း ။ထိုလေးဆူကုန်သော(တနင်္ဂနွေနေ့ဖွား) ရှင်တော်မြတ် ဘုရားတို့၏ တန်ခိုးတေဇော် အာနုဘော်တော်ကြောင့် တပည့်.တော်အား အခါခပ်သိမ်း ကိုယ်စိတ်နှစ်ဖြာ ချမ်းသာခြင်းစင်စစ် ဖြစ်ပါစေ သတည်း ။

(ကျန်နေ့များ ထို့အတူ သင့်တော်သလိုပြောင်းပြီးမှတ်ရန်)
ဘုရားရှင်တို့၏ ဥာဏ်တော်များနှင့် အသုံးချတော်မူပုံ

(၁) အကြောင်းဟုတ်၊မဟုတ်ကို သိသော ဌာနာဌာန ကောသလ္လ ဥာဏ်တော် (သတ္တ၀ါ တစ်စုံတစ်ယောက် အာသဝေါတရား ကုန်နိုင်၊မကုန်နိုင်(သို့) ရဟန္တာ ဖြစ်နိုင်၊မဖြစ်နိုင်ကို ဤဥာဏ်ဖြင့် ဆင်ခြင်တော်မူသည် ။)

(၂)ကောင်းကျိုး ၊ မကောင်းကျိုး ကို သိသော ၀ိပါက ဥာဏ်တော် (ပုဂ္ဂိုလ်တစ်ယောက်တွင် ဈာန်၊မဂ်ဖိုလ်ရမှု၌ အန္တရာယ် (အဟိတ် ၊ ဒွိဟိတ်ပဋိသန္ဓေနေမှု ) ရှိ၊ မရှိကို ဤဥာဏ်ဖြင့် ဆင်ခြင်တော်မူသည် ။)

(၃)သတ္တ၀ါတို့လားရာ ၊ရောက်ရာကို သိသော သဗ္ဗတ္ထ ဂါမိနီပဋိပဒါ ဥာဏ် (ပုဂ္ဂိုလ်တစ်ယောက်တွင် ဈာန်၊မဂ်ဖိုလ်ရမှု၌ ပဉ္စာနန္တိရိယကံ ရှိ၊ မရှိ ကို ဤဥာဏ်ဖြင့် ဆင်ခြင်တော်မူသည် ။)

(၄) အထူးထူးသော ဓာတ်သဘောများကို သိသော အနေကဓာတု နာနာဓာတု ဥာဏ်တော် ( အထက်ပါ ဥာဏ်(၃)မျိုးနဲ့ ကြည့်ပြီး အန္တရာယ်ကင်းပါမှ ကျွတ်နိုင် ချွတ်နိုင်သော စရိုက်နှင့် ကိုက်ညီမည့် တရားဟော (၀ါ) ကမ္မဋ္ဌာန်းပေးရန် ဤဥာဏ်ဖြင့် ဆင်ခြင်တော်မူသည် ။)

(၅) သတ္တ၀ါတို့၏ ဆန္ဒအလိုကို သိသော နာနာဓိမုတ္တိက ဥာဏ် (သတ္တ၀ါတို့၏ နှလုံးသွင်းတတ်မှု သဘောထားကို သိပြီး သင့်လျော်သောတရားဟောရန် ဤဥာဏ်ဖြင့် ဆင်ခြင်တော်မူသည် ။)

(၆) လူတို့၏ ဣနြေ္ဒအနုအရင့်ကို သိသော ဣနြ္ဒိယပရောပရိယတ္တဥာဏ် (သတ္တ၀ါတို့၏ သဒ္ဓါတရားကောင်း၊မကောင်း ကို ဤဥာဏ်ဖြင့် ဆင်ခြင်တော်မူသည် ။)

(၇) ဈာန်၊၀ိမောက္ခ ၊ သမာဓိ ၊သမာပတ် စသည်တို့၏ ညစ်ညူးကြောင်းကို သိသော ဈာန၀ိမောက္ခ သမာဓိ သမာပတ္တိဥာဏ် တော် (ဤဥာဏ်ဖြင့် ဆင်ခြင်တော်မူပြီးမှ ချွတ်သင့် သည်ဆိုလျှင် သေးကွာသော အရပ်သို့ပင် ကြွရောက် တော်မူပါသည် ။)

(၈)ရှေးဖြစ်ဟောင်း ၊ဘ၀ခန္ဓာဖြစ်စဉ်ကို သိသော ပုဗ္ဗေနိဝါသာနုဿတိဥာဏ် ( ရှေးဘ၀ဖြစ်စဉ်နှင့် အထုံ ၊ပါဂမီစသည်တို့ကို ဤဥာဏ်ဖြင့် ကြည့်ရှု ဆင်ခြင်တော်မူသည် ။)

(၉) သတ္တ၀ါတို့၏ ပဋိသန္ဓေနေခြင်း ၊ စုတေခြင်း တို့ကို သိသော စုတူပပါတ (၀ါ) ဒိဗ္ဗစက္ခု ဥာဏ်တော် ( သတ္တ၀ါတို့၏ လက်တလောစိတ်ဖြစ်စဉ်ကိုလဲ ဤဥာဏ်ဖြင့် ကြည့်ရှု ဆင်ခြင်တော်မူသည် ။)

(၁၀) အာသဝေါတရား ကုန်ရာဖြစ်သော အာသ၀က္ခယ ဥာဏ်တော် (သတ္တ၀ါတို့ အား အရဟတ္တမဂ် တရားပေါက်အောင် တရားဟောရန်အလို့ငှာ ဤဥာဏ်ဖြင့် ကြည့်ရှု ဆင်ခြင်တော်မူသည် ။)
ဘုရားရှင်တို့၏ တူသောအချက်များ

ဘုရားရှင်တို့၏ တူသော အချက်များ (၃၀) ရှိပါသည် ။

(၁) အလောင်းတော်သည် နောက်ဆုံးသောဘ၀၌ မိခင်ဝမ်းကြာတိုက်တွင် ပဋိသန္ဓေ နေတော်မူသည်။ (ဒီမှာထူးခြားတာက နတ်ပြည်ကနေ စုတေကြတာပဲ ဖြစ်ပါတယ် ။ အလောင်းတော်တွေဟာ ဗြဟ္မာပြည်ကနေ စုတေပြီး ပဋိသန္ဓေ နေတော်မူတာမျိုးမရှိပါဘူး..တဲ့ ။ ဘာလို့လဲဆိုတော့ ဗြဟ္မာပြည်ကနေ လာရင် ကာမဂုဏ်ကို ရွံမုန်းတဲ့စိတ် အထုံ လူ့ပြည်ကို ပါလာမယ် ။ အိမ်ထောင်ပြုမှာ မဟုတ်ဘူး ။ (တချို. အပျိုကြီး ၊ လူပျိုကြီး တွေလဲ ဗြဟ္မာပြည်က လာလို့ အိမ်ထောင်မပြုတာလို့ ပြောတာပဲ...ဤကားစာကြွင်း)

အလောင်းတော်တွေဟာ ဒီလို စောစောစီးစီး ကတည်းက ကာမဂုဏ်ကို ရွံမုန်းနေရင်လည်း မဇ္စိမပဋိပဋာ လမ်းစဉ်ကို တွေ့ဖို့ခက်မယ် လို့ ဆိုပါသည် ။

(၂) မယ်တော်ဝမ်း၌ ထက်ဝယ်ပလ္ဘင်ဖွဲ့ခွေ၍ အရှေ့သို့ မျက်နှာမူပြီး နေပါသည် ။ (အလောင်းတော်တွေဟာ သာမန်လူ သန္ဓေသားတွေလို အမိဝမ်းမှာ ပြောင်းပြန်မနေပါ။ အတည့်ပဲနေပါသည်။ မယ်တော်ရဲ. ၀မ်းဗိုက်ဟာလည်း ပူထွက်လာခြင်းမရှိပါ ။ မယ်တော်ဟာ ကိုယ့်သားကို ဗိုက်ကနေ ကောင်းကောင်းမြင်နေရပါသည်။ ချင်ခြင်းတပ်ခြင်း ၊ နာကျင်အော့အန်ခြင်း မရှိပါ ။ အလောင်းတော်တွေဟာ မယ်တော်တွေကို ကိုယ်ဝန်ဆောင်ခြင်းဒုက္ခ မပေးကြပါ ။)

(၃) အလောင်းတော်ကို မတ်တတ်ရပ်လျက် ဖွားသည် ။ (ညစ်ပေမှု မရှိပါ ၊ မိခင်လည်း ကျန်းမာစွာ ရှိရပါသည် ၊ နောက် (၇) ရက်မှာတော့ မိခင် ကံတော်ကုန်ရပါသည် ။ သကျသာကီဝင် ဆိုသည်မှာ ပင်ကိုယ်စွမ်းရည်ရှိသူဟု အဓိပ္ပာယ်ရသည့်အတိုင်း မွေးမွေးခြင်း ကိုယ့်ခြေထောက်ပေါ် ကိုယ်ရပ်ပါသည် ။ စောင့်ကြည့်နေကြသော နတ်၊ဗြဟ္မာတွေတောင် မျက်လုံးပြူးကုန်ကြသည်ဟု ဆိုသည်။(ဤကား။ အရှင် ဥာဏိသာရ၏ အဟော)

(၄) တောအရပ်၌သာ ဖွားတော်မူပါတယ်။

(၅) ဖွားပြီးပြီးခြင်း မြောက်အရပ်သို့ ခြေ (၇)လှမ်းကြွကာ…“ဤလောက၌ ငါသာ အမြတ်ဆုံးတည်း ၊ ငါ၏ နောက်ဆုံး ပဋိသန္ဓေ နေရခြင်းတည်း ၊နောက်ထပ် ပဋိသန္ဓေ နေစရာ မလိုတော့ပြီ ”ဟု ကြုံးဝါးတော်မူပါသည်။ (ထိုကာလတွင် အကိုးကွယ်ခံ ဘ၀သို့ ရောက်မှန်းမသိရောက်နေသော ဗြဟ္မာတွေကို အသိပေးကြုံးဝါးခြင်း ဟုဆို၏။ ဂေါတမ ဘုရားလောင်းသည် (၃) ဘ၀၌ ဖွားစမှာပင် စကားပြော၏ ။ မဟောသဓာ ၊ ဝေဿန္တရာ နှင့် နောင်ဆုံးဘ၀ -(သုခမှတ်စု))

(၆) သူအို၊သူနာ၊သူသေ ၊ရဟန်း နိမိတ် (၄)ပါးမြင်၍ သား(၁)ယောက်ဖွားသော ညမှသာ တောထွက်တော်မူကြသည်။ (ထိုနိမိတ်ပြသော နတ်သားကို ဘုရားလောင်း၏ ဆရာ ၅-ယောက် တွင် ၁-ယောက် အပါအ၀င်ဟု သတ်မှတ်သည်။)

(၇) အရဟတ္တဖိုလ်၏ တံခွန်ဖြစ်သော ရဟန်းအဖြစ်ကို ရယူပြီးမှ ဒုက္ကရစရိယကျင့်သည်။ (အရဟတ္တဖိုလ်၏ တန်ဖိုးသည် ရဟန်းမှ မည်သည့် အမျိုးနှင့်မျှ မတန်ဟုဆိုသည်။ လူဝတ်ကြောင် မှ အရဟတ္တဖိုလ်ရလျှင်လည်း ရဟန်းဝတ်ချင်ဝတ်၊ မ၀တ်ချင်လျှင် ပရိနိဗ္ဗာန်စံဝင်ကြရသည်။)

(၈) ဘုရားဖြစ်မည့်နေ့ နွားနို့ဃနာဆွမ်း ဘုန်းပေးတော်မူကြသည်။ (ထိုဆွမ်းတွင် နတ်သြဇာပါတတ်ပြီး ဘုရားဖြစ်ပြီး (၇) ပတ် ၊ (၄၉) ရက်စာ အာဟာရဖြစ်သည်။ ဘုရားရှင်၏ ၀မ်းထဲတွင် အစာခြေလဲ မမြန် ၊ မြန်မြန်လဲ မဆာလောင်ပဲ သမာပတ်ဝင်စားခြင်း ၊ တရားတော်များကို ဆင်ခြင်သုံးသပ်ခြင်းများ အတွက် ကောင်းစွာ ထောက်ပံ့သည်။)

(၉) မြက်အခင်းတွင် ထိုင်တော်မူလျက် ဘုရားဖြစ်သည်။

(၁၀) အာနပါန ကမ္မဌာန်းကို စီးဖြန်းတော်မူကြသည်။ (ဘုရားရှင်တို့သည် အာနပါန ကမ္မဌာန်းဖြင့်သာ သဗ္ဗညုတဥာဏ်တော်ကို ရရှိကြသောကြောင့် ဂေါတမ ဘုရားရှင်သည်လည်း အာနပါန ကိုလွန်စွာ ချီးမွမ်းတော်မူသည်။ မဟာသတိပဌာနသုတ် ( ဒီ-၂ ၊ ၃၁ )၊ မဟာသတိပဌာနသုတ် ( မ-၁ ၊ ၇၀ )၊ တတိယပါရာဇိက ပါဠိ ( ၀ိ-၁ ၊ ၈၉ )၊ အာနာပါနဿတိ သုတ် ( မ-၃ ၊ ၁၂၂ )၊ မဟာရာဟုလောဝါဒသုတ် ( မ-၂ ၊ ၈၈ )၊ ကာယဂတာသတိသုတ် ( မ-၃ ၊ ၁၃၀ ) တို့၌ ဟောတော်မူခဲ့သည်။)

(၁၁) မာရ်စစ်သည်ကို အောင်တော်မူသည် ။

(၁၂) ဗောဓိပလ္လင်၌သာ ၀ိဇ္ဇာ(၃)ပါးစသော ဆအသာဓာရဏ …အစရှိသော ကျေးဇူးတရားအပေါင်းကို ရတော်မူကြပါသည်။

(၁၃) ဗောဓိပင်ရဲ. ထက်ဝန်းကျင်၌သာ သတ္တ သတ္တာယ(၇) ဌာန ကျင့်တော်မူကြသည်။

(၁၄) တရားဦးဟော စိမ့်သောငှာ ဗြဟ္မာမင်းက လျှောက်ရသည် ။ ၇-သတ္တဟ အပြီး ၅၀-ရက်မြောက်နေ့မှာ အဘယ်သူအား တရားဟောရမည်နည်း ၊ အဘယ်သူသည် ခက်ခဲနက်နဲသော ဤတရားများကို ခေတ်ကာလ၏ အယူဝါဒများမှ ခွဲထွက်၍ လျင်မြန်စွာ နားလည်နိုင်မည်နည်း ဟုဆင်ခြင် ကြည့်တော်မူပါသည်။ ဆင်ခြင်တဲ့ နေရာတွင် ဘုရားရှင်များသည် ပကတိမျက်စိကိုပဲ သုံးတော်မူကြတယ်လို့ ဟောသည်။ ပကတိမျက်စိနှင့် ကြည့်တော့ ပထမမှာ ဒီလောက် ခက်ခဲနေတဲ့ တရားတွေကို နားလည်သဘောပေါက်ပြီး စောစောစီးစီး တရားထူးရမယ့် သူကိုမတွေ့ဘူးလို့ ဆိုသည်။ ကိလေသာထူပြောလွန်းတဲ့ လောကကို တရားမဟော၊ တစ်ကိုယ်တည်း ဖိုလ် ချမ်းသာနဲ့ နေတော့မယ် ဆိုတဲ့ စိတ်အကြံလည်း ဖြစ်လာသည်။ ထိုအခါ ဗြဟ္မာမင်းက တရားဦးဟောရန်လျှောက်ရသည်။ ဂေါတမဘုရားရှင်ကိုတော့ မဟာသဟမ္ပတိ ဗြဟ္မာမင်းက တောင်းပန်သည် လို့ဆိုပါသည်။ ဒီဃန်ိကယ် မှာ ၀ိပဿီ ဘုရားရှင်လည်း ဒီလို ဖြစ်ခဲ့သည်ဟု အတိအလင်း ရေးထားသည်။)

(၁၅) ဣတိပတနမိဂဒါဝုန်တော ၌သာ ဓမ္မစကြာတရားဦးကို ဟောတော်မူကြသည်။

(၁၆) တပို့တွဲလပြည့်နေ့ ၌သာ ပါတိမောက် ပြတော်မူကြသည်။

(၁၇) ဇေတ၀န်မည်သော ကျောင်းတော်၌သာ သီတင်းသုံးကြသည်။ (ပိဋကတ်တော်တွင် (၁၄) ၀ါမြောက်၊ ( ၂၁ ) ၀ါမှ ( ၄၄ ) ၀ါ အထိ (၂၅) ၀ါ ဇေတ၀န်ကျောင်းတော်မှာ သီတင်းသုံးပါသည်။ ဇာတိမြေ ကပိလ၀တ်မှ န်ိဂြောဓာရုံကျောင်းမှာ(၁၅) ၀ါမြောက် တစ်ဝါသာ သီတင်းသုံးတော်မူပါသည်။)

(၁၈) သာဝတ္ထိမြို့၌သာ ယမိုက်ပြာဋိဟာ ပြတော်မူပါသည်။ ( ယမိုက်+ပြာဋိဟာ = အစုံစုံ + တန်ခိုး ။ ရေအစုံ၊ မီးအစုံ ဟုဆိုအပ်သော အစုံလိုက် အစုံလိုက် ဖြစ်ပေါ်စေသော တန်ခိုးတော် )

(၁၉) တာဝတိသာ၌သာ အဘိဓမ္မာတရားဟောသည်။

(၂၀) သင်္ကဿနဂိုရ်ပြည်၌သာ နတ်ပြည်မှ သက်တော်မူပါသည်။

(၂၁) ဖလသမာပတ်ကို မပြတ်ဝင်စားတော်မူပါသည်။

(၂၂) နံနက်အခါ ၊ ညဉ့်အခါ တို့၌ ကျွတ်ထိုက်သော ဝေနေယျကို ကြည့်ရှုတော်မူပါသည်။ (နေ့ (၃) ခါ ၊ ည (၃)ခါ ..၆ ခါ ကြည့် ပါသည်။)

(၂၃) အကြောင်းရှိမှ ၀ိနည်းတရားတို.ကို ပညတ်တော်မူပါသည်။ ( ဒီဝိနည်းတွေကို စောစောကတည်းက ကြိုထုတ်ထားရင် ဘယ်သူမှ ရဟန်းဝတ်ရဲ/၀တ်ချင်မှာ မဟုတ်ဘူးဟု ဆိုသည်။ ထို့ကြောင့် ဖြစ်စဉ်ပေါ်လာမှ စည်းကမ်းထုတ်ခြင်း ဖြစ်သည်။)

(၂၄) အတ္ထုပ္ပတ္တိ နဲ့ တိုက်ဆိုင်မှုရှိလျှင် အတိတ်မှ ဇာတ်တရားများကို ဟောသည်။

(၂၅) ဆွေတော် ၊ မျိုးတော်တို့၏ အစည်းအဝေး တရားပွဲများတွင် ဗုဒ္ဓ၀င် ကိုသာဟောတော်မူကြသည်။

(၂၆) ဧည့်သည်ရဟန်းတို့နှင့် တရားစကား ပြောတော်မူကြသည်။

(၂၇) ဒါယကာတို့ ဖိတ်၍ ၀ါဆိုတော်မူသော် ၊ ၀ါကျွတ်လျှင် ဒါယကာတို့ အားပန်ကြားပြီးမှ သာ ထွက်ခွာကြွသွားတော်မူကြသည်။

(၂၈) နေ့စဉ် အခါခပ်သိမ်း ဗုဒ္ဓကိစ္စငါးပါး ကို ပြုတော်မူသည်။

(၂၉) ပရိနိဗ္ဗာန်ပြုအံ့သောနေ့၌ သားပြွမ်းဆွမ်းကို ဘုဉ်းပေးတော်မူသည်။ (မြတ်စွာဘုရား နောက်ဆုံးဘုန်းပေးတဲ့ဆွမ်းသည် ၀က်သား (၀က်ပျိုသား) ( မဟာအဋ္ဌကထာ၊ PDS dictionary အရ ) နဲ့ မှို ဆိုပြီး (၂)မျိုး ရှိနေသည်။ ပါဠိလို “သူကရမက္တ၀” လို့ခေါ်တဲ့ အရာ(ဘောဇဉ်) ကို ဘုရားရှင် ဘုန်းပေးခြင်းဖြစ်သည်။ ကမ္ဘာပေါ်မှာ ပါဠ်ိ-အင်္ဂလိပ် အဘိဓာန် ၁ ခုကလွဲရင် အခြားသော ဘာသာပြန်တွေမှာ မှို လို့ပဲ အဓိပ္ပါယ် ဖွင့်ကြသည်။ အားလုံး အဘိဓာန် (၅)ခုက ဘာသာပြန်ထားသည်။ မှို ၊ ဆေးပေါင်းစုံဟင်း ၊နူးညံ့လှစွာသော မကြီးမငယ် ၀က်သား၊ ၊မျှစ် (ဥဒါန်းအဋ္ဌကထာအရ)၊ နွားနို့နဲ့ ချက်ထားတဲ့ ထမင်းစားဖွယ် စသည် (၅)မျိုး ရှိနေပါသည်။ မြန်မာဆရာတော်တွေက ထိုရာသီမှာ မှို မပွင့်သေးလို့ ၀က်သားကိုပဲ ယူသည်။ နိုင်ငံတကာမှာကတော့ မှိုကို ယူကြသည်။ အခါမဟုတ်မှိုကို ဘုန်းပေးပြီးတော့ အဆိပ်သင့်တာလို့ ဆိုကြသည်။ ထို့ကြောင့် “သူကရမက္တ၀”ဟာ ဘာသာပြန်ကွဲလွဲမှုရှိနေသည်။ ဘုရားရှင်တို့၏ တူရာ အချက် (၃၀) အရ သားပြွမ်းဆွမ်း ဘုဉ်းပေးတော်မူရမယ်ဆိုတော့ ၀က်သား ဟု ပြောရမှာပါ။)

(၃၀) သမာပတ်ဝင်စားပြီးမှ ပရိနိဗ္ဗာန်ပြုတော်မူသည်။

ရည်ညွှန်းကိုးကား
   1. ↑ သမ္ဗုဒ္ဓေ ဂါ ထာ
   2. ↑ ဗုဒ္ဓပကိဏ္ဏကခန်း
   3. ↑ ဗုဒ္ဓဘာသာကောင်းတစ်ယောက် မှ
   4. ↑ ဦးပညာသီဟ “ ပိဋကတ် လမ်းညွှန် စာအုပ် ”
    * သုတေသနသရုပ်ပြအဘိဓာန် - ဖျာပုံတိုက်သစ်ဆရာတော်
    * ဗုဒ္ဓ၀ံသ။ ပါဠိ။ ၃၈၁။ အဋ္ဌကထာ။ ၃၄၈၊
    * အပဒါန်။ ပါဋ္ဌိ။ ပ-အုပ်။ ၅၄။
    * စရိယာပိဋက ။ပါဋ္ဌိ။ ၁၄။
 

သင်္ကန်းဘယ်ဘက်တင်တာ ဘာ့ကြောင့်လဲ အမေးအဖြေကဏ္ဍ

အမေး။ ။အရှင်ဘုရား…သံဃာတော်များ သင်္ဃန်းကို ဘာကြောင် ဘယ်ဘက်သို့ ရုံကြတာလဲဘု၇ား။ ညာဘက်ရုံရင်ရော ဘာဖြစ်နိုင်ပါသလဲ။ နောက်တစ်ခုက အလှူပြုခြင်းအကြောင်းနဲ့ပတ်သက်ပြီး တပည့်တော်က တစ်ဦးတစ်ယောက်အား ငွေ(သို့မဟုတ်) ပစ္စည်းလှူလိုက်ပါတယ်။ အလှူခံတဲ့သူက ထိုပစ္စည်းကို တစ်ခြားသူတစ်ယောက်ကို ပေးလှူလိုက်ပါတယ်။ ဒါဆိုရင် တပည့်တော်မှ ကုသိုလ်နှစ်ခါရနိုင်ပါသလားဘုရား။
တာလေးရှိလို့ပါ။သံဃာတော်များသင်္ဃန်းကိုဘာကြောင့်ဘယ်ဘက်သို့ရုံကြတာလဲဘုရား။ညာဘက်၇ုံရင်ရောာဘာဖြစ်နိုင်ပါသလဲဘုရား။
နောက်တခုက အလှူပြုခြင်းအကြောင်းပါ။တပည့်တော်က တစ်ဦးတစ်ယောက်အား ငွေ သို့မဟုတ် ပစ္စည်း လှူလိုက်ပြီး ထိုသူက တခြားသူတစ်ဦးဦး အားလှူလိုက်ရင် တပည်တော်မှာ ကုသိုလ်နှစ်ခါရနှိင်ပါသလား။
white devil (နေရပ်မရှိ)

အဖြေ။ ။သင်္ကန်းကို ဘယ်ဘက်ပုခုံးပေါ်တင်ပြီး ရမ်းကြတာနဲ့ပတ်သက်ပြီး စာပေမှာ ရှာကြည့်တဲ့အခါ (ပဌမံ ကေသမဿုံ သြဟာရာပေတွာ ကာသာယာနိ ၀တ္ထာနိ အစ္ဆာဒါပေတွာ ဧကံသံ ဥတ္တရာသင်္ဂံ ကာရာပေတွာ )လို့ မဟာဝါပါဠိတော်၊ မဟာခန္ဓက၊ ပဗ္ဗဇ္ဇူပသမ္ပဒါကထာ မှာ မိန့်တော်မူ ထားတာတွေ့ရပါတယ်။ ထိုပါဠိထဲက ‘ဧကံသံ ဥတ္တရာသင်္ဂံ’ ကိုကြည့်ရမှာဖြစ်တယ်။ ဒီစကားလုံးဟာ အခြားနေရာတွေမှာလဲ တွေ့ရပါတယ်။ အဓိပ္ပါယ်က ရှင်ပြုတဲ့အခါ ရှေးဦးစွာ ဆံမုတ်ဆိတ်ကို ပယ်ပြီး ဖန်ရည်စွန်းတဲ့သင်္ကန်းကို ဖုံးလွမ်းကာ အပေါ်ရုံသင်္ကန်းကို ပုခုံးတစ်ဖက်မှာ တင်ရမယ် လို့ လာပါတယ်။
ဘယ်ဘက်ပုခုံးမှာတင်ပါလို့တော့ အထူးဝိသေသမပါပါဘူး။ ဒါပေမဲ့ ခေတ်အဆင့်ဆင့်က ဒီလိုပဲ ဘယ်ဘက်ကို တင်လာကြပါတယ်။ နောက်တစ်ခုက ကမ္ဘာမှာရှိကြတဲ့လူများဟာ အများအားဖြင့် ညာဘက်လက်က သန်တာ များကြပြီး၊ လက်နဲ့ပြုလုပ်တဲ့အခါ အများအားဖြင့် ညာဖက်က ပြုလုပ်ကြတာများကြပါတယ်။ ဒါကြောင့်လဲ သင်္ကန်းရမ်းတဲ့အခါ ညာဖက်လက်ကသင်္ကန်းအစကိုင်ပြီး ဘယ်ဘက်ပုခုံး ပေါ်တင်ကြတာ သဘာဝဖြစ်နေပါတော့တယ်။ ပါဠိတော်ကတော့ ဘာ့ကြောင့် ဘယ်ဘက်ပုခုံးတင်ရတာလဲဆိုတဲ့ အကြောင်းပြချက်တော့ အထူးမရှိပါဘူး။
တကယ်လို့ ပညာရှင်များ အဋ္ဌကထာတွေမှာ ရှာတွေ့တယ်ဆိုရင် ထပ်မံဖေါ်ပြပေးကြဖို့ တိုက်တွန်းလိုက်ပါရစေ။
အလှူနဲ့ပတ်သက်ပြီး ကိုယ်လှူလိုက်တဲ့ဒါနအပေါ်မှာ အလှူခံသူက တစ်ခြားတစ်ယောက်ကို ပေးလှူလိုက်တယ်။ဒီလိုပေးလှူလိုက်တဲ့ အကြောင်းကိုလဲ ပထမအလှူရှင်ကသိသွားလို့ ကျေနပ်ဝမ်းမြောက်မှုဖြစ်ရင်တော့ ကုသိုလ်ထပ်ရတယ်။ ဒါပေမဲ့ “ငါကသူ့ကိုသုံးစေချင်လို့ လှူတာ သူကတစ်ခြားသူကို ပေးလိုက်ရကောင်းလား” ဆိုပြီး စိတ်ဆိုးနေမယ်ဆိုရင်တော့ ကုသိုလ်မရနိုင်ပါဘူး။
အမှန်က လှူလိုက်တဲ့ပစ္စည်းကို ရရှိတဲ့သူက အခြားသူအားပေးတာဖြစ်စေ၊မပေးတာဖြစ်စေ အဓိကမဟုတ်ပါဘူး။ ကိုယ်ပြုလိုက် တဲ့ကုသိုလ်အပေါ်မှာပဲ ထပ်ခါတလဲလဲ တွေးပြီး ကြည်နူးဝမ်းမြောက်နေမယ်ဆိုရင် ၀မ်းမြောက်မှုဖြစ်သလောက် ကုသိုလ်ရနေမယ်ဆိုတာပါပဲ၊ အကြိမ်ကြိမ်တွေးရင် အကြိမ်ကြိမ် ကုသိုလ်ရနေမယ်။ ဒါဆိုရင် သဘောရှင်းလောက်ပါပြီ။

ဖိနပ်ခွင့်ပြုတော်မူခြင်း(မဟာဝဂ်ပါဠိတော်မြန်မာပြန်)(၀ိမြန်၃၊၂၇၁)

၂၅၄။ မြတ်စွာဘုရားသည် ရဟန်းတို့ကို " ရဟန်းတို့ ဤသို့လျှင် အမျိုးကောင်းသားတို့သည် အရဟတ္တဖိုလ်ကို လျှောက်ထားကုန၏ မိမိကိုယ်ကို တိုက်ရိုက်အားဖြင့် မဆောင်မကြားပဲ(ရဟန္တာဖြစ်ခြင်း၏)အကြောင်းကိုလည်း ပြောကြား၏။ ထိုသို့ ဖြင့်သင့်ပါလျှတ် အချို့သော (မဂ်ဖိုလ်)မှ အချည်းနှီးဖြစ်သော ယောက်ျားတို့သည် ရယ်ရွှင်ဖွယ်ပြုသကဲ့သို့ အရဟတ္တဖိုလ်ပြောကြားကုန်၏။ ထိုသူတို့သည် နောက်ကာလ၌ ပင်ပန်းဆင်းရဲခြင်းသို့ရောက်ကုန်၏ '' ဟု မိန့်တော်မူ၏။

            ထိုအခါ မြတ်စွာဘုရားသည် အရှင်သောဏကို '' သောဏ သင်သည် နူးညံ့သိမ်မွေ့၏။ သောဏ သင့်အား လွှားချင်းဖိနပ်ကို ခွင့်ပြု၏ ''ဟု မိန့်တော်မူ၏။ '' အရှင်ဘုရား အကျွန်ုပ်သည် လှည်းအစီး ရှစ်ဆယ် ဆိုက်ရသော ရွှေ၊ ငွေ တို့ကိုလည်းကောင်း၊

ဆင်တပ်ပေါင်း ခုနှစ်တပ်ကိုလည်းကောင်း စွန့်၍ လူ့ဘောင်မှ ရဟန်းဘောင်သို့ ၀င်ရောက်၏။  အရှင်ဘုရား ထိုသို့ဖြစ်ပါလျှတ် အကျွန်ုပ်သည် လွှားချင်းဖိနပ်ကို အကျွန်ုပ်ဆောင်ငြားအံ့၊ ထိုအကျွန်ုပ်အား " ကောဠိဝိသအမျိုး၌ ဖြစ်သော သောဏသည် လှည်းအစီးရှစ်ဆယ်တိုတ်ရသော ရွှေ၊ ငွေတို့ကိုလည်းကောင်း၊ ဆင်တပ်ပေါင်းခုနှစ်တပ်ကိုလည်းကောင်း စွန့်၍ လူ့ဘောင်မှ ရဟန်းဘောင်သို့ဝင်ရောက်၏။ ထိုသောဏသည် ယခုအခါ လွှားချင်းဖိနပ်အား ကပ်ငြိတွယ်တာ၏ '' ဟု ပြောဆိုကြကုန်လတ္တံ၊

အကယ်၍ မြတ်စွာဘုရားသည် ရဟန်းအပေါင်းအား ခွင့်ပြုငြားအံ့၊ အကျွန်ုပ်သည်လည်း သုံးဆောင်ပါအံ့၊ အကယ်၍ မြတ်စွာဘုရားသည် ရဟန်းအပေါင်းအား ခွင့်မပြုငြားအံ့ အကျွန်ုပ်သည်လည်း မသုံးပါအံ့ဟု၊လျှောက်ထား၏။

             ထိုအခါ မြတ်စွာဘုရားသည် ဤအကြောင်းအရာကြောင့်တရားစကားကို ဟောတော်မူပြီးလျှင် ရဟန်းတို့ကို '' ရဟန်းတို့ လွှားချင်းဖိနပ်ကို ခွင့်ပြု၏၊ ရဟန်းတို့ နှစ်လွှာဖိနပ်၊ သုံးလွှာဖိနပ်၊ အလွှာများသော ဖိနပ်တို့ကို မဆောင်နှင့်။ ဆောင်သော ရဟန်းအားဒုက္ကဋ်အာပတ်သင့်၏ "  ဟု မိန့်တော်မူ၏။

 

    ဖိနပ်လှူဒါန်းရခြင်းအကျိုး……

• ဆင်ယဉ်၊မြင်းယဉ်၊ထမ်းစင်သံလျင်ပေါင်း ခြောက်သိန်းရရှိခြင်း။
• ခြေလှမ်းတိုင်း ခြေလှမ်းတိုင်း မြခြေနင်း၊ ကမ္ဗလာခြေနင်း၊ ရွှေခြေနင်း၊ ငွေခြေနင်းတို့က ဖ၀ါးလှမ်းတိုင်းခံလာရခြင်း။
• သံသရာမှ လွတ်မြောက်ရာဖြစ်သော လမ်းသို့သတိတရား ပြေးသွားခြင်း။
• အကျင့်စင်ကြယ်အောင် သုတ်သင်ခြင်းငှာ သတိပြုမိလာခြင်း။

သင်္ကန်းဖြစ်ပေါ်လာပုံ

ပိတ်စအကောင်းကို ပိုင်းဖြတ်ပြီုးပြန်လည်ချုပ်စပ်ခြင်းဖြင့် သင်္ကန်းကို ပြုလုပ်ရသည်ဟု ဆိုသော်လည်း ကြုံသလို  သင့်တော်သလို ဖြတ်တောက်ချုပ်လုပ်ထားခြင်း မဟုတ်ပါ။ အခန်းများ အစပ်များဖြင့် စနစ်တကျ ပုံစံတကျ ပြုလုပ်ထားခြင်းဖြစ်ပါသည်.။ သင်္ကန်းတစ်ထည် ကိုကောက်ကြည့်လိုက်လျှင် မည်မျှစနစ် ကျသောပုံစံ ဖြစ်ကြောင်းသိနိုင်သည်။

သင်္ကန်းတစ်ထည်တွင်-

၁။ တလုပ်မြောင်းရှည်-ကုသိ၊၊

၂။ တလုပ်မြောင်းတို-အဍ္ဎကုသိ။

၃။ အိမ်ဝန်းကြီး-မဟာမဏ္ဍလ။

၎။ အိမ်ဝန်းငယ်-စူဠမဏ္ဍလ.။

၅။ အလယ်ခေါင်စပ်-ဝိဝဋ္ဋ။

၆။ ခေါင်ရန်စပ်-အနုဝိဝဋ္ဋ။

၇။ လက်လိပ်စပ်(လက်နားစပ်)-ဗာဟန္တ(ဝဲ/ယာ)။

၈။ လည်ပင်းထိရာ အနာပတ်-ဂီဝေယျာက။

၉။ သလုံးမြင်းခေါင်းထိရာ အနားပတ်-ဇင်္ဃေယျ။

အားဖြင့် အင်္ဂါ  ၉  ရပ်၊ အစပ်အလွှာ အခန်းအားဖြင့် ငါးစပ်ငါးလွှာ ငါးခန်းရှိပါသည်။

 

 

အထက်ပါ သင်္ကန်းချုပ်လုပ်ပုံ ပုံစံကို မြတ်ဗုဒ္ဓရှင်တော် ရာဇဂြိုဟ်ပြည်မှသည် ဒက္ခိဏဂီရိအရပ်သို့ ဒေသစာရီ ကြွချတော်မူစဉ် လမ်းခရီးအကြားမှာ တွေမြင်ရသော မဂဓလယ်ကွင်းများကို အရှင်အာနန္ဒာအား ညွှန်ပြကာ ခွင့်ပြုတော်မူခဲကခြင်းဖြစ်သည်။ သီးနှံဖွံနည်းကို နည်းယူကာ သင်္ကန်းချုပ်လုပ်စေတော်မခဲ့ခြင်းဖြစ်ပါသည်။

   သင်္ကန်းတစ်ထည်ကို သာမန်ကြည့်လျှင် အထက် အောက် ခွဲခြားနိုင်စရာ အကြောင်းမရှိပါ။ ဂီဝေယျကခေါ် လည်ပင်းထိရာ အနားပက်သည် အထက်ဖြစ်၍ ဇင်္ဃေယျကခေါ် သလုံးမြင်းခေါင်းထိရာ အနားပတ်သည် အောင်ဖြစ်ပါသည်။

             သင်္ကန်းဝတ်ရုံရာမှာ ဂီဝေယျာကကို အထက်ကထားပြီး ဇင်္ဃေယျကကို အောက်ကထား၍ ၀တ်ရုံရပါသည်။ သင်္ကန်းဝတ်ပုံ အထက်အောက်မှန် သိလိုလျှင် ရဟန်းတော်၏နောက်ကျော ဘက်ကိုကြည့်ပါ။ လည်ပင်းအနားပတ်သည် အပေါ်ကနေလျှင် နောက်ကျောတည့်တည့်မှာ မဟာမဏ္ဍလအိမ်ဝန်းကြီးနှင့် အကိုက်ဖြစ်၍ ချုပ်ရိုးများ မမြင်ရပါ။

အကယ်၍ ခြေသလုံးအနားပက်ကို အောက်ကထားရမည့်အစား အပေါ်ကထား၍ ၀တ်မိ ပါမူ နောက်ကျောဘက်သည် စူဠမဏ္ဍလအိမ်ဝန်းငယ်နှင့် ကြုံကာချုပ်ရိုးများစွာ မြင်နေရပါမည်။

          ဘေးပတ်သည် အနားပက်လေးခုသည် အနားပတ်သာဖြစ်၍ သင်္ကန်းသားတွင် မပါဝင်။ ထို့ကြောင့် ကပ္ပဗိန္ဓုထိုးရာမှာ သင်္ကန်းသား အနားပတ်၏အတွင်းကျကျမှာ ထိုးပါ။ အနားပတ်ပေါ်တွင် မထိုးရပါ။

            ထို့ပြင် ဗာဟန္တခေါ်လက်လိပ်စပ်များတွင်  ကြိုးငယ်ကလေးများ တစ်ခုစီပါရှိသည်။ အထက်ပိုင်းရှိ လက်လိပ်စပ်ကြိုးများကို ချည်နှောင်ခြင်းဖြင့် လက်လိပ်မပြေစေရန် ပြုလုပ်ပေးသည်။ အောက်ပိုင်းရှိ လက်လိပ်စပ်ကြိုးများကို ချည်နှောင်လိုက်လျှင် သင်္ကန်းက လေဘယ်လောကတိုက်တိုက်လွင့်ပါ ကွာဟမသွားဘဲ ရင်ဘတ်မပေါ်စေရန် ပြုလုပ်ပေးထားခြင်းဖြစ်သည်။ လက်လိပ်ကြိုးငယ်များမှာ တပ်ဆင်ရန် ကမ္ပတ်သီးများလည်းရှိ၏။ ကမ္ပတ်သီးဖြင့် ကြိုးငယ်များကို ချည်နှောင်ရသည်။

           အနားပတ်သည် သင်္ကန်းသားကို ခိုင်မြဲစေရန် ထည့်သွင်းထားခြင်းဖြစ်၍ ပိတ်သားနှစ်ထပ်  ပြုလုပ်ထားကြောင်းတွေ့ရှိပါသည်။

ဝါဆိုသင်္ကန်းပေးလှူဒါန်း ပီတိရင်မှာလွှမ်း

 

ဤလမြတ်ဝါဆိုအချိန်ကာလတွင် သံဃာတော်အရှင်မြတ်များအတွက် ၀ါဆိုသင်္ကန်းကို

ဆပ်ကပ်လှူဒါန်းခွင့်ရခြင်းသည် ..........

မိမိတို့၏ ကြီးမားလှသော ပါရမီအဟုန်တို့ကြောင့် ဖြစ်ပါသည်။ဤ၀ါဆိုသင်္ကန်း (ခေါ်) မိုးရေခံသင်္ကန်းကို

စတင်လှူဒါန်းခွင့်ရအောင် လျှောက် ထားပန်ကြားပေးခဲ့သော ပုဗ္ဖာရုံကျောင်းအမကြီး ၀်ိသာခါ၏

ကျေးဇူးတရားကြောင့်ပင်ဖြစ်ပါသည်။ထိုကျောင်းအမသည် ဤ၀ါဆိုသင်္ကန်းကို လှူဒါန်းခွင့်ရခြင်းသည်

လှူဒါန်းနိုင်သောကြောင့်လည်းကောင်း၊ ကျောင်းအမဟူသော အရှိန်အ၀ါကြောင်းလည်းကောင်း၊ ၀ါဆိုသင်္ကန်း(ခေါ်)

မိုရေခံသင်္ကန်းကို လှူဒါန်းခွင့်ရခြင်းမဟုတ်ပါ။ကမ္ဘာတစ်သိန်းကာလတိုင်အောင် ဖြည့်ကျင့်ဆည်းပူးခဲ့သော

ပါရမီတော်အဟုန်တို့ကြောင့် ၀ါဆိုသင်္ကန်းဆပ်ကပ်လှူဒါန်းခွင့်ကို ရခဲ့ခြင်းဖြစ်သည်။ထို့အတူ မိမိတို့သည် လည်း

ဝါဆိုသင်္ကန်းကို ဆပ်ကပ်ခွင့်ရအောင် သာသနာတော်နှင့် ဆုံအောင်ပါရမီများကို ဖြည့်ကျင့်ခဲ့ရပြီး ဖြစ်ပါသည်။

လှူဒါန်းနိုင်သော ငွေကြေးဥစ္စာပိုင်ဆိုင်သောကြောင့်လည်းကောင်း၊

သူတစ်ပါး၏တိုက်တွန်းမှုကြောင့်လည်းကောင်း၊အကြောင်းတိုက် ဆိုင်၍ လှူဒါန်းခွင့်ရခြင်းကြောင့်လည်းကောင်း၊

မည်သို့ပင် ၀ါဆိုသင်္ကန်းကို လှူဒါန်းခွင့်ရစေကာမူ မိမိတို့၏ ဘ၀အဆက်ဆက်မှ သူတော်ကောင်းဓါတ်ခံ ပါရမီတို့၏

လှုံဆော်မှုကြောင့် လှူဒါန်းခွင့်ရခြင်းဖြစ်သည်ဟု ၀မ်းသာပီတိဖြစ်နိုင်ပါသည်။

သံဃာတော်အရှင်မြတ်တို့ရေသန့်စင်ရာတွင် သင်္ကန်းမလုံလောက်မှုကို ကြားသိရသော ၀ိသာခါကျောင်းအမသည်

ဝါဆိုသင်္ကန်း(ခေါ်) မိုးရေခံသင်္ကန်းကို ကပ်လှူပူဇော်ခွင့်ရအောင် ဘုရားရှင်အဆက်ဆက်တွင် ကမ္ဘာတစ်သိန်းတိုင်

အောင် ပါရမီအရှိန်သည် ပြည့်လေပြီ။ဆရာကြီး ဦးရွှေအောင်ရေးသားသော ဓမ္မပဒတွင် ဆရာကြီးက ဤသို့ရေးထား

သည်။

"ယခုတော့ အချိန်သည် စေ့ရောက်လေပြီ။ ပွင့်ချိန်တန်သောအခါပွင့်၍ သီးချိန်တန်မှ သီးကြသည်မှာလည်း ဓမ္မတာ

ဖြစ်၏။အမှန်အားဖြင့် လောကတွင် ကြုံကြိုက်ခြင်းဟူ၍ မရှိ။အကြောင်းတရားတို့၏ ပြည့်စုံခြင်းသာ ရှိ၏။အကြောင်း

တရားတို့၏ ပြည့်စုံခြင်းကို အပြည့်အစုံမခွဲခြားနိုင်သောအခါ ကြုံကြိုက်ခြင်းဟူ၍ ဆိုကြ၏။ဝိသာခါ ကျောင်းအမကြီး

သည်ကမ္ဘာတစ်သိန်းအထက်က ပဒုမုတ္တရ မြတ်စွာဘုရားထံတော်၌ စိုက်ပျိုးခဲ့သော မိမိ၏ကောင်းမှုမျိုးစေ့သည် ယခု

ဂေါတမမြတ်စွာဘုရား၏ လက်ထက်တော်၌ အသီးသီးပေပြီ။မျိုးစေ့ကို စိုက်ပျိုးခြင်းနှင့် မျိုးစေ့မှ အသီးသီးခြင်းတို့ကား

နှစ်ပေါင်းကမ္ဘာတစ်သိန်းကြာ၏။မျိုးစေ့၏ ဓမ္မတာပင်ဖြစ်၏။မျိုးစေ့၏ အသီးအနေဖြင့် ၀ိသာခါသည်ဆုရှစ်ပါးကိုလည်း

ကောင်း၊ ဧတဂဒ်ကို လည်းကောင်းရမည်ဖြစ်၏။

ဆုရှစ်ပါးဟူသည်မှာ-

၁။သံဃာအား အသက်ထက်ဆုံး မိုးရေခံသင်္ကန်း(၀ါဆိုသင်္ကန်း) ကိုလှူဒါန်းခွင့်ရခြင်း

၂။အာဂန္တုက ဧည့်သည်ရဟန်းတို့အား ဆွမ်းလှူဒါန်းခွင့်ရခြင်း

၃။ဂိလာန ရဟန်းတို့အား ဆွမ်းလှူဒါန်းခွင့်ရခြင်း

၎။သူနာပြုရဟန်းတို့အား ဆေးဝါးလှူဒါန်းခွင့်ရခြင်း

၅။ခရီးသွား ရဟန်းတို့အား ဆွမ်းလှူဒါန်းခွင့်ရခြင်း

၆။အမြဲတမ်း ယာဂု လှူဒါန်းခွင့်ရခြင်း

၇။ဘိက္ခူနီသံဃာအား ရေသနုပ်သင်္ကန်းကို လှူဒါန်းခွင့်ရခြင်း

တို့ဖြစ်ကြ၏။"

သာသနာတော်၌ အရှင်ကောင်းတို့အား လှူဒါန်းခွင့်ရခြင်းသည် နှယ်နှယ်ရရ ဘုန်းကံမဟုတ်။ ယင်းသို့လှူဒါန်းခွင့်ရ

ခြင်းကို ကျမ်းဂန်များ၌ သာသနာပြုခွင်းရခြင်းဟူ၍ ဆိုပါ၏။အမှန်အားဖြင့် ဘုန်းကံနှင့် ပြည့်စုံသူများသာ သာသနာပြု

ခွင့်ရကြ၏။သာသနာပြုခြင်းနှင့် ပတ်သတ်၍ ရတနာသုံးပါးအား ပစ္စည်းလေးပါးလှူဒါန်းခြင်းကို အပြင်ပုံသဏ္ဍာန်အနေ

ဖြင့်တွေ့ရမည်ဖြစ်သော်လည်း အတွင်းသရုပ်အနေဖြင့်မူ တဏှာလောဘသတ်ခြင်းကို တွေ့ရမည်ဖြစ်၏။

အမှန်အားဖြင့် လောက၌တကယ်ချမ်းသာအောင် အားထုတ်ခြင်းဟူသည်မှာ မိမိတို့၏ သန္တာန်၌ ကိန်းနေသော တ

ဏှာလောဘကို သေအောင်သတ်ခြင်းသာဖြစ်၏။ပစ္စည်းလေးပါး လှူဒါန်း၍ လူစည်းစိမ်၊နတ်စည်းစိမ်၊ဗြဟ္မာစည်းစိမ်

ကိုရည်မျှော်ခြင်းသည် အနှစ်သာရအားဖြင့် သာသနာပြုခြင်းမဟုတ်။ကုန်သွယ်ခြင်းသာဖြစ်၏။ ထိုကြောင့် အလှူဒါန

ပြူကြရာ၌ ကုန်သွယ်ခြင်း သဘော မသက်ရောက်ရလေအောင် အလှူဒါန၏ အတွင်းသရုပ်ကို မြင်အောင်ကြည့်ရ၏။

ထို့ကြောင်း မိမိတို့သည် ထူးကဲသော ပါရမီအဟုန်တို့ကြောင့် လှူဒါန်းခွင့်ရသော ၀ါဆိုသင်္ကန်းကို ကုန်သွယ်ခြင်းသ

ဘောမဖြစ်စေဘဲ ဘ၀အဆက်ဆက်မှ သူတော်ကောင်းဓါတ်ခံ ပါရမီအဟုန်ကြောင့် လှူဒါန်းခွင့်ရသည်ဟု ၀မ်းသာ

ပီတိဖြစ်သင့်ပါသည်။ သာသနာတော် နှင့်ကြုံခွင့်ရကာသံဃာတော်တို့အား ၀ါဆိုသင်္ကန်း ဆပ်ကပ်ခွင့်ရခြင်းကို မိမိတို့

သည် ၀ိသာခါကျောင်းအမသို့နှယ် ပါရမီမျိုးစေ့မှ အပင်ပေါက်ကာ သာသနာနှင့်တွေ့ကြုံအောင် မည်မျှဖြည့်ဆည်းခဲ့

ရမည်ဟု တွေးဆကာ ၀မ်းသာစေလိုသော စေတနာဖြင့် ဤစာစုကို မျှဝေလိုက်ပါတယ်။